 "மூளை சிறப்பாக செயல்பட குடல் ஆரோக்கியம் அவசியம்... இந்த பழக்கங்களை கட்டாயம் கடைபிடிங்க")
குடல் ஆரோக்கியம் சிறப்பாக இருக்க ப்ரோபயோடிக் உணவுகள் மிகவும் அவசியம் என்று அனைவரும் அறிந்ததே. எனினும், இது தவிர பிற ஊட்டச்சத்துக்களும் ஆரோக்கியமான சில பழக்கங்களும் அவசியம். குடல் ஆரோக்கியம் செரிமானத்தை மேம்படுத்துவது மட்டுமின்றி, ஊட்டச்சத்துக்களை உடல் கிரகித்துக் கொள்ளும் திறன், நோய் எதிர்ப்பு சக்தி, மூளை செயல்படும் திறன் ஆகியவற்றுக்கு மிகவும் அவசியம். மூளை ஆரோக்கியத்திற்கும் குடல் ஆரோக்கியத்திற்கும் நெருங்கிய தொடர்பு உண்டு.
குடல் ஆரோக்கியம் சிறப்பாக இருக்க உதவும் ஆரோக்கியமான பழக்கங்கள்
மூளை செயல் திறன் மேம்படுவது முதல், நோய் எதிர்ப்பு சக்தியை வலுப்படுத்துவது வரை மிகவும் அத்தியாவசியமான, குடல் ஆரோக்கியம் சிறப்பாக இருக்க, சாப்பிட வேண்டிய உணவுகள் மற்றும் கடைபிடிக்க வேண்டிய ஆரோக்கியமான பழக்கவழக்கங்கள் (Health Tips) குறித்து இந்த பதிவில் விரிவாக அறிந்து கொள்ளலாம்.
நார்ச்சத்து நிறைந்த உணவுகள்
குடல் ஆரோக்கியம் சிறப்பாக இருக்க நார்ச்சத்து நிறைந்த உணவுகள் மிகவும் உதவும், இதற்கு காய்கறிகள் பழங்கள், முழு தானியங்கள், பீன்ஸ் பருப்பு வகைகள், உணவுகள் ஆகியவை உணவு உதவும். ப்ரோபயோடிக் உணவுகளுடன் நார்ச்சத்து சேர்த்தால், குடல் ஆரோக்கியத்திற்கு தேவையான நல்ல பாக்டீரியா மிகவும் பெருகும்.
புளிக்க அல்லது நொதிக்க வைக்கப்பட்ட உணவுகள்
தயிர், பழைய சாதம், இட்லி தோசை போன்ற நொதிக்க வைக்கப்பட்ட உணவுகள், குடலில் நல்ல பாக்டீரியாக்களை பல்கி பெருக செய்து, செரிமானத்தை மேம்படுத்துவதோடு, உடலை குளிர்விக்கிறது.
நீர்ச்சத்து
உடல் ஆரோக்கியம் சிறப்பாக இருக்க நீர்ச்சத்து குறையாமல் இருப்பது அவசியம். ஒரு நாளைக்கு தேவையான தண்ணீரை குடிப்பதால், செரிமானம் சிறப்பாக இருப்பதோடு, உடலில் உள்ள நச்சுக்கள் வெளியேறவும் உதவுகிறது.
உடற்பயிற்சி
குடல் ஆரோக்கியம் சிறப்பாக இருக்க, உணவுப் பழக்கம் மட்டுமல்லாது உடற்பயிற்சியும் முக்கிய பங்கு வகிக்கிறது. உங்களால் முடிந்த எளிய பயிற்சிகளை, தினமும் செய்வது தசை ஆரோக்கியத்தையும் மேம்படுத்தும். மலச்சிக்கல் பிரச்சனை என்பது இருக்கவே இருக்காது.
நல்ல ஆழ்ந்த தூக்கம்
குடல் சார்ந்த பிரச்சினைகளுக்கு தூக்கமின்மை முக்கிய காரணமாகிறது. எனவே நாளொன்றுக்கு ஏழு முதல் எட்டு மணி நேர தூக்கம் மிக அவசியம். இதனால் ஹார்மோன்கள் சுரப்பு சீராக இருப்பதோடு, உலகின் செயல் திறனும் சிறப்பாக இருக்கும்.
அதிக இனிப்புள்ள உணவுகளை தவிர்த்தல்
பதப்படுத்தப்பட்ட உணவுகள், அதிக இனிப்புள்ள உணவுகள் குடல் ஆரோக்கியத்திற்கு எதிரி. இருப்பதெல்லாம் கலோரிகளும் கார்போஹைட்ரேட்டுகளும் மட்டுமே. ஊட்டச்சத்துக்கள் என்பது மருந்துக்கும் இருக்காது.
ஆன்டிபயாட்டிக் மருந்துகளை அதிகம் எடுத்துக் கொள்ளுதல்
பொதுவாகவே மருத்துவரை கலந்தாலோசிக்காமல், நாமாகவே மருந்து சாப்பிடுவது மிகவும் தவறு. இதனால் பக்க விளைவுகள் அதிகம் ஏற்படும். அதில் ஒன்று குடல் ஆரோக்கியம் பாதிக்கப்படுதல். அளவிற்கு அதிகமாக ஆன்டிபயாட்டிக் மருந்துகளை எடுத்துக் கொள்வதால், ஆசிடிட்டி வயிற்று உபிசம் உள்ளிட்ட பிரச்சனைகளை எதிர்கொள்ள நேரிடும்.
சமச்சீரான உணவு
அனைத்து ஊட்டச்சத்துக்களும் நிறைந்த சமச்சீரான உணவு தேவை. இதன் மூலம் அனைத்து வகையான ஊட்டச்சத்துக்களும் உடலில் கிடைக்க பெற்று, ஒட்டுமொத்த ஆரோக்கியம் மேம்படும்.
பொறுப்பு துறப்பு: இந்தக் கட்டுரை பொது தளத்தில் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இதில் குறிப்பிட்டு இருப்பதை கடைபிடிக்கும் முன், மருத்துவரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)