 "129 கிலோவில் இருந்த இன்ஸ்டா பிரபலம்... 50 கிலோவை குறைக்க உதவிய உணவுகள் என்னென்ன?")
Weight Loss Journey: சுஷ்மிதா கௌதம் என்ற இன்ஸ்டாகிராம் பிரபலம் ஓரண்டுக்கு மேலாக உடல் எடை குறைப்பில் ஈடுபட்டு, பெரியளவில் பலனை பெற்றுள்ளார். அதாவது, 2023ஆம் ஆண்டின் நிறைவுப் பகுதியில் சுமார் 129 கிலோ உடல் எடையில் இருந்த சுஷ்மிதா கௌதம், அவரது கடுமையான உடல் எடை குறைப்பு முயற்சியால் 2024ஆம் ஆண்டில் சுமார் 50 கிலோவை குறைத்துள்ளார்.
Weight Loss Journey: ஓராண்டில் உடல் எடையை குறைத்த சுஷ்மிதா
மன அழுத்தத்தில் இருக்கும்போது பசியில்லாவிட்டாலும் சாப்பிடுவது உள்ளிட்ட மோசமான உணவுப்பழக்கவழக்கத்தால் தான் உடல் பருமனை பெற்றதாக கூறும் சுஷ்மிதா, ஓராண்டு காலம் கடுமையான கட்டுப்பாடுகளை பின்பற்றியே உடல் எடையை குறைத்தேன் என இன்ஸ்டாகிராமில் பல்வேறு புகைப்படங்கள், வீடியோக்கள் ஆகியவற்றின் மூலம் எடுத்துரைத்துள்ளார்.
Weight Loss Journey: சுஷ்மிதாவுக்கு ஊக்கம் அளித்த அவரது பார்ட்னர்
அந்த வகையில், வைரலான ஒரு வீடியோ ஒன்றில், அவரது திருமண நிச்சயதார்த்தம் நடைபெற்ற போது அவர் உடல் எடை அதிகம் இருந்துள்ளது. அப்போது பலரும் அவரது (அப்போதைய) வருங்கால கணவரிடம், பெண் குண்டாக இருப்பதாக கூறி குறைக்கூறி உள்ளனர். இருப்பினும் அவரது பார்ட்னர் கொடுத்த ஊக்கம் மற்றும் ஆதரவால் திருமணத்திற்கு முன்பே பெரியளவில் சுஷ்மிதா உடல் எடையை குறைத்திருக்கிறார்.
Weight Loss Journey: உடல் எடை குறைப்புக்கு உதவிய பன்னீர்
அந்த வீடியோவில் அவர் கூறியதாவது,"உணவுப் பழக்கவழக்கத்தில் செய்த மாற்றத்தாலும், அன்றாட வாழ்க்கைமுறையில் செய்த மாற்றத்தாலும் உடல் எடையை குறைத்தேன்" என்றார். மேலும் அவரது உணவில் பன்னீரை அதிகம் சேர்த்ததாகவும், வீட்டில் சமைத்த உணவுகளையே அதிகம் சாப்பிட்டதாகவும் அதில் தெரிவித்துள்ளார். மேலும், அவரது உடல் எடை குறைப்பு பயணத்தில் அவருக்கு உதவிய உணவு வகைகளின் பட்டியலையும் அவர் பகிர்ந்துக்கொண்டுள்ளார்.
Weight Loss Journey: உடல் எடை குறைப்புக்கு உதவிய உணவுகள்
பாலக்கீரை சூப், காலிஃபிளவர் - பன்னீர் சப்ஜி, பன்னீர் மற்றும் குடைமிளகாய் வறுவல், பன்னீர் டிக்கா மசாலா, கத்திரிக்காய் பீட்சா, காய்கறிகளுடன் துருவிய பன்னீர் ரொட்டி, மலாய் பியாஸ் பன்னீர் ஆகிய உணவு வகைகளையே சுஷ்மிதா அதிகம் எடுத்துக்கொண்டுள்ளார். உடல் எடை குறைத்ததன் மூலம் உடல் ஆரோக்கியமும் பல்வேறு வகையில் முன்னேற்றம் கண்டதாக அவர் குறிப்பிட்டுள்ளார். PCOS, தைராய்டு, கழுத்து வலி, முதுகு வலி, மூச்சு விடுவதில் இருந்த பிரச்னை போன்றவற்றில் இருந்து நிவாரணம் பெற்றுள்ளார்.
(பொறுப்பு துறப்பு: இவை அனைத்தும் சுஷ்மிதாவின் தனிப்பட்ட அனுபவம் சார்ந்ததாகும். இதனை பின்பற்றும் முன் மருத்துவ ஆலோசனை பெறுவது நல்லது. இதனை ஜீ நியூஸ் (Zee Tamil News) உறுதிசெய்யவில்லை)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)