 "90 கிலோவில் இருந்த பெண்... குழந்தை பெற்ற பின் 57 கிலோவை குறைத்தது எப்படி?")
Weight Loss Journey: இன்ஸ்டாகிராமில் தற்போது பல பிட்னஸ் பயிற்சியாளர் வைரலாகி வருகின்றனர். அவர்களுக்கு என தனி கூட்டமே சமூக வலைதளங்களில் இருக்கிறது எனலாம். இவர்கள் பெரும்பாலும் உடல் எடை குறைப்பு குறித்தான தகவல்களையே அதிகம் பகிர்கின்றனர். இதனாலேயே அவர்களுக்கு அதிகமான பாலோயர்கள் உள்ளனர்.
Weight Loss Journey: 90 கிலோவில் இருந்த நிதி அகர்வால்
அந்த வகையில், இன்ஸ்டாகிராமில் பிரபலமான பிட்னஸ் பயிற்சியாளர்களில் ஒருவர் நிதி குப்தா. இவர் ஆரோக்கியமான உணவுகளை பரிந்துரைப்பது உட்பட உடல் எடை குறைப்புக்கான அனைத்து வழிமுறைகள் குறித்தும் அவர் தொடர்ந்து வீடியோவாக பதிவேற்றி வருகிறார். அதில் அவரது உடல் எடை குறைப்பு குறித்த அனுபவத்தையும் பகிர்ந்திருந்தார்.
அதில் அவர் குழந்தை பெற்ற பின்னர் அவரது உடல் எடை 90 கிலோவுக்கு உயர்ந்துள்ளது. அதன்பின் ஆரோக்கியமான உணவுமுறையை பின்பற்றியும், தொடர்ச்சியான உடற்பயிற்சியாலும் 57 கிலோவுக்கு உடல் எடையை குறைத்திருக்கிறார். பிரசவத்திற்கு பின் சுமார் 3 ஆண்டுகள் காத்திருந்து அதன்பின்னர்தான் உடல் எடையை குறைத்ததாக தெரிவித்தார். தனது மகனை 3 வயது வரை வீட்டில் தனியாளாக பார்த்துக்கொள்ள வேண்டும் என்பதால் அவர் உடல் எடை குறைப்புக்கு 3 ஆண்டுகள் காத்திருந்துள்ளார்.
Weight Loss Journey: உடற்பயிற்சியில் கவனம்
பிரசவத்திற்கு பிறகு ஏறிய அவரது உடல் எடையை குறைப்பதற்கு அவர் வீட்டிலேயே உடற்பயிற்சியை மேற்கொண்டிருக்கிறார். இதற்காக அவர் காலை 5 மணிக்கெல்லாம் எழுந்துவிடுவாராம். அவரது குழந்தை அந்த நேரத்தில் ஆழ்ந்த தூக்கத்தில் இருக்கும் என்பதால் அந்த நேரத்தில் அவர் உடற்பயிற்சியில் ஈடுபட்டாராம். குறைந்த எடையுள்ள டம்பிள்ஸை தூக்குவது, சில கார்டியோ பயிற்சிகளை மேற்கொள்வது போன்ற நடவடிக்கையில் அவர் ஈடுபட்டுள்ளார்.
Weight Loss Journey: நிதி குப்தாவின் உணவுக் கட்டுப்பாடு
மேலும், உணவுமுறையிலும் அவர் அதிக கவனம் செலுத்தியிருக்கிறார். அவர் பதப்படுத்தப்பட்ட உணவு வகைகளை முற்றிலும் தவிர்த்துள்ளார். பார்ட்டிகளுக்கோ அல்லது இரவு கொண்டாட்டங்களுக்கோ அவர் செல்வதில்லையாம். ஒருவேளை வீட்டில் இருந்து சாப்பிட முடியாத சூழல் உருவானால், வீட்டிலேயே உணவை சமைத்து அதை எடுத்துக்கொண்டு சென்றுவிடுவாராம். வெளிப்புற உணவுகளையும் முற்றிலும் தவிர்த்துள்ளார். இவையெல்லாம் அவருக்கு ஆரம்பத்தில் மிகவும் கடினமாக இருந்துள்ளது. ஆனால் தினந்தினம் செய்ய செய்ய மெதுவாக இவை தனக்கு பழகிவிட்டதாக அவர் கூறினார்.
தொடர்ந்து உணவில் தனக்கு தேவையான புரதச்சத்திற்காக முட்டை, சிக்கன் மற்றும் Whey ஆகியவற்றையும் அவர் உட்கொண்டுள்ளார். அதிக எடையுடன் அவர் Strength பயிற்சியையும் மேற்கொண்டுள்ளார். இதனால் 4 மாதங்களில் அவர் 57 கிலோவை குறைத்துள்ளார். தொடர்ந்து அவர் 60 கிலோவிலேயே இருந்து வருகிறாராம்.
Weight Loss Journey: நிதி குப்தாவின் அறிவுரை
மேலும் ஒவ்வொருவரின் உடல் அமைப்பும் வித்தியாசப்படும் என கூறும் நிதி குப்தா, எது தமக்கு உதவியாக இருக்கும் என்பதை புரிந்துகொண்டு அதில் தொடர்ந்து ஈடுபட வேண்டும் என அறிவுறுத்துகிறார். மேலும், அதிக ஈடுபாடு, தியாகங்கள், உறுதியான மனப்பான்மை ஆகியவையும் தினந்தினம் தேவை என்கிறார்.
(பொறுப்பு துறப்பு: இவை அனைத்தும் நிதி குப்தாவின் தனிப்பட்ட அனுபவமாகும். இதனை பின்பற்றும் முன் மருத்துவ ஆலோசனை பெற வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)