 "பாடாய்ப்படுத்தும் கழுத்து வலி தீர... நீங்கள் செய்ய வேண்டியதும்... செய்யக்கூடாததும்")
இன்றைய உடல் உழைப்பு இல்லாத வாழ்க்கை முறை காரணமாக, கழுத்து வலி என்பது பொதுவான பிரச்சனைகளில் ஒன்றாக மாறிவிட்டது. கம்ப்யூட்டர் உள்ளிட்ட எலக்ட்ரானிக் சாதனங்களில் நீண்ட நேரம் வேலை செய்தல், மோசமான தோரணை, தசைப்பிடிப்பு, கீல்வாத பிரச்சனைகள் அல்லது சில நேரங்களில் ஏற்படும் காயங்கள் காரணமாக கழுத்து வலி ஏற்படுகிறது.
நீண்ட நேரம் குனிந்த நிலையில் அமர்ந்திருப்பது, கம்ப்யூட்டரில் நீண்ட நேரம் வேலை செய்வது போன்றவை காரணமாக கழுத்து தசைகளில் அழுத்தம் ஏற்பட்டு கழுத்து வலி உண்டாகிறது. இது முதலில் சிறிய பிரச்சனையாக தோன்றலாம். ஆனால் கவனிக்காமல் விட்டுவிட்டால் அன்றாட வாழ்க்கையை பாதிக்கும் வகையில் தீவிர உடல்நல பிரச்சனைகளை ஏற்படுத்த கூடும். முதுகெலும்பு பகுதியில் உள்ள நரம்புகள் தசைகள் மற்றும் தசைநார்கள் பாதிக்கப்பட்டு கழுத்து வலி தீவிரமடைகிறது.
முதலில் கழுத்து வழியாக ஆரம்பிக்கும் இந்த பிரச்சனையை அலட்சியப்படுத்தினால், படிப்படியாக இந்த வலி தோள்கள் கைகள் மற்றும் விரல்களுக்குப் பரவி, சில கடுமையான உடல் ஏற்படுத்தும். கடுமையான கழுத்து வலி இருக்கும் போது தலைசுற்றல் மற்றும் சமநிலையை இழத்தல் போன்ற அறிகுறிகளையும் ஏற்படுத்தும்.
கழுத்து வலியினால் ஏற்படும் பிற உடல்நல பாதிப்புகள்
கழுத்து வலி, தோள்கள், கைகள் மற்றும் விரல்களுக்கு பரவுதோடு மட்டுமல்லாமல், ஒற்றைத் தலைவியும் ஏற்படுத்தலாம். தொடர்ச்சியான வழி காரணமாக தூக்கமின்மை பிரச்சனை ஏற்படும் போது, எரிச்சல் மற்றும் சோர்வுக்கு வழிவகுக்கிறது. எனவே இயல்பு வாழ்க்கையை பாதிக்கும் இந்த பிரச்சனைக்கு தீர்வு காண உங்கள் வாழ்க்கை முறையிலும், உணவு முறையிலும் மாற்றங்களை ஏற்படுத்துவது அவசியமாகிறது.
கழுத்து வலி ஏற்படாமல் இருக்க நீங்கள் கடைபிடிக்க வேண்டியவை
1. முதலில் கணினி அல்லது மடிக்கணினியில் வேலை செய்யும் போது, சரியான தோரணையில் அமர்ந்து கொள்வது முக்கியம். நேராக அல்லாமல் வளைந்து நெளிந்து உட்காருவது, கழுத்து மற்றும் முதுகெலும்பை பெரிதும் பாதிக்கும்.
2. கழுத்துக்கான பயிற்சிகளை செய்வது மிக அவசியம். கழுத்தின் தசைகளுக்கு வேலை கொடுக்கும் வகையில், நீட்சி பயிற்சிகளை தவறாமல் செய்ய வேண்டும். நடைப்பயிற்சியும், உடலில் ரத்த ஓட்டத்தை மேம்பட செய்து, தசைகளுக்கு வேலை கொடுத்து வலுவாக்குகிறது.
3. சரியான தலையணையை பயன்படுத்துவதன் மூலம், கழுத்து வலி ஏற்படுவதை தடுக்கலாம். இப்போது சந்தையில், கழுத்து வலிக்கு தீர்வைத் தரும் வகையில் பலவிதமான தலையணைகள் உள்ளன. இவை உங்களுக்கு நல்ல நிவாரணத்தை கொடுக்கும்.
4. நீண்ட நேரம் ஒரே நிலையில் இருக்காமல், இடையிடையில் எழுந்து சிறிது தூரம் நடந்து செல்ல வேண்டும். இதனால் தசைகள் தளர்வடையும்.
5. மன அழுத்தம் தசைகளில் இறுக்கத்தை ஏற்படுத்தி கழுத்து வலி ஏற்பட காரணமாகிறது. எனவே தினசரி யோகா அல்லது மூச்சுப் பயிற்சிகள் மூலம் மன அழுத்தத்தை கட்டுப்படுத்துவது அவசியம்.
6. உணவு முறையிலும் கவனம் தேவை. கால்சியம் சத்து நிறைந்த உணவுகள் அவசியம் உணவில் இருக்க வேண்டும். அதோடு ஒமேகா - 3 கொழுப்பு அமிலங்கள், புரதம், மெக்னீஷியம் உள்ளிட்ட சத்துக்களும் அவசியம்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)