Breakfast for Weight Loss: உடல் எடை அதிகமாக உள்ளதா? தொப்பை கொழுப்பு பாடாய் படுத்துகிறதா? அப்படியென்றால் இந்த பதிவு உங்களுக்கு மிக முக்கியமானதாக இருக்கும். ஆரோக்கியமான எடை இழப்பு பற்றி இங்கே காணலாம்.
காலை உணவு
காலை உணவு நமது நாளின் மிக முக்கியமான உணவாக கருதப்படுகின்றது. இது நாள் முழுவதும் உடலுக்கு தேவையான ஆற்றலை வழங்குவது மட்டுமல்லாமல், எடையை குறைக்கவும் உதவும். காலையில் ஆரோக்கியமான காலை உணவை உட்கொள்வது வளர்சிதை மாற்றத்தை அதிகரிக்க உதவும். இதனால் எடை இழப்பு எளிதாகும். உடல் எடையை குறைக்க நினைப்பவர்கள் தங்கள் காலை உணவில் குறைந்த கலோரி மற்றும் சத்தான உணவுகளைச் சேர்க்க வேண்டும். இது அவ்வப்போது எடுக்கும் பசியை குறைக்கிறது. இதனால் தேவையற்ற, ஆரோக்கியமற்ற உணவுகளை உட்கொள்வது குறைக்கப்படுகின்றது. சரியான காலை உணவு அன்றைய வேலைகளுக்கு போதுமான ஆற்றலையும் தருகிறது.
தொப்பை கொழுப்பை குறைத்து உடல் எடையை குறைக்க உதவும் சத்தான காலை உணவுகள் பற்றி இந்த பதிவில் காணலாம்.
Oats: ஓட்ஸ்
ஓட்ஸ் சாப்பிடுவது எடை இழப்புக்கு மிகவும் நன்மை பயக்கும். இதில் புரதம் மற்றும் நார்ச்சத்து ஏராளமாக உள்ளது. இது நீண்ட நேரம் வயிற்றுக்கு நிரம்பிய உணர்வை அளிக்கும். இதை சாப்பிடுவதால் மீண்டும் மீண்டும் பசி எடுக்கும் உணர்வு இருக்காது. இதனால் நீங்கள் அதிகமாக சாப்பிடுவதைத் தவிர்க்கலாம். இது எடை குறைக்க உதவும். காலை உணவில் இட்லி, கிச்சடி வடிவில் ஓட்ஸை உட்கொள்ளலாம்.
Vegetable Salad: காய்கறி சாலட்
காலையில் பல வித காய்கறிகள் கலந்த சாலட் உண்பது இடல் இழப்பில் உதவுவதோடு உடல் ஆரோக்கியத்தையும் மேம்படுத்தும். இது உடலில் கலோரி அளவை அதிகரிக்காமல் தேவையான ஊட்டச்சத்தை அளிக்கும். இது நாள் முழுதும் உடல் சுறுசுறுப்பாக இருக்க உதவும்.
Eggs: முட்டை
முட்டை புரதத்தின் சிறந்த மூலமாகும். இது தசைகளை வலுப்படுத்துவதோடு எடை இழப்பிலும் உதவுகிறது. காலை உணவாக வேகவைத்த முட்டை, ஆம்லெட் அல்லது முட்டை புர்ஜியை சாப்பிடலாம். இருப்பினும், ஆம்லெட் அல்லது முட்டை புர்ஜி தயாரிக்க குறைந்த எண்ணெயைப் பயன்படுத்த வேண்டும் என்பதை நினைவில் கொள்வது நல்லது.
Curd: தயிர்
தயிரில் அதிக புரதம் உள்ளது. இது எடை இழப்புக்கு உதவுகிறது. காலையில் தினமும் ஒரு கிண்ணம் தயிர் உட்கொள்வது நல்லது. இதில் உள்ள ப்ரோபயாடிக் தன்மை உடலுக்குத் தேவையான ஊட்டச்சத்துகளை அளிக்கும்.
Sprouts: முளைகள்
தொப்பை கொழுப்பையும் உடல் எடையையும் குறைக்க விரும்பு நபர்கள் காலை உணவில் முளை கட்டிய பயறுகளை உட்கொள்ளலாம். முளை கட்டிய பயறுகளில் நறுக்கிய காய்கறிகளையும் கலந்து சாப்பிடலாம். இதில் அதிக புரதச்சத்தும் நார்ச்சத்தும் உள்ளது. இது பசியைக் கட்டுப்படுத்த உதவும். இதை உட்கொள்வது எடையை குறைக்க உதவும்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | 90 கிலோவில் இருந்த பெண்... குழந்தை பெற்ற பின் 57 கிலோவை குறைத்தது எப்படி?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
