 "எச்சரிக்கை... உங்கள் சமையலறையில் இருந்து தூக்கி எறிய வேண்டிய... ஆபத்தான 3 பொருட்கள்")
சமையலறை ஆரோக்கியத்தை அள்ளி வழங்கும் ஒரு புதையல் என்று அழைக்கப்படுகிறது. ஆனால், சமையலறையில் ஆரோக்கியத்திற்கு தீங்கு விளைவிக்கும் பொருட்களும் உள்ளன. இவை சமையலறையில் பயன்படுத்தப்படும் கருவிகளாகவோ அல்லது பொருட்களை வைத்திருக்கும் பாத்திரங்களாகவோ இருக்கலாம். குடல் மருத்துவர் சௌரப் சேத்தி சமையலறையில் இருந்து நிச்சயம் அப்புறப்படுத்த வேண்டிய அல்லது தூக்கி எறிய வேண்டிய பொருட்கள் குறித்து கூறுகிறார். டாக்டர் சேத்தி தனது இன்ஸ்டாகிராம் கணக்கிலிருந்து இந்த வீடியோவைப் பகிர்ந்துள்ளார். அதில் அவர் சமையலறையின் உள்ள இந்த 3 பொருட்கள் நச்சுத்தன்மை வாய்ந்தவை என்று விவரித்துள்ளார்.
டாக்டர் சேத்தி ஆரோக்கியத்தை பாதிக்கும் இந்த பொருட்களை உங்கள் சமையலறையில் வைக்கக்கூடாது என்றும், இந்த பொருட்கள் சமையலறையில் இருந்தால், அவற்றை சமையலறையிலிருந்து உடனே அகற்றுவது புத்திசாலித்தனம் (Health Tips) என்றும் கூறினார்.
சமையலறையில் இருந்து முற்றிலும் அகற்றப்பட வேண்டிய பொருட்கள்
பிளாஸ்டிக் பாத்திரங்கள்
பிளாஸ்டிக் பாத்திரங்கள் காலப்போக்கில் சேதமடையத் தொடங்குவதால், குறிப்பாக அவை அதிக வெப்பநிலையில் வரும்போது, BPA போன்ற தீங்கு விளைவிக்கும் இரசாயனங்களை வெளியிடத் தொடங்கும் என்பதால், அவற்றை சமையலறையில் பயன்படுத்துவதை தவிர்க்க வேண்டும் என்று மருத்துவர் கூறுகிறார். சமையலுக்கும் பயன்படுத்தும் ஸ்பூங்கள் அல்லது கரண்டிகள் போன்ற சமையலறை பாத்திரங்கள் ஆரோக்கியத்திற்கு பாதுகாப்பான பொருட்களிலிருந்து தேர்ந்தெடுக்கப்பட வேண்டும். துருப்பிடிக்காத எஃகு, சிலிகான் அல்லது மூங்கில் ஆகியவை சமையலறை பாத்திரங்களுக்கு நல்ல தேர்வுகள்.
பிளாஸ்டிக் கட்டிங் போர்டு
காய்கறிகளை வெட்ட பயன்படுத்தும் பிளாஸ்டிக் கட்டிங் போர்டு பலகைகளும் காலப்போக்கில் சேதமடையத் தொடங்கி, உணவில் மைக்ரோபிளாஸ்டிக்கள் கலக்க காரணமாகின்றன. அதனால்தான் மரம் அல்லது கண்ணாடியால் செய்யப்பட்ட கட்டிங் போர்டு பலகைகளைப் பயன்படுத்துவது மிகவும் நன்மை பயக்கும்.
நான்ஸ்டிக் பாத்திரங்கள்
சமையலறையில் பழைய கீறல் விழுந்த அல்லது சேதமடைந்த நான்ஸ்டிக் பாத்திரங்கள் இருந்தால், அவற்றைப் பயன்படுத்தக்கூடாது. இந்த நான்ஸ்டிக் பாத்திரங்களில் ஆரோக்கியத்திற்கு தீங்கு விளைவிக்கும் PFA கள் இருக்கலாம். அவை உயர் இரத்த அழுத்தம், கொழுப்பு பிரச்சினைகள் மற்றும் பாலியல் தொடர்பான பிரச்சினைகளை ஏற்படுத்தும். சேதமடைந்த நான்ஸ்டிக் பாத்திரங்கள் உங்கள் உணவில் நச்சுத் துகள்களை வெளியிடக்கூடும். இந்த பாத்திரங்களை ஸ்டெயின்லெஸ் ஸ்டீல் அல்லது வார்ப்பிரும்பு அல்லது முழுமையாக பீங்கான் பாத்திரங்களால் மாற்ற வேண்டும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)