 "வெயிட் லாஸ் முதல் சுகர் லெவல் வரை... சப்பாத்தி மாவில் இவற்றை கலந்தால்... ரொட்டியை சூப்பர்புட் ஆக்கலாம்")
கோதுமை மாவில் தயாரிக்கப்பட்ட சப்பாத்தி நீரிழிவு நோயாளிகளுக்கு, இரத்த சர்க்கரை அளவை அதிகரிக்கும். ஏனெனில் கோதுமை மாவில் அதிக அளவு கார்போஹைட்ரேட்டுகள் உள்ளன. இது உடலில் சென்றவுடன் குளுக்கோஸாக மாற்றப்படுகிறது, இதனால் இரத்த சர்க்கரை அளவு அதிகரிக்கிறது. கோதுமை அதிக கிளைசெமிக் குறியீட்டையும் (GI) கொண்டுள்ளது.
இரத்த சர்க்கரை அளவை விரைவாக அதிகரிக்கும் கோதுமை மாவு
GI என்பது ஒரு உணவுப் பொருள் இரத்த சர்க்கரை அளவை எவ்வளவு விரைவாக அதிகரிக்கிறது என்பதைக் காட்டும் அளவீடாகும். கோதுமை அதிக GI அளவைக் கொண்டுள்ளதால், இரத்த சர்க்கரை அளவை விரைவாக அதிகரிக்கும். நீரிழிவு நோயால் பாதிக்கப்பட்டவர்கள் தங்கள் இரத்த சர்க்கரை அளவைக் கட்டுக்குள் வைத்திருக்க கார்போஹைட்ரேட்டுகளைக் கட்டுப்படுத்தவும், அதிக ஜிஐ உணவுப் பொருட்களைத் தவிர்க்கவும் அறிவுறுத்தப்படுகிறார்கள்.
சர்க்கரை நோயாளிகளுக்கான உணவுமுறை
நீரிழிவு நோயாளிகள் சீரான உணவை எடுத்துக்கொள்ள அறிவுறுத்தப்படுகிறார்கள்; அவர்கள் தங்கள் உணவில் பல்வேறு பழங்கள், காய்கறிகள், முழு தானியங்கள், புரதங்கள் மற்றும் ஆரோக்கியமான கொழுப்புகளை சேர்க்க வேண்டும். மேலும், உருளைக்கிழங்கு, இனிப்பு அதிகம் உள்ள பழங்கள் மற்றும் அரிசியை குறைந்த அளவில் உட்கொள்ள வேண்டும். கோதுமை மாவு இரத்த சர்க்கரையை அதிகரிக்கும் என்றாலும், கோதுமை மாவுடன் சிலவற்றை கலந்து சப்பாத்தி தயாரிக்கும் போது, இரத்த சர்க்கரை அளவை அதிகரிக்காமல் இருப்பதோடு, உடல் எடையை கட்டுப்படுத்தவும் உதவுகிறது.
ஆளி விதைகள்
கோதுமை மாவில் சிறிதளவு ஆளி விதைகளைக் கலந்து சப்பாத்தி செய்வது நீரிழிவு நோயாளிகளுக்கு நன்மை பயக்கும். நார்ச்சத்து மற்றும் ஒமேகா-3 கொழுப்பு அமிலங்கள் நிறைந்த ஆளிவிதை, இரத்த சர்க்கரையை கட்டுப்படுத்த உதவுகிறது. இது இதய ஆரோக்கியத்திற்கும் நல்லது மற்றும் கொழுப்பைக் கட்டுப்படுத்துகிறது. மேலும், நார்ச்சத்து நிறைந்திருப்பதால், செரிமானத்திற்கு உதவியாக இருக்கும். ஆளி விதைகள் இன்சுலின் உணர்திறனை மேம்படுத்துகின்றன, இது இரத்த சர்க்கரை அளவைக் கட்டுப்படுத்த உதவுகிறது. உடல் எடையையும் சிறப்பாக கட்டுப்பதலாம்.
ஓமம் விதைகள்
ஓம விதைகள் செரிமானத்தை மேம்படுத்தி, அஜீரண கோளாறுகளை நீக்குவதுடன், வளர்சிதை மாற்றத்தை தூண்டி, உடல் பருமன் குறைய உதவுகிறது. மேலும், நீரிழிவு நோயாளிகளின் ரத்த சர்க்கரை அளவு அதிகரிக்காமலும் இருக்கும்.
ராகி என்னும் கேழ்வரகு மாவு
கோதுமை மாவில் சிறிது ராகி என்னும் கேழ்வரகு மாவை சிறிதளவு கலந்து சப்பாத்தி செய்வதன் மூலம் உங்கள் இரத்த சர்க்கரையின் அளவு எளிதில் கட்டுக்குள் இருக்கும். ராகியில் புரதம், கால்சியம், பொட்டாசியம், மற்றும் பாலிசாச்சுரேட்டட் கொழுப்பு ஆகியவை காணப்படுகின்றன. இது கொலஸ்ட்ரால் போன்ற பிரச்சனைகளை தடுக்கிறது.
பார்லி மாவு
கோதுமை மாவுடன் பார்லி மாவைக் கலந்து சப்பாத்தி செய்வது நீரிழிவு நோயாளிகளுக்கு நன்மை பயக்கும். பார்லியில் குறைந்த கிளைசெமிக் குறியீடு உள்ளது, இது இரத்த சர்க்கரையை கட்டுப்படுத்த உதவுகிறது. நார்ச்சத்து நிறைந்த பார்லி, இரத்த சர்க்கரையை மெதுவாக அதிகரித்து கொழுப்பைக் குறைக்கிறது. பார்லி புரதம், இரும்பு மற்றும் மெக்னீசியத்தின் நல்ல மூலமாகும்.
வெந்தயம்
மருத்துவ குணங்கள் நிறைந்த வெந்தய விதைகள் ஆரோக்கியத்திற்கு நன்மை பயக்கும் என்று கருதப்படுகிறது. இது இன்சுலின் உணர்திறனை மேம்படுத்துகிறது. உடல் இன்சுலினை சிறப்பாகப் பயன்படுத்த அனுமதிக்கிறது, இது இரத்த சர்க்கரை அளவைக் கட்டுப்படுத்த உதவுகிறது. வெந்தயம் நார்ச்சத்து நிறைந்தது மற்றும் கார்போஹைட்ரேட்டுகளை மெதுவாக உறிஞ்சுகிறது. எனவே, வெந்தயத்தை வறுத்து பொடி செய்து அதனை சிறிதளவு கோதுமை மாவுடன் கலந்து சப்பாத்தி செய்து சாப்பிடுவது நீரிழிவு நோயாளிகளுக்கு நன்மை பயக்கும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)