 "Dolo 650: மிட்டாய் மாதிரி சாப்பிடாதீங்க... கிட்னி முதல் லிவர் வரை அனைத்தும் பாதிக்கும்")
இந்தியாவில் காய்ச்சல், சளி, இருமல், தலைவலி போன்ற பிரச்சனைகளுக்கு பெரும்பாலானோர் மருந்து கடைகளை அணுகி மருந்து வாங்கி சாப்பிடும் வழக்கம் உள்ளது. அந்த வகையில் டோலோ 650 மாத்திரைகளை பலர் எதற்கெடுத்தாலும் பயன்படுத்துகின்றனர். பொதுவாக, மருத்துவர் ஆலோசனை இல்லாமல், நாமாகவே மருந்துகள் எடுத்துக் கொள்வது மிகவும் தவறு. இதனால் ஏற்படும் பக்க விளைவுகள் குறித்து, மருத்துவர்கள் அடிக்கடி எச்சரித்து வருகின்றனர். இந்நிலையில், அடிக்கடி டோலோ 650 மாத்திரைகள் உட்கொள்வதால், ஏற்படும் பக்க விளைவுகள் குறித்து அதிர்ச்சி தகவல்கள் வெளியாகி உள்ளது.
குழந்தைகள் முதல் பெரியவர்கள் வரை அனைவரும் பயன்படுத்தும் மாத்திரை
பக்கவிளைவுகள் காரணமாக இந்திய அரசு, பல நாடுகளுடன் சேர்ந்து, 2023 ஆம் ஆண்டில் 14 மருந்துகளை தடை செய்தது. காய்ச்சல், தலைவலி அல்லது உடல் வலியிலிருந்து நிவாரணம் பெற பாராசிட்டமால் பயன்படுத்துவது மிகவும் பொதுவானதாகிவிட்டது. குழந்தைகள் முதல் பெரியவர்கள் வரை அனைவரும் எடுத்துக் கொள்கின்றனர் இந்த மாத்திரை வீடுகளில் மிகவும் பரவலாகப் பயன்படுத்தப்பட்டு வருவதால், இப்போது படிப்பறிவில்லாத ஒருவர் கூட இதைப் பார்த்தாலே அடையாளம் கண்டுகொள்ள முடியும்.
அமெரிக்காவில் வசிக்கும் டாக்டர் பழனியப்பன் மாணிக்கம் விடுத்துள்ள எச்சரிக்கை
எளிமையான சொற்களில், இந்த சிறிய வெள்ளை மாத்திரை பலவித நோய்க்கு உடனடி நிவாரணம் (Health Tips) கொடுக்கும் மருந்தாக மாறிவிட்டது. ஆனால் அதன் அதிகப்படியான பயன்பாடு பாதுகாப்பானதா என்று நீங்கள் எப்போதாவது யோசித்திருக்கிறீர்களா? சமீபத்தில் ஒரு மருத்துவரின் ட்வீட் இது குறித்த முக்கிய விவாதத்தை ஏற்படுத்தியுள்ளது. அமெரிக்காவில் வசிக்கும் காஸ்ட்ரோஎன்டாலஜிஸ்ட் டாக்டர் பழனியப்பன் மாணிக்கம் (டாக்டர் பால்) டோலோ 650 மாத்திரையின் பகக் விளைவுகளை எச்சரித்து ட்வீட் செய்துள்ளார்.
