White hair Home Remedy Tamil | இளம் வயதிலேயே முடி முன்கூட்டியே நரைப்பது இன்றைய காலத்தில் ஒரு பொதுவான பிரச்சனையாக மாறிவிட்டது. முன்பெல்லாம் நரை முடி முதுமையின் அறிகுறியாகக் கருதப்பட்டது, ஆனால் இன்றைய காலத்தில், நரை முடி என்பது முதுமையின் அறிகுறி அல்ல. மாறாக இன்றைய காலகட்டத்தில், இளம் வயதினருக்கும், சிறு குழந்தைகளும் கூட நரை முடி வருவதை பார்க்கலாம். இதற்கு அடிப்படையான காரணங்கள் என ஒரு பட்டியலே சொல்லப்படுகிறது. மரபு காரணிகள், உணவு முறை, வாழ்க்கை முறை என பல விஷயங்கள் முடி நரைப்பதற்கு காரணமாக உள்ளன.
முடி நரைப்பது நம் அழகைப் பாதிக்கிறது. இளம் பருவத்திலேயே வயதானவர்களாகத் தோன்றத் தொடங்குகிறோம். இதனை சரி செய்ய உடற்பயிற்சி அவசியம். உங்கள் உணவுப் பழக்கம் முதல் வாழ்க்கை முறை எல்லாவற்றையும் மாற்ற வேண்டும். அப்போது உங்களின் இளம் தோற்றத்தை இன்னும் சில வருடங்களுக்கு நீட்டிக்க முடியும். அதனை செய்ய நீங்கள் தயாராக இல்லை என்றால் நரை முடி பிரச்சனைக்கு செயற்கை மருந்துகளை நாடிச் செல்ல நேரிடும். இருப்பினும் ஆயுர்வேத மருத்துத்தில் ஹேர் டை பயன்படுத்தாமல் முடியை கருப்பாக்கும் சில மருத்துவ முறைகளும் உள்ளன. அதில் எல்லோருக்கும் தெரிந்தது மருதாணி மூலம் முடியின் நிறத்தை மாற்றுவது. அதனையும் தவிர்த்து இன்னொரு வீட்டு வைத்தியம் இருக்கிறது. அது என்ன என்பதை இங்கே தெரிந்து கொள்ளுங்கள்.
நெல்லிக்காய்
உங்கள் தலைமுடியை இயற்கையாகவே கருப்பாக்குவதில் நெல்லிக்காய் உங்களுக்கு உதவ முடியும். நெல்லிக்காயில் வைட்டமின் சி மற்றும் ஆக்ஸிஜனேற்றிகள் ஏராளமாக உள்ளன. நீங்கள் உங்கள் உணவில் நெல்லிக்காயைச் சேர்த்துக் கொள்ளலாம் அல்லது அதன் எண்ணெய் மற்றும் ஷாம்புவைத் தயாரித்து உங்கள் தலைமுடியில் தடவலாம். இது உங்கள் தலைமுடியை இயற்கையாகவே கருப்பாக்குவதோடு மட்டுமல்லாமல், அவற்றின் வளர்ச்சிக்கும் வலுப்படுத்துவதற்கும் உதவும்.
வெந்தயம்
வெந்தய விதைகளும் கூந்தலுக்கு மிகவும் நன்மை தரக்கூடியது. வெந்தயத்தில் புரதத்துடன் நிக்கோடினிக் அமிலமும் காணப்படுகிறது. வெந்தய விதைகளைப் பயன்படுத்துவதன் மூலம் அவற்றை கருமையாக்க உதவலாம். இதைப் பயன்படுத்த, நீங்கள் வெந்தய விதைகளை பேஸ்ட் செய்து உங்கள் தலைமுடியில் தடவலாம். அதன் பேஸ்ட்டை தலைமுடியில் தடவி அரை மணி நேரம் அப்படியே விட்டுவிட்டு, பின்னர் தலைமுடியைக் கழுவி சுத்தம் செய்யவும்.
கறிவேப்பிலை
கறிவேப்பிலையும் கூந்தலுக்கு நன்மை தரக்கூடியது. இது வெள்ளை முடியை கருமையாக்க உதவும். நீங்கள் கறிவேப்பிலையை உட்கொள்ளலாம். இது தவிர, நீங்கள் கறிவேப்பிலையிலிருந்து எண்ணெய் தயாரித்து உங்கள் தலைமுடியில் தடவலாம். கறிவேப்பிலை எண்ணெயைக் கொண்டு உச்சந்தலையில் நன்கு மசாஜ் செய்வதன் மூலம் நரைமுடியை காலப்போக்கில் கருப்பாக்கலாம் அல்லது புதிய நரைமுடி தோன்றாமல் பார்த்துக் கொள்ளலாம்.
மேலும் படிக்க | பிளாக் காபியின் 6 ஆரோக்கிய நன்மைகள் - காலையில் அதை ஏன் சாப்பிடுவது நல்லது?
மேலும் படிக்க | காலையில் பிளாக் காபி குடித்தால் இவ்வளவு நன்மைகள் கிடைக்குமா?
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Karthikeyan Sekar
I am Karthikeyan, a Senior Sub-Editor at Zee Tamil News Channel, bringing 10 years of experience in the media industry. I have extensive experience working in both news television and online website platforms.
...Read More
