மோசமான வாழ்க்கை முறை மற்றும் உணவுப் பழக்கவழக்கங்களால், இன்றைய காலகட்டத்தில் உடல் பருமன், ரத்த அழுத்தம், சர்க்கரை நோய் போன்ற நோய்களுக்கு சிறுவயதிலேயே ஆளாகும் நிலை உள்ளது. எனவே, ஆரோக்கியமாகவும் பிட் ஆகவும் இருக்க உணவு மற்றும் வாழ்க்கை முறைகளில் சிறப்பு கவனம் செலுத்துமாறு சுகாதார நிபுணர்கள் பரிந்துரைக்கின்றனர்.
நாம் தினமும் உணவில் சேர்த்துக் கொள்ளும் சில ஆரோக்கியமற்ற உனவுகள், நம்மை சிறுவயதிலேயே சர்க்கரை நோயாளியாகவும், பிபி நோயாளியாகவும் மாற்றிவிடும். இந்நிலையில், ஆரோக்கியம் பாதிக்கப்படுவதை தடுக்க, உடனடியாக உங்கள் சமையலறையில் இருந்து இந்த பொருட்களை அகற்றவும். இது பிபி மற்றும் சுகர் பிரச்சனையை போக்குவதோடு மட்டுமல்லாமல் பல தீவிர நோய்களின் அபாயத்தையும் குறைக்கும்.
உங்களை நோய்வாய்ப்படுத்தும் சில ஆபத்தான உணவுகள்
சுத்திகரிக்கப்பட்ட எண்ணெய்
எண்ணெய் எல்லாம் ஆரோக்கியமற்றது அல்ல, நல்லெண்ணெய், கடலை எண்னெய் , தேங்காய் எண்ணெய் ஆகியவை ஆரோக்கிய கொழுப்பு உள்ளவை. ஆனால், பாமாயில் மற்றும் சுத்திகரிக்கப்பட்ட எண்ணெயை அதிகமாக உட்கொள்வது ஆரோக்கியத்திற்கு (Health Tips) ஆபத்தானது. இதில் நிறைவுற்ற கொழுப்பு உள்ளது. இது உடலில் கரையாதது. எளிதில் வெளியேறாது. இது உடலில் பல்வேறு இடங்களில் நரம்புகள் மற்றும் தமனிகளில் ஒட்டிக்கொண்டு நோய்களின் அபாயத்தை அதிகரிக்கிறது. அதிலும் சுட்ட எண்ணெய் மிக ஆபத்து
வெள்ளை சர்க்கரை
சர்க்கரையை வெண்மையாக்க பல செயல்முறைகள் நடைபெறுகின்றன. இந்த செயல்முறைகளுக்குப் பிறகு சர்க்கரையில் உள்ள பல அத்தியாவசிய ஊட்டச்சத்துக்கள் வெளியேற்றப்படுகின்றன. அதாவது, சர்க்கரை முழுவதுமாக தயாரிக்கப்பட்டு நம்மிடம் வரும்போது ஒரு வெள்ளை படிகமாக உள்ளது. இது ஊட்டச்சத்து மதிப்பு இல்லாதது மற்றும் நோய்களின் அபாயத்தை அதிகரிக்கிறது. இதனை தவிர்ப்பது நல்லது. இதற்கு பதிலாக நாட்டு சக்கரை, வெல்லம், கருப்படி ஆகியவற்றை பயன்படுத்தலாம். ஆனால், அதனையும் அளவோடு பயன்படுத்த வேண்டும்
வெள்ளை உப்பு
வெள்ளை சர்க்கரை போலவே, சுத்திகரிப்பு செயல்முறை மூலம் உப்பு தயாரிக்கப்படுகிறது. இதன் காரணமாக உப்பில் உள்ள அத்தியாவசிய தாதுக்கள் அழிக்கப்படுகின்றன. இது ஆரோக்கியத்திற்கு கேடு விளைவிக்கும். அதுமட்டுமின்றி, உப்பை அளவுக்கு அதிகமாக உட்கொள்வதால் உடலும் பலவீனமடையத் தொடங்குகிறது.
சுத்திகரிக்கப்பட்ட மாவு அல்லது மைதா மாவு
மைதா மாவு மிகவும் சுத்திகரிக்கப்படுவதால், அதில் இருக்கும் நார்ச்சத்து முற்றிலும் அகற்றப்படும். நார்ச்சத்து செரிமானத்திற்கு நல்லது. அத்தகைய சூழ்நிலையில், மைதா மாவு சாப்பிடுவது செரிமான அமைப்பைக் கெடுக்கிறது, இது உடல் பருமன் மற்றும் நீரிழிவு நோயை ஏற்படுத்தும். மைதா மாவு கணையத்திற்கும் மிகவும் தீங்கு விளைவிக்கும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | சுகர் லெவலை கட்டுக்குள் வைக்க உதவும் சிம்பிளான உணவுகள்
மேலும் படிக்க | மந்தமான மூளையும் புத்துணர்ச்சி பெறும்... நினைவாற்றலை பெருக்கும் சில அற்புத மூலிகைகள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
