DengiAll: டெங்கு நோயை ஒழித்துக் கட்ட... டெங்கிஆல் தடுப்பூசியை தயாரிக்கிறது இந்தியா

கொரோனா பெருந்தொற்றுக்கு முடிவு கட்டும் வகையில், கொரோனா தடுப்பூசியை கண்டுபிடித்து சாதனை செய்த இந்தியா, இப்போது மற்றொரு ஆபத்தான நோயான 'டெங்கு' நோயை தோற்கடிப்பதில் ஒரு பெரிய வெற்றியை நோக்கி நகர்கிறது. 'கோவாக்சின்' (Covaxin) என்ற உள்நாட்டு தடுப்பூசி கோவிட்டிலிருந்து மக்களுக்குப் பாதுகாப்பு அளித்தது போல, இப்போது 'டெங்கிஆல்' (DengiAll) என்ற உள்நாட்டு டெங்கு தடுப்பூசி மில்லியன் கணக்கான உயிர்களை காப்பாற்றும்.

Add Zee News as a Preferred Source

மூன்றாம் கட்ட மருத்துவ பரிசோதனையில் டெங்கு தடுப்பூசி

டெங்கு தடுப்பூசி தற்போது மூன்றாம் கட்ட மருத்துவ பரிசோதனைகளில் உள்ளது. இதுவரை அதன் முடிவுகள் மிகவும் ஊக்கமளிப்பதாகக் கூறப்படுகிறது. எல்லாம் திட்டமிட்டபடி சரியாக நடந்தால், இந்த தடுப்பூசி அடுத்த ஆண்டு நடுப்பகுதியில் சந்தைக்கு வரக்கூடும் என்று எதிர்பார்க்கப்படுகிறது.

பனேசியா பயோடெக் மற்றும் ஐசிஎம்ஆருடன் இணைந்து உருவாக்கப்பட்டு வரும் டெங்கு தடுப்பூசி

கொல்கத்தாவில் உள்ள அறிவியல் நகரில் நடந்த தடுப்பூசிகள் கண்காட்சியின் போது, ​​ஐசிஎம்ஆரின் முன்னாள் இயக்குநர் ஜெனரலும், கோவிட் தடுப்பூசி வளர்ச்சியில் முக்கியப் பங்காற்றியவருமான டாக்டர் பால்ராம் பார்கவா, 'டெங்கிஆல்' எனப்படும் இந்த உள்நாட்டு தடுப்பூசி, பனேசியா பயோடெக் மற்றும் ஐசிஎம்ஆருடன் இணைந்து உருவாக்கப்பட்டு வருவதாக தெரிவித்தார். அதன் முதல் கட்ட மற்றும் இரண்டாம கட்டம்  சோதனைகள் வெற்றி அடைந்துள்ள நிலையில் இப்போது அதன் மூன்றாம் கட்டமாக 10,335 பேருக்கு செலுத்தி சோதிக்கப்பட்டு வருகிறது என்றார். 18 மாநிலங்கள் மற்றும் யூனியன் பிரதேசங்களில் உள்ள 19 மையங்களில் சோதனைகள் செய்யப்படுகிறது.

ஒவ்வொரு வருடமும் மில்லியன் கணக்கான மக்கள் இறக்க காரணமாக இருக்கும் டெங்கு காய்ச்சல்

ஒவ்வொரு ஆண்டும் மழைக்காலங்களில் நாட்டின் பல பகுதிகளை டெங்கு தாக்குகிறது, குறிப்பாக வங்காளம், உத்தரபிரதேசம், பீகார், டெல்லி, ராஜஸ்தான், குஜராத், கேரளா, கர்நாடகா மற்றும் தமிழ்நாடு போன்ற மாநிலங்களில், இதனால் அதிக எண்ணிக்கையிலான இறப்புகள் ஏற்படுகின்றன. அத்தகைய சூழ்நிலையில், இந்த தடுப்பூசி வெற்றிகரமாக கொண்டுவரப்பட்டால், அது ஒரு பெரிய மாற்றத்தை ஏற்படுத்தும்.

இந்தியாவில் நடைபெறும் தடுப்பூசி சோதனைகள் விபரம்

டெங்கு தடுப்பூசி அமெரிக்க தேசிய சுகாதார நிறுவனத்திடமிருந்து (NIH) பெறப்பட்ட டெட்ராவலன்ட் டெங்கு தடுப்பூசி திரிபு (TV003/TV005) அடிப்படையில் உருவாக்கப்படுகிறது. இதனுடன், 9 முதல் 16 வயது வரையிலான சிறுமிகளுக்கு பெரிதும் பயனளிக்கும் வகையில், மார்பக, வாய் மற்றும் கர்ப்பப்பை வாய்ப் புற்றுநோய்க்கான தடுப்பூசிகளை ஆகஸ்ட் மாதத்திற்குள் அறிமுகப்படுத்த அரசாங்கம் திட்டமிட்டுள்ளது. இந்த முயற்சிகள் அனைத்திலிருந்தும் இந்தியா இப்போது நோய்களை எதிர்த்துப் போராடுவது மட்டுமல்லாமல், சுகாதார அறிவியலில் உலகளாவிய தலைமையை நோக்கி நகர்கிறது என்பது தெளிவாகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!