Weight Loss Journey: கட்டுப்பாடான உணவுப்பழக்கவழக்கம், தொடர்ச்சியான உடற்பயிற்சிகள், ஊட்டச்சத்துக்கள் அற்ற கலோரிகள் நிறைந்த துரித உணவுகளை தவிர்த்தல் ஆகியவற்றின் மூலம் உடல் எடையை குறைக்கலாம். இவை எல்லாம் உடல் ரீதியான ஒத்துழைப்பு மட்டுமின்றி, மன ரீதியான ஒத்துழைப்பும் இருந்தால் மட்டுமே சரிப்படும்.
Weight Loss Journey: 36 கிலோவை குறைத்த எலிஸ் ரோஸ்
அந்த வகையில், எலிஸ் ரோஸ் என்ற இன்ஸ்டாகிராம் பிரபலம் ஆரோக்கியமான மனநிலை உடன் பயிற்சி செய்து சுமார் 36 கிலோவை குறைத்துள்ளார். அதில் அவருக்கு பிடித்தமான உணவுகளை தொடர்ந்து சாப்பிட்டு வந்தும் உடல் எடையை குறைத்திருக்கிறார்.
Weight Loss Journey: உணவை எதிரியாக்க கூடாது
உணவில் அதிகம் கவனம் செலுத்த வேண்டும். உணவுடன் நல்ல உறவை வைத்திருக்க வேண்டும். உணவை எதிரியாக்க கூடாது. அதாவது, சில கார்ப்போஹைரேட் பொருள்களை தவிர்ப்பதை எலிஸ் ரோஸ் சில காலம் கடைப்பிடித்து வந்துள்ளார். அதற்கு பதில் சாலட்களை அதிகம் உட்கொண்டு வந்திருக்கிறார். இது அவரை தொடர்ச்சியாக பசியெடுக்க வைத்து, அதிகம் சாப்பிட தூண்டியிருக்கிறது. உடல் எடை குறைப்பில் ஒரே அடி முன் நகர்ந்தால், இந்த பழக்கம் அவரை இரண்டு அடி பின் தள்ளி இருக்கிறது.
Weight Loss Journey: முழு புரிதலுடன் உணவுகளை எடுத்துக்கொள்வது
ஆம், உடல் எடை குறைவது போல் இருப்பினும் கலோரிகள் அதிகமாக உட்கொள்வதால் மீண்டும் அதிகமாகுமாம். உணவில் பிரச்னையில்லை, தான் கடைபிடிக்கும் வழிமுறையில்தான் பிரச்னை என தெரிந்தபின்னர் குறைவான உணவுகளை அதுவும் ஊட்டச்சத்து நிறைந்த உணவுகளை தொடங்கினாராம். உணவை எவ்வித குற்றவுணர்ச்சி இன்றி, அதுகுறித்த முழு புரிதல் உடன் எடுத்துக்கொள்வது நீண்ட காலத்திற்கு பயனளிக்கும் என்கிறார்.
மேலும் அதிக எதிர்பார்ப்புகள் இன்றி, எதையும் சிக்கல் ஆக்காமல் எளிமையாக உடல் எடையை குறைத்திருக்கிறார் எலிஸ் ரோஸ். தொடர்ச்சியான முன்னேற்றம் என்பது சமநிலையில்தான் இருக்கிறது. போதுமான ஊட்டச்சத்தை எடுத்துக்கொள்ளாமல் இருப்பதால் முன்னேற்றம் வராது என்பதை புரிந்துகொண்டுள்ளார். மொத்தமாக அவருக்கு பிடித்த உணவுகளை தவிர்த்துவிடாமல் குறைவான அளவு எடுத்துக்கொண்டுள்ளார்.
Weight Loss Journey: திட்டமிட்டு உடல் எடையை குறைக்கலாம்
உடல் எடை குறைப்பு என்பது குறைவான உணவை உட்கொள்வதால் மட்டும் ஏற்படுவதில்லை, உணவு சார்ந்த புரிதல் இருந்து அதன்படி உணவு உட்கொள்வதும் அவசியம். சமச்சீரான ஊட்டச்சத்து கொண்ட உணவுகள், குறைவான அளவு மற்றும் இவற்றை தொடர்ச்சியாக பின்பற்றுதல் உடல் எடை குறைப்புக்கு வழிவகுக்கும். உடல் ஆற்றலுடன் இருக்கவும், வலிமமையாக இருக்கவும், நம்பிக்கையாக இருக்கவும் உணவுப் பழக்கவழக்கம் கைக்கொடுக்கும். இதன் மூலமே அவர் 36 கிலோ உடல் எடையை குறைத்திருக்கிறார். அவர் என்றைக்குமே பசியில் வாடியது கிடையாதாம், பிடித்த உணவுகளை தவிர்த்ததும் கிடையாதாம். திட்டமிட்ட அவர் மேற்கொண்ட செயல்பாடு பயனளித்திருக்கிறது.
Weight Loss Journey: நீண்டகால நோக்கில் உடல் எடை குறைப்பு...
மிகவும் குறைவான உணவுகளை எடுத்துக்கொள்வது அவருக்கு அடிக்கடி பசியையும் தூண்டியிருக்கிறது. அதுவும் தொடக்க காலத்தில் அவருக்கு பிரச்னையாக இருந்திருக்கிறது. அதன்பின் வயிறுக்கு நிறைவை தரும் உணவுகளை போதுமான அளவு உட்கொண்டு இந்த பிரச்னையை தீர்த்துள்ளார். அதாவது, எலிஸ் ரோஸ் நீண்ட கால திட்டமிடலின் அடிப்படையில் உடல் எடையை குறைத்திருக்கிறார். இது ஆரோக்கியமான வழிமுறையாகவும் பார்க்கப்படுகிறது. எதிலும் அவசரம் காட்ட வேண்டாம்.
(பொறுப்பு துறப்பு: இவை அனைத்தும் இன்ஸ்டா பிரபலம் எலிஸ் ரோஸின் உடல் எடை குறைப்பு அனுபவங்கள். இதனை பின்பற்றும் முன் உரிய மருத்துவ ஆலோசனை பெற வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)
மேலும் படிக்க | 22 கிலோவை குறைத்த 2 குழந்தைகளின் தாய்... உடல் எடையை குறைத்தது எப்படி?
மேலும் படிக்க | பருமன் குறைய... தொப்பை கரைய.... இந்த சிம்பிளான ஆரோக்கிய பழக்கங்கள் கை கொடுக்கும்
மேலும் படிக்க | 34 கிலோவை குறைத்த 26 வயது இளைஞன்! கொழுப்பை குறைக்க உதவிய டயட் என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sudharsan G
I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
...Read More
