Fatty Liver : கொழுப்பு கல்லீரல் முதல் நிலை ஆபத்தானதா? அவசியம் தெரிந்து கொள்ளுங்கள்

fatty liver in tamil : கொழுப்பு கல்லீரல் நோய் யாருக்கெல்லாம் வரும், கொழுப்பு கல்லீரல் என்றால் என்ன, அதில் இருந்து முழுமையாக மீள்வது எப்படி? என்பதை தெரிந்து கொள்ளுங்கள்.

fatty liver in tamil Tips : கொழுப்பு கல்லீரலின் முதல் நிலை (Grade 1 Fatty Liver) பொதுவாக கடுமையான ஆபத்து இல்லை, ஆனால் கவனிக்காமல் விட்டுவிட்டால், அது கல்லீரல் வீக்கம் (Steatohepatitis), இழைநார் வளர்ச்சி (Fibrosis) அல்லது ஈரல் சிரோசிஸ் (Cirrhosis) ஆக மோசமடையலாம்.

Add Zee News as a Preferred Source

முதல் நிலை கொழுப்பு கல்லீரலில் இருந்து மீள்வது எப்படி?

உணவில் மாற்றங்கள்: சர்க்கரை & சுத்திகரிக்கப்பட்ட கார்போஹைட்ரேட்டுகளை தவிர்க்கவும். அதாவது சோடா, வெள்ளை அரிசி, மைதா எடுத்துக் கொள்ளாதீர்கள்.
ஆரோக்கியமான கொழுப்புகளை கொண்டிருக்கும் வேக வைக்கப்பட்ட விதைகள், ஆலிவ் எண்ணெய், அவகோடா சாப்பிடலாம்
ஈரலுக்கு நல்ல உணவுகள்: குறைந்த கொழுப்புள்ள கோழி, மீன், பச்சை காய்கறிகள், பீன்ஸ் சாப்பிடலாம்.
உடல் பயிற்சி: வாரத்தில் 5 நாட்கள் 30-45 நிமிடம் நடைபயிற்சி, யோகா அல்லது ஸ்விம்மிங் செய்யவும்.
எடை குறைத்தல்: உடல் எடையில் 5-10% குறைப்பு கூட கொழுப்பு கல்லீரலை 70% மேம்படுத்தும்.
மது & புகையிலை தவிர்க்கவும்: மது கல்லீரல் சேதத்தை துரிதப்படுத்தும், எனவே முழுமையாக தவிர்க்கவும்.

இயற்கை வழிமுறைகள்:

காப்பி (Black Coffee): ஈரல் ஆரோக்கியத்தை மேம்படுத்தும்.
பசுங்கீரை, கருவேப்பிலை: டாக்ஸின்களை வெளியேற்ற உதவும்.
ஆம்லா, தூதுவளை: ஈரல் சுத்திகரிக்க உதவும்.

ரத்த சோகை & டயபெட்டிஸ் கட்டுப்பாடு: இன்சுலின் எதிர்ப்பு (Insulin Resistance) இருந்தால், மெட்ஃபார்மின் (Metformin) போன்ற மருந்துகளை மருத்துவரின் ஆலோசனையுடன் எடுத்துக்கொள்ளலாம்.

வழக்கமான சோதனைகள்: 6 மாதங்களுக்கு ஒருமுறை LFT (Liver Function Test), அல்ட்ராசவுண்ட் செய்து கண்காணிக்கவும். முதல் நிலை கொழுப்பு கல்லீரலை சரியான உணவு, உடற்பயிற்சி & வாழ்க்கை முறை மாற்றங்களால் முழுமையாக குணப்படுத்தலாம். ஆனால் புறக்கணித்தால், நாள்பட்ட ஈரல் பிரச்சினைகள் ஏற்பட வாய்ப்புள்ளது.

கல்லீரல் நோய் யாருக்கெல்லாம் வரும்?

கொழுப்பு கல்லீரல் நோய் (NAFLD/NASH) வருவதற்கு முதல் காரணம் உடல் எடை அதிகம் உள்ளது (Obesity) தான். BMI 30+ உள்ளவர்களுக்கு இந்த பிரச்சனை வர அதிக வாய்ப்பு. அதிக மது குடிப்பது ஈரல் சிரோசிஸ் (Cirrhosis) மற்றும் ஈரல் செயலிழப்புக்கு வழிவகுக்கும். டைப் 2 டயபெடிஸ் உள்ளவர்களில் 60% பேருக்கு கொழுப்பு கல்லீரல் நோய் இருக்கும். ஹெபடைடிஸ் வைரஸ்கள் நாள்பட்ட ஈரல் அழற்சி மற்றும் புற்றுநோய் வர வழிவகுக்கும். 

வீட்டில் யாருக்காவது இருந்தால் பரம்பரை மரபணு காரணிகள் (எ.கா: Hemochromatosis, Wilson’s Disease) ஈரலை பாதிக்கும். பாராசிட்டமால் (Paracetamol) அதிகமாக உபயோகித்தல், ஸ்டெராய்டுகள், கீமோதெரபி மருந்துகள் எடுத்துக் கொண்டால் இப்பிரச்சனை வரும். உடல் செயலற்ற தன்மை (Sedentary Lifestyle) கொழுப்பு கல்லீரலை தூண்டும். எனவே, இது குறித்து கவனத்தில் கொண்டு ஆரோக்கியத்தில் முழு கவனத்தையும் செலுத்தவும்.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!