 "10 கிலோ உடல் எடையை பட்டுனு குறைத்த பெண்... அதற்கு அவர் கைவிட்ட 7 பழக்கங்கள்!")
Weight Loss Journey: உடல் எடை குறைப்பில் ஈடுபட்ட ஃபிட்னஸ் பயிற்சியாளர் ஆர்ஜா பேடி, சுமார் 10 கிலோவை குறைத்திருக்கிறார். அவரது உடல் எடை குறைப்பு பயணம் குறித்தும் அவரது அனுபவங்கள் குறித்தும் இன்ஸ்டாகிராமில் தொடர்ந்து பதிவிட்டு வருகிறார்.
Weight Loss Journey: உடல் எடை குறைப்பு குறித்த இன்ஸ்டா பக்கம்
மேலும், குறிப்பாக அவரது இன்ஸ்டாகிராம் பக்கத்தை பார்த்தீர்கள் என்றால் கொழுப்பு குறைப்பு டிப்ஸ் மற்றும் உடல் எடை குறைப்புக்கான டிப்ஸ்களையும் அவர் வீடியோவாக பதிவிட்டிருப்பார். இவருக்கு இன்ஸ்டாகிராமில் 36 ஆயிரத்திற்கும் மேற்பட்ட பாலோயர்கள் உள்ளனர். இவர் சுமார் 1366 பதிவுகளை போட்டுள்ளார்.
அந்த வகையில், ஆர்ஜா பேடி அவர் உடல் எடை குறைப்பு பயணத்தில் செய்த தவறுகள் குறித்தும் வீடியோவாக பதிவிட்டிருந்தார். இதன்மூலம், உடல் எடை குறைப்பை மேற்கொள்பவர்கள் அவர் செய்த தவறுகளை கவனித்துக்கொண்டு, அவற்றை தவிர்த்து விரைவாக எதிர்பார்த்த பலனை பெறலாம்.
Weight Loss Journey: எடையை குறைக்க அவர் கைவிட்ட 7 பழக்கங்கள்
கடந்த மே 22ஆம் தேதி ஆர்ஜா பேடி போட்ட பதிவில், அவரது உடல் எடை குறைப்பின் போது அவருக்கு பின்னடைவை கொடுத்த பழக்கவழக்கங்களை பட்டியலிட்டிருந்தார். குறிப்பாக அந்த பதிவில், "இவை தவறுகள் இல்லை. இவை பழக்கவழக்கங்கள். இது சரியானது போல் தோன்றும். ஆனால், இதனால் நேரம், சக்தி மற்றும் ஊக்கம் ஆகிய அனைத்தும் வீணாகும். எனவே இதனை உணராமலேயே பல பேர் இதை தொடர்ந்து செய்து வருவார்கள்" என குறிப்பிட்டிருந்தார். அந்த வகையில், ஆர்ஜா பேடி குறிப்பிட்ட, அவருக்கு பின்னடைவை ஏற்படுத்திய 7 பழக்கங்கள் குறித்து இங்கு காணலாம்.
- ரொட்டி அல்லது சாதத்தை தவிர்ப்பதன் மூலம் உங்களால் கொழுப்பை குறைக்க முடியாது. கலோரிகளை குறைவாக எடுத்துக்கொள்வதன் மூலமே அது சாத்தியப்படும். மேலும், வயிறு நிறைவும் முக்கியம் என்கிறார்.
- அதேபோல், ஓட்டப்பயிற்சி, நடைப்பயிற்சி ஆகியவற்றை செய்து அதிகம் வியர்வையை இழப்பதால் கொழுப்பு குறையாது. நீங்கள் எதை சாப்பிடுகிறீர்கள் என்பதை பொறுத்தே கொழுப்பு குறையும். கார்டியா பயிற்சிகள் ஒரு கருவியாகும், ஆனால் அதுவே கொழுப்பை குறைப்பதற்கான தீர்வு இல்லை என்பதை புரிந்துகொள்ள வேண்டும்.
- ஒரு வேளை சாப்பிடாமல் இருந்து கலோரிகளை குறைவாக எடுத்துக்கொள்ள திட்டமிடக்கூடாது. இதை செய்தால் பசி அதிகம் எடுக்கும், அதிகம் சாப்பிட தோன்றும், அடிக்கடி சாப்பிட்டுக்கொண்டே இருக்க தோன்றும். தினமும் 3 வேளை உணவை எடுத்துக்கொள்வது நலம்.
- மற்றவர்கள், பிரபலங்கள் என்ன சாப்பிடுகிறார்களோ அதை அப்படியே சாப்பிடாதீர்கள். அவர் ஏன் அதை சாப்பிடுகிறார் என்பதை ஆராய்ந்து தெரிந்துகொள்ளுங்கள். உங்கள் உடல், உங்கள் இலக்கு, உங்களின் வாழ்க்கை முறை அனைத்தும் மற்றவர்களை விட மாறுப்பட்டது. எனவே, பிறர் செய்வதை கண்மூடித்தனமாக பின்பற்றினால் உங்களுக்கு பிரச்னை கூட வரலாம்.
- உடற்பயிற்சியும், உணவுக் கட்டுப்பாடும் மட்டும் உடல் எடையை குறைத்துவிடும் என நம்ப வேண்டாம். தூக்கம் சரியாக இல்லையெனில், மன அழுத்தம் உள்ளிட்ட பிரச்னைகள் இருந்தால் இலக்கை அடைவதும் சிரமம். இவை உங்களை நீண்ட நாள்கள் செயல்படவும் விடாது. வாழ்க்கைமுறையை ஆரோக்கியமாக வைப்பதே உடல் எடையை குறைப்பதற்கான சிறந்த டிப்ஸ்.
- ஆரோக்கியமான உணவுகளை அதிகம் சாப்பிடுவதும் பிரச்னைதான். நட்ஸ், ஸ்மூதிகள், புரோட்டின் ஷேக், பீனட் பட்டர் ஆகியவை ஆரோக்கியமானதுதான். ஆனால் அவை அதிக கலோரிகளை கொண்டதாகும். எனவே அளவாக சாப்பிடுவதும் முக்கியம்.
- மிகவும் கச்சிதமாக இருக்க வேண்டும் என நினைக்காதீர்கள். அங்கங்கு தவறுகள் வரலாம். ஆனால், தொடர்ச்சியாக இந்த செயல்பாட்டில் ஈடுபட வேண்டும் என்பதே முக்கியம் என்கிறார்.
(பொறுப்பு துறப்பு: இவை அனைத்தும் ஆர்ஜா பேடியின் தனிப்பட்ட உடல் எடை குறைப்பு அனுபவமாகும். இதனை பின்பற்றும் முன் மருத்துவ ஆலோசனை பெறுவது நல்லது. இதனை ஜீ நியூஸ் (Zee Tamil News) உறுதிப்படுத்தவில்லை)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)