 "23 கிலோவை குறைத்த பெண்... உடல் எடையை குறைக்க அவர் கைவிட்ட 5 பழக்கங்கள் இவைதான்!")
)
Weight Loss Journey: உடல் எடையை குறைப்பதற்கு உணவுக் கட்டுப்பாடு மற்றும் உடற்பயிற்சி மேற்கொள்வது மட்டும் போதாது. ஒட்டுமொத்தமாக உங்களது வாழ்க்கைமுறையே ஆரோக்கியமானதாக மாற்ற வேண்டும். நீங்கள் மனதளவிலும் திடமாக இருக்கும். இவை அனைத்தும் ஒரு புள்ளியில் இணைந்தால் மட்டும் ஆரோக்கியமான உடல் எடை குறைப்பு என்பது சாத்தியம் எனலாம்.
Weight Loss Journey: 5 மாதங்களில் 23 கிலோவை குறைத்த சிம்ரன் சோப்ரா
அந்த வகையில், சிம்ரன் சோப்ரா (Simrun Chopra) என்னும் ஊட்டச்சத்து நிபுணர் வெறும் 5 மாதங்களில் 23 கிலோவை குறைத்து அசத்தி உள்ளார். இதுகுறித்து அவர் கடந்த மார்ச் 11ஆம் தேதி அவரது இன்ஸ்டாகிராம் பக்கத்தில் பதிவிட்டுள்ளார். அதில், அவரது உடற்தகுதி இலக்கை நோக்கி செல்லவும், அதை அடையவும் வாழ்க்கையில் இருந்து அவர் கைவிட்ட 5 முக்கிய விஷயங்கள் குறித்து அந்த வீடியோவில் பதிவிட்டிருந்தார். அவற்றை இங்கு ஒவ்வொன்றாக காணலாம்.
Weight Loss Journey: வெளியில் சாப்பிடுவதை கைவிடுதல்
நீங்கள் உடல் எடையை குறைக்க வேண்டும் என தீர்க்கமாக நினைத்துவிட்டால், வெளியில் உணவு உண்பதை மிகவும் குறைத்துக்கொள்ள வேண்டும். உடல் எடையை குறைத்த 5 மாதங்களில் இதையே அவர் பின்பற்றினாராம். வீட்டில் சமைத்த உணவுகளை சாப்பிட்டாராம். அதிகபட்சம் வாரம் ஒருமுறை வெளியில் சாப்பிடுவாராம். நண்பர்கள் வீட்டுக்குச் சென்றாலும் கூட சாப்பாட்டை எடுத்துச் செல்வாராம்.
Weight Loss Journey: இனிப்பு பானங்களை கைவிடுதல்
உடல் எடை குறைப்பில் கலோரிகளை குறைவாக உட்கொள்வது அவசியம். எனவே, அதிக கலோரிகளை தரும் சர்க்கரை சேர்க்கப்பட்ட குடிபானங்களை தவிர்த்துவிட்டாராம். ஜூஸ்கள், ஸ்மூதிகள், இனிப்பான சோடாக்கள், காக்டெயில்கள் தவிர்த்தாராம். குளிர்ந்த பானங்களை குடிப்பது பிடிக்கும் என்பதால் வெறும் சோடாவை மட்டும் அவர் குடித்தாரம்.
Weight Loss Journey: இனிப்புகளை கைவிடுதல்
இனிப்புகள் யாருக்குதான் பிடிக்காது. இனிப்புதான் பலரின் பலவீனமாகவும் இருக்கும். அப்படியிருக்க இவர் இனிப்புகளையும் கைவிட்டாராம். மற்றவர்கள் அவர் முன் சாப்பிட்டாலும் சின்ன ஸ்பூனில் குறைந்தளவிற்கு மட்டும் எடுப்பாராம். இனிப்புதான் தனக்கு பலவீனம் எனும் சொல்லும் சிம்ரன், இந்த சின்ன ஸ்பூனில் சாப்பிடுவது பயனளித்ததாக கூறினார்.
Weight Loss Journey: வறுத்த உணவுகளை கைவிடுதல்
வறுத்த உணவுகள் பெரும்பாலும் Empty கலோரிகள் என அழைக்கப்படும். இது உடல் எடையை குறைக்க எவ்விதத்திலும் உதவிடாது. இவற்றை சாப்பிடுவதால் உடல் எடை குறைப்பில் தான் எடுக்கும் முயற்சிக்கு பின்னடைவு ஏற்பட்டதால் இதை கைவிட்டதாகவும் சிம்ரன் கூறுகிறார். "எனது இலக்கு மட்டுமே பிரதானம். உணவுகள் எங்கேயும் ஓடிவிடாது. இந்த கஷ்டங்கள் குறுகிய காலத்திற்குதான்" என சிம்ரன் தனக்கு தானே சொல்லிக்கொண்டாராம்.
Weight Loss Journey: இரவில் வெளியே சுற்றுவதை நிறுத்துவது
இரவு பார்டிகள், இரவு ஊர் சுற்றுவது கொண்டாட்டமானதுதான். ஆனால் அது தூக்கம் மற்றும் உடற்பயிற்சி சுழற்சியை கெடுக்கும் என்பதால் சிம்ரன் அதையும் கைவிட்டாராம். சிம்ரன் கூறுகையில், "நான் காலையில் உடற்பயிற்சிகளை மேற்கொள்வேன். நான் இரவில் வெளியே சுற்றினால் உடற்பயிற்சியை தவறவிட வேண்டியது வரும். வெளியே போகாமல் இருந்தால் காலையில் விரைவாக எழுந்திருக்க முடியும்" என்கிறார். இவை அனைத்தையும் செய்தே அவர் 5 மாதங்களில் 23 கிலோவை குறைத்துள்ளார்.
(பொறுப்பு துறப்பு: இவை அனைத்தும் சிம்ரன் சோப்ராவின் தனிப்பட்ட உடல் எடை குறைப்பு அனுபவமாகும். இதனை பின்பற்றும் முன் மருத்துவ ஆலோசனைகள் பெற வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
