ஆரோக்கியத்தைப் பற்றிப் பேசும்போது, நாம் பெரும்பாலும் உணவுமுறை மற்றும் உடற்பயிற்சிகளுக்கு முக்கியத்துவம் கொடுக்கிறோம் ஆனால் மன நலனுக்கு அதிக முக்கியத்துவம் கொடுப்பதில்லை. இன்றைய துரித கதியிலான வாழ்க்கையில், ஆரோக்கியமான உடல் மட்டுமல்ல, அமைதியான மற்றும் சுறுசுறுப்பான மனமும் முக்கியம். மனம், உடல் இரண்டையும் நன்றாக வைத்திருக்கும் ஒரு முக்கியமான ஊட்டச்சத்து வைட்டமின் பி12 ஆகும்.
வைட்டமின் பி12 நமது உடலுக்கும் மன ஆரோக்கியத்திற்கும் எந்த அளவிற்கு முக்கியம்?
உடல் சோர்வைப் போக்க அல்லது இரத்தத்தை அதிகரிக்க உதவுவது மட்டுமல்லாமல், புத்தி கூர்மை, மனநிலை மற்றும் நினைவாற்றலுக்கும் மிகவும் முக்கியமானது. வைட்டமின் பி12 ஊட்டத்தினை உடலில் சேமிக்க முடியாது. அதனால்தான் வைட்டமின் பி12 தினமும் எடுத்துக் கொள்வது அவசியம். இந்தியாவில் 70 சதவீத மக்கள் வைட்டமின் பி12 குறைபாட்டால் பாதிக்கப்பட்டுள்ளனர் என NCBI அறிக்கை கூறுகிறது. வைட்டமின் பி12 நமது உடலுக்கும் மன ஆரோக்கியத்திற்கும் எந்த அளவிற்கு முக்கியம் என்பதை இந்த பதிவில் அறிந்து கொள்ளலாம்
மூளை
வைட்டமின் பி12 மூளை ஆரோக்கியத்திற்கு மிகவும் நன்மை பயக்கும். மன அழுத்தம், எரிச்சல் மற்றும் மனச்சோர்வு போன்ற பிரச்சினைகளை நீக்க வைட்டமின் பி12 அவசியம். இது உங்கள் நினைவாற்றலைக் கூர்மைப்படுத்துகிறது மற்றும் மனநிலையை மேம்படுத்துகிறது.
இதயம்
இதய ஆரோக்கியத்திற்கும் வைட்டமின் பி12 நன்மை பயக்கும். இது உடலில் உள்ள இதய நோய்களுக்கு முக்கிய காரணமாக இருக்கும் ஹோமோசைஸ்டீனின் அளவைக் கட்டுப்படுத்துகிறது.
எலும்புகள்
எலும்புகளை வலுவாக வைத்திருக்க வைட்டமின் பி12 போதுமான அளவு இருக்க வேண்டும். இது ஆஸ்டியோபோரோசிஸ் போன்ற நோய்களைத் தடுக்கிறது மற்றும் எலும்பு ஆரோக்கியத்தை மேம்படுத்துகிறது.
கர்ப்பிணிகள்
குழந்தையின் மூளை மற்றும் நரம்பு மண்டலத்தின் வளர்ச்சிக்கு உதவும் வைட்டமின் பி12 உட்கொள்ளவது கர்ப்பிணிப் பெண்களுக்கு மிகவும் முக்கியமானது. பிறப்பு குறைபாடுகள் ஏற்படும் வாய்ப்புகளையும் பெருமளவு குறைக்கிறது.
பலவீனம் மற்றும் சோர்வு
காரணம் எதுவும் இல்லாமல் சோர்வாக உணர்ந்தால், இதற்கு காரணம் பி12 குறைபாடு காரணமாக இருக்கலாம். இந்த வைட்டமின் உடலில் இரத்த சிவப்பணுக்களை அதிகரிப்பதன் மூலம் இரத்தத்தின் தரத்தை மேம்படுத்துகிறது மற்றும் உடலை சுறுசுறுப்பாக வைத்திருக்கிறது.
கண்
வயது கூடும் போது பார்வை மோசமடைவது இயல்பு தான். ஆனால் பி12 இதற்கும் உதவியாக இருக்கும். இது கண்களை மாகுலர் சிதைவு மற்றும் விழித்திரை பிரச்சனைகளிலிருந்து பாதுகாக்கிறது.
வளர்சிதை மாற்றம்
வைட்டமின் பி12 உடலின் வளர்சிதை மாற்றத்தை மேம்படுத்துகிறது, இது கலோரிகளை எரிக்கிறது மற்றும் செரிமான செயல்முறையை மேம்படுத்துகிறது. இது எடையைக் கட்டுக்குள் வைத்திருக்கிறது மற்றும் வயிற்றுப் பிரச்சினைகளையும் குறைக்கிறது.
ஆற்றல்
வைட்டமின் B12 உடலுக்கு உள்ளிருந்து வலிமையைத் தருகிறது. இந்த வைட்டமின் நாள் முழுவதும் வேலை செய்ய ஆற்றலைத் தருகிறது, இதனால் ஒருவர் சோர்வடையாமல் நாள் முழுவதும் புத்துணர்ச்சியுடன் இருக்கலாம்.
சருமம், கூந்தல் மற்றும் நகங்கள்
உங்கள் சருமம் உயிரற்றதாகத் தோன்றினால் அல்லது கூந்தல் வறண்டு காணப்பட்டால் முடி உதிர்ந்தால், வைட்டமின் B12 குறைபாடு இருக்கலாம். ஏனெனில் இந்த ஊட்டச்சத்து புதிய செல்களை உருவாக்குகிறது, இது சருமத்தை பிரகாசமாகவும், முடியை வலுவாகவும், நகங்களையும் அழகாகவும் ஆக்குகிறது.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
