முதுகெலும்பு சிறந்த ஆரோக்கியத்துடன் இருக்கவும், கழுத்து வலி முதுகு வலி இடுப்பு வலி உள்ளிட்ட பிரச்சனைகள் ஏற்படாமல் இருக்கவும், உடல் தோரணை மற்றும் உடற்பயிற்சிகளில் கவனம் செலுத்துவதோடு உணவு விஷயங்களிலும் கவனம் தேவை.
)
இன்றைய காலகட்டத்தில், உடல் செயல்பாடுகள் அல்லாமல், நீண்ட நேரம் ஒரே இடத்தில் அமர்ந்து கொண்டு வேலை செய்யும் பணிகள் நாளுக்கு நாள் அதிகரித்து வருகிறது. அனைத்தும் டிஜிட்டல் மயமான நிலை, கணினி சார்ந்த வேலை அதிகரித்துள்ள நிலை போன்றவை இதற்கு காரணம். இதனால் முதுகெலும்பு அல்லது முதுகுத்தண்டு பாதிக்கப்படுவதோடு, கழுத்து வலி, முதுகு வலி போன்ற பிரச்சனைகள் பெருமளவில் அதிகரித்து விட்டன.
முதுகு தண்டு சிறந்த அரோக்கியத்துடன் இருக்க உதவும் உணவுகள்
முதுகெலும்பு சிறந்த ஆரோக்கியத்துடன் இருக்கவும், கழுத்து வலி முதுகு வலி இடுப்பு வலி உள்ளிட்ட பிரச்சனைகள் ஏற்படாமல் இருக்கவும், உடல் தோரணை மற்றும் உடற்பயிற்சிகளில் கவனம் செலுத்துவதோடு உணவு விஷயங்களிலும் கவனம் தேவை. முதுகெலும்பு வலுவாக இருக்க கால்சியம் மற்றும் வைட்டமின் டி மட்டுமல்லாது, மெக்னீசியம் ஒமேகா 3 கொழுப்பு அமிலம், ஆன்ட்டி ஆக்ஸிடென்ட்கள் ஆகியவையும் அவசியம். இந்நிலையில் முதுகெலும்பை வலுவாக வைத்துக்கொள்ள டயட்டில் சேர்க்க வேண்டிய சில உணவு வகைகளை அறிந்து கொள்ளலாம்
எலும்புகளை வலுவாக்கும் கால்சியம் சத்து
முதுகெலும்பு மட்டுமல்லாது உடலில் உள்ள எலும்புகள் அனைத்தும் வலுவாக இருக்க, கால்சியம் நிறைந்த உணவுகள் அவசியம். இதற்கு தினமும் பால் பொருட்களை தவறாமல் சேர்த்துக் கொள்ள வேண்டும். அதோடு, பச்சை இலை காய்கறிகளும் தவறாமல் இடம்பெற வேண்டும். கேப்பை உள்ளிட்ட சிறுதானியங்கள், பாதாம் உள்ளிட்ட நட்ஸ் வகைகள், எள்ளு, பூசணி விதை போன்ற விதை உணவுகள் ஆகியவை கட்டாயம் டயட்டில் இருக்க வேண்டும்.
கால்சியம் சத்தை உறிஞ்சும் திறனை மேம்படுத்தும் வைட்டமின் டி
கால்சியம் சத்து நிறைந்த உணவை போதுமான அளவு எடுத்துக் கொண்டாலும், அதனை உடல் கிரகித்துக் கொள்ள வைட்டமின் டி தேவை. சூரிய ஒளியில் வைட்டமின் டி அபரிமிதமாக உள்ளது. தினமும் 10 நிமிடம் முதல் 30 நிமிடம் வரை சூரிய ஒளி உடலில் படுவது மிகுந்த நன்மை அளிக்கும். அதோடு கடல் உணவுகளிலும் வைட்டமின் டி சத்து நிறைந்துள்ளது.
தசைகளை வலுவாக்க மெக்னீசியம் நிறைந்த உணவுகள்
எலும்புகள் வலுவாக இருக்க, அதனைச் சுற்றியுள்ள தசைகளும் வலுவாக இருக்க வேண்டும். இதற்கு மெக்னீசியம் நிறைந்த உணவுகள் உதவும். பூசணி விதைகள், வாழைப்பழம், பீன்ஸ் வகை பருப்புகள், கினோவா, பழுப்பு அரிசி உள்ளிட்ட முழு தானியங்கள் ஆகியவை சிறந்த தேர்வுகளாக இருக்கும்.
தசைகளின் வளர்ச்சி மற்றும் காயங்கள் ஆற உதவும் புரோட்டின் சத்து
எலும்புகளை சுற்றி உள்ள தசைகள் வலுவாக வளரவும், தசைகளில் ஏற்பட்டுள்ள காயங்கள் எளிதில் குணமாகவும் புரோட்டின் சத்து அவசியம். தயிர், முட்டை, இறைச்சி உணவுகள், பீன்ஸ் வகை பருப்புகள் இவற்றை தாராளமாக உணவே சேர்த்துக் கொள்ள வேண்டும்.
எலும்புகள் மற்றும் மூட்டுகளின் வீக்கத்தை குறைக்க உதவும் ஒமேகா-3 கொழுப்பு அமிலங்கள்
எலும்புகள் மற்றும் மூட்டுகளின் ஆரோக்கியத்தை மேம்படுத்த ஒமேகா 3 கொழுப்பு அமிலங்கள் நிறைந்த உணவுகள் மிகவும் அவசியம். இதில் உடல் வீக்கத்தை குறைக்கும் பண்பு உள்ளது. இதனால் எலும்புகள் மற்றும் மூட்டுகளை சுற்றி ஏற்பட்டுள்ள வீக்கம் குறைந்து, மூட்டு வலி இடுப்பு வலி போன்றவற்றிலிருந்து நிவாரணம் கிடைக்கும். பாதாம், வாதுமை பருப்பு உள்ளிட்ட நட்ஸ் வகைகள், மீன் உணவுகள், சியா மற்றும் ஆளி விதைகள் ஆகியவற்றில் எண்ணற்ற ஒமேகா 3 கொழுப்பு அமிலங்கள் அதிகம் காணப்படுகின்றன.
ஆன்ட்டி ஆக்சிடென்ட் நிறைந்த உணவுகள் மூலம் ஆக்ஸிஜனேற்று அழுத்தத்தை கட்டுப்படுத்தலாம்
ஆன்ட்டி ஆக்சிடென்ட் நிறைந்த உணவுகள், ஆக்ஸிஜனேற்ற அழுத்தத்தை கட்டுப்படுத்தி, முதுகெலும்பு உள்ளிட்ட பிற எலும்புகள் மற்றும் நரம்புகளின் ஆரோக்கியத்தை பாதுகாக்கிறது. கீரை உள்ளிட்ட பச்சை இலை காய்கறிகள், கேரட், பீட்ரூட், குடைமிளகாய், நெல்லிக்காய், கிரீன் டீ ஆகியவற்றில் எண்ணற்ற ஆன்ட்டி ஆக்சிடென்ட்கள் காணப்படுகின்றன.
(பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