சிறுநீரகம் மற்றும் கல்லீரல் பாதிப்பு ஏற்பட வாய்ப்புகள் அதிகம்
பலர் இப்போது 650 கிராம் பாராசிட்டமால் மிட்டாய் போல பயன்படுத்துகிறார்கள் என்று டாக்டர் பால் எச்சரிக்கிறார். இது காய்ச்சல், தலைவலி, சோர்வு அல்லது எல்லா வகையான வலிகளுக்கும் மருத்துவரின் ஆலோசனை இல்லாமல் எடுத்துக்கொள்ளப்படுகிறது. ஆனால் அதிகப்படியான பாராசிட்டமால் உடலில், குறிப்பாக கல்லீரலில் மோசமான விளைவை ஏற்படுத்தும். மருத்துவ அறிக்கையின்படி, பாராசிட்டமால் அளவுக்கு அதிகமாக உட்கொள்வதால் ஏற்படும் கடுமையான கல்லீரல் செயலிழப்பு மற்றும் சிறுநீரக நோய் பாதிப்புகள் உலகம் முழுவதும் வேகமாக அதிகரித்து வருகின்றன என அவர் எச்சரித்துள்ளார்.
இரைப்பை குடல் பிரச்சனைகள் ஏற்பட வாய்ப்புகள் அதிகம்
டோலோ 650 அல்லது பாரசிட்டமால் மாத்திரையை, அடிக்கடி பயன்படுத்துபவர்களுக்கு, இதயம், சிறுநீரகம், இரைப்பை குடல் பிரச்சனைகள் ஏற்பட வாய்ப்புகள் அதிகம் உள்ளதாக சில மாதங்களுக்கு முன் ஆய்வு ஒன்றில் எச்சரிக்கை விடுக்கப்பட்டது. லேசான காய்ச்சல் அல்லது வலியிலிருந்து நிவாரணம் பெற அடிக்கடி பயன்படுத்தப்படும் டோலோ 650 மாத்திரையை அடிக்கடி எடுத்துக்கொள்வது உங்கள் உடல்நலத்திற்கு மிகவும் ஆபத்தானது . மருத்துவரின் ஆலோசனை இல்லாமல் நீங்கள் டோலோ 650-ஐ உட்கொண்டால், பல பக்க விளைவுகளை நீங்கள் சந்திக்க நேரிடும்.
செரிமான பிரச்சனை
காய்ச்சல் வந்தவுடன் டோலோ 650 மாத்திரையை மிட்டாய் போல சாப்பிடுவதன் மூலம் வம்பை விலைக்கு வாங்குகிறோம் என்று மருத்துவ நிபுணர்கள் கூறுகிறார்கள். டோலோ 650 உங்கள் குடல் ஆரோக்கியத்தை சேதப்படுத்தி தீவிர செரிமான பிரச்சனைகளை உண்டாக்கும். வாயு, ஆசிடிட்டி, வயிற்று வலி அல்லது அஜீரணம் போன்ற பிரச்சனைகளை ஏற்படுத்தும்.
சோர்வு மற்றும் பலவீனம்
டோலோ 650 அல்லது பராசிட்டமால் பொதுவாக லேசான காய்ச்சல், வலி அல்லது தசைக்கூட்டு கோளாறுகளுக்கு சிகிச்சையளிப்பதற்கு பயனுள்ளதாகவும் பாதுகாப்பாகவும் கருதப்படுகிறது என்றாலும், இதனை 650 மருந்தை மருத்துவரின் ஆலோசனை இல்லாமல் அடிக்கடி எடுத்துக் கொண்டால், உங்களுக்கு வாந்தி அல்லது குமட்டல் ஏற்படலாம். தலைச்சுற்றல் கூட உண்டாகலாம். இதனால் அதீத சோர்வாகவும் பலவீனமாகவும் உணரலாம்.
இரத்த அழுத்த பிரச்சனை
டோலோ 650- மாத்திரையை அடிக்கடி உட்கொள்பவர்களுக்கு குறைந்த இரத்த அழுத்தம் ஏற்படலாம். நீங்களும் இதுபோன்ற பிரச்சனைகளைத் தவிர்க்க விரும்பினால், டோலோ 650 ஐ உட்கொள்வதற்கு முன்பு ஒரு முறை மருத்துவரிடம் பரிசோதனை செய்து கொள்ள வேண்டும். ஏனெனில் மருத்துவராகி நீங்களே சிகிச்சை பெறுவது உங்கள் ஆரோக்கியத்திற்கு தீங்கு விளைவிக்கும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)