Paneer vs Tofu: புரதம் என்பது உடலின் தசைகள், எலும்புகள் மற்றும் திசுக்களை கட்டமைக்க மற்றும் பழுதுபார்க்க தேவையான ஒரு முக்கிய ஊட்டச்சத்து. இது நோயெதிர்ப்பு சக்தி, உடல் வளர்சிதை மாற்றம் மற்றும் மூளை செயல்பாடுகளை பராமரிக்க உதவுகிறது. இறைச்சி உணவுகளில் புரதம் அதிகம் இருந்தாலும், சைவ உணவுகளில் பன்னீர் (Paneer) மற்றும் டோஃபு (Tofu), சோயாவில் இருந்து தயாரிக்கப்படுவது, போன்றவை புரதத்தின் சிறந்த ஆதாரங்களாகும். ஆனால் இவற்றில் எது சிறந்தது? விவரமாக பார்க்கலாம்.
பன்னீர்:
100 கிராம் பனீரில் 265 கலோரிகள் உள்ளன. இதில் 18 கிராம் புரதம் உள்ளது, இது தசை வளர்ச்சிக்கு மிகவும் நல்லது. கொழுப்பு 20 கிராம் இருக்கிறது, இதில் பெரும்பாலானது நிறைவுப்பொருள் கொழுப்பு வகையைச் சேர்ந்தது. கார்போஹைட்ரேட் மிகக் குறைவாக 1.2 கிராம் மட்டுமே உள்ளது. பனீர் கால்சியத்தின் சிறந்த ஆதாரமாகும், ஆனால் இரும்பு மற்றும் மெக்னீசியம் குறைவாகவே உள்ளன.
டோஃபு:
100 கிராம் டோஃபுவில் 76 கலோரிகள் மட்டுமே உள்ளன, இது பனீரை விட கணிசமாக குறைவு. புரதம் 8 கிராம் உள்ளது. கொழுப்பு 4.8 கிராம் உள்ளது, இது பெரும்பாலும் ஆரோக்கியமான நிறைவுறாத கொழுப்பு வகையாகும். கார்போஹைட்ரேட் 1.9 கிராம் உள்ளது. டோஃபு கால்சியத்தின் நல்ல ஆதாரமாகும், மேலும் இரும்பு மற்றும் மெக்னீசியம் போன்ற தாதுப்பொருள்கள் அதிக அளவில் உள்ளன.
சுருக்கமாக, பன்னீர் அதிக புரதம் மற்றும் கால்சியம் கொண்டது, ஆனால் அதிக கலோரிகள் மற்றும் நிறைவுப்பொருள் கொழுப்பும் உள்ளது. டோஃபு குறைந்த கலோரிகள் மற்றும் கொழுப்பு கொண்டது, மேலும் இரும்பு மற்றும் மெக்னீசியம் போன்ற தாதுப்பொருள்கள் அதிகம் உள்ளன. இரண்டுமே சைவ உணவில் புரதத்தின் நல்ல ஆதாரங்களாகும்.
பனீர் vs டோஃபு: எது சிறந்தது?
பனீரின் நன்மைகள்:
- அதிக புரதம் (ஒரு கப் பனீரில் ~18-20g புரதம்).
- கால்சியம் நிறைந்தது – எலும்புகள் மற்றும் பற்களுக்கு நல்லது.
- உடல் வலிமை காக்க வல்லது – ஜிம் செல்பவர்களுக்கு ஏற்றது.
டோஃபுவின் நன்மைகள்:
- குறைந்த கலோரிகள் – எடை குறைக்க விரும்புவர்களுக்கு சிறந்தது.
- நிறைவுறாத கொழுப்பு – இதய ஆரோக்கியத்திற்கு நல்லது.
- இரும்பு மற்றும் மெக்னீசியம் – இரத்த சோகை தடுக்க உதவும்.
- எளிதில் செரிமானம் – பனீரை விட டோஃபு செரிமானம் எளிது.
யாருக்கு எது சிறந்தது?
தசை வளர்ச்சி / பலம் தேவைப்படுபவர்கள் பன்னீர் சாப்பிடலாம். ஆனால் கொழுப்பு அதிகம் என்பதால் குறைந்த அளவே உண்ணவும்.
எடை குறைப்பு / இதய ஆரோக்கியம் வேண்டும் என நினைப்பவர்கள் டோஃபு சாப்பிடலாம். குறைந்த கலோரி, நல்ல கொழுப்பு உள்ளது.
இரண்டுமே சைவ உணவில் புரதத்தின் சிறந்த ஆதாரங்கள். பனீர் அதிக புரதம் தரும், ஆனால் டோஃபு குறைந்த கலோரியுடன் மற்றும் ஆரோக்கியமான கொழுப்பைக் கொண்டுள்ளது. உங்கள் தேவைக்கு ஏற்ப இவற்றை உணவில் சேர்க்கலாம்.
மேலும் படிக்க | ட்ரிப்ஸ் போலாமா...ஜோடியாக ட்ரிப்ஸ் சென்றால் இத்தனை சலுகைகள் கிடைக்குமாம்!
மேலும் படிக்க | குழந்தைகளுக்கு காது குத்த சரியான வயது இது? மருத்துவர்கள் சொல்வது..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
