 "கொலஸ்ட்ராலை கச்சிதமாய் கட்டுப்படுத்தும் சிவப்பு உணவுகள்: முழு லிஸ்ட் இதோ")
Red Foods To Control Bad Cholesterol: இதய ஆரோக்கியத்திற்கு கொழுப்பின் அளவை நிர்வகிப்பது மிகவும் முக்கியம். மாறிவரும் வாழ்க்கை முறை மற்றும் ஆரோக்கியமற்ற உணவுமுறை காரணமாக கெட்ட கொலஸ்ட்ரால் உடலில் அதிகமாகின்றது. பல இயற்கையான, எளிய வழிகளின் மூலம் கெட்ட கொலஸ்ட்ரால் அளவை கட்டுக்குள் வைக்கலாம். சில சூப்பர்ஃபுட்களை உங்கள் உணவில் சேர்த்துக் கொள்வது நன்மை பயக்கும் உத்தியாக இருக்கும். பொதுவாக சிவப்பு நிற உணவுகள் இதயத்திற்கு நல்லதாக கருதப்படுகின்றன. இவை LDL கொலஸ்ட்ராலை நிர்வகிக்க உதவக்கூடும்.
கெட்ட கொலஸ்ட்ரால் அளவை குறைத்து இதய ஆரோக்கியத்தையும், உடல் ஆரோக்கியத்தையும் மேம்படுத்த உதவும் 5 சிவப்பு நிற உணவுகளை பற்றி இந்த பதிவில் காணலாம்.
கொழுப்பின் அளவைக் கட்டுப்படுத்தும் 5 சிவப்பு உணவுகள்
தக்காளி: தக்காளியில் கொழுப்பைக் குறைக்க உதவும் லைகோபீன் உள்ளது. இந்த சிவப்பு உணவில் கலோரிகள் குறைவாகவும் நார்ச்சத்து அதிகமாகவும் உள்ளன. ஆகையால், இது பிளேக் படிவு அபாயத்தைக் குறைக்க உதவுகிறது. மேலும் இது ஒட்டுமொத்த ஆரோக்கியத்தையும் மேம்படுத்துகின்றது.
சிவப்பு குடைமிளகாய்: சிவப்பு குடைமிளகாய் உணவில் சேர்க்க வேண்டிய ஆரோக்கியமான உணவுகளில் ஒன்றாகும். இதில் பல வித அத்தியாவசிய ஊட்டச்சத்துக்கள் நிறைந்துள்ளன. இதில் வைட்டமின் சி, ஆண்டிஆக்சிடெண்டுகள், நார்ச்சத்து மற்றும் இதய ஆரோக்கியத்தை அதிகரிக்க உதவும் சேர்மங்கள் உள்ளன.
ராஸ்பெர்ரி: கிட்டத்தட்ட அனைத்து வகையான பெர்ரிகளும் ஆரோக்கியமான பழங்களில் ஒன்றாகக் கருதப்படுகின்றன. ராஸ்பெர்ரி ஒரு சுவையான மற்றும் ஊட்டச்சத்து நிறைந்த பழமாக கருதப்படுகின்றது. இது கொழுப்பின் அளவைக் குறைக்க உதவும். இதில் கரையக்கூடிய நார்ச்சத்து அதிகமாக உள்ளது. இது இரத்தத்தில் கொழுப்பை பிணைக்க உதவுகிறது, LDL ஐக் குறைக்கிறது. ராஸ்பெர்ரிகளில் உள்ள ஆண்டிஆக்சிடெண்டுகள் வீக்கம் மற்றும் ஆக்ஸிஜனேற்ற அழுத்தத்தை எதிர்த்து செல் சேதத்தைப் பாதுகாக்கின்றன.
பீட்ரூட்: பீட்ரூட் ஒரு சூப்பர்ஃபுட் ஆகும். இது உணவுக்கு அழகிய நிறத்தை சேர்ப்பது மட்டுமல்லாமல் ஏராளமான ஆரோக்கிய நன்மைகளையும் வழங்குகிறது. இதில் நைட்ரேட்டுகள் அதிகம் உள்ளன. பீட்ரூட் இரத்த ஓட்டத்தை மேம்படுத்தவும் இரத்த அழுத்தத்தைக் குறைக்கவும் உதவும். அவற்றில் உள்ள அதிக நார்ச்சத்து கொழுப்பை வெளியேற்றுவதை ஊக்குவித்து குடலில் அதன் உறிஞ்சுதலைத் தடுத்து கொழுப்பை நிர்வகிக்க உதவுகிறது.
மாதுளை: இந்த சிறிய சிவப்பு பழத்தில் ஆண்டிஆக்சிடெண்டுகள் நிறைந்துள்ளன. இதில் அந்தோசயினின்கள் உள்ளன. அவை கெட்ட கொழுப்பின் அளவுகளை குறைக்கின்றன. மாதுளை சாறு உட்கொள்வது LDL கொழுப்பைக் குறைத்து ஒட்டுமொத்த இதய ஆரோக்கியத்தை மேம்படுத்தும் என்று ஆய்வுகள் காட்டுகின்றன.
இந்த சிவப்பு நிற சூப்பர்ஃபுட்களை உணவில் சேர்த்துக் கொள்வது அதிக கொழுப்பின் அளவைக் குறைக்கவும், பிளேக் உருவாவதற்கான அபாயத்தைக் குறைக்கவும், இதயத்தை நோய் அபாயத்திலிருந்து பாதுகாக்கவும் உதவும்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)