சுகர் லெவலை சுலபமாய் குறைக்க உதவும் வெங்காயம்: இப்படி சாப்பிட்டால் போதும்

Onion Juice For Diabetes Control: பல வித இயற்கையான வழிகள் மூலம் நீரிழிவு நோயை கட்டுப்படுத்தலாம். இவற்றில் ஒன்று வெங்காயம். இது உணவின் சுவையை அதிகரிப்பது மட்டுமல்லாமல் நீரிழிவு நோயாளிகளுக்கும் நன்மை பயக்கும்.

Onion For Diabetes Control: நீரிழிவு நோய் என்பது ஒரு வாழ்க்கை முறை நோயாகும். இன்றைய காலகட்டத்தில் உலகம் முழுவதும் நீரிழீவு நோயாளிகளின் எண்ணிக்கை நாளுக்கு நாள் அதிகரித்து வருகின்றது. நீரிழிவு என்பது இரத்த சர்க்கரை அளவு கட்டுப்பாட்டை மீறிச் செல்லும் ஒரு மருத்துவ நிலை. ஒருவருக்கு ஒரு முறை நீரிழிவு நோய் வந்துவிட்டால், அதை முற்றிலுமாக குணப்படுத்த முடியாது. மருந்துகள் மற்றும் வாழ்க்கை முறை மாற்றங்கள் மூலம் இதைக் கட்டுப்படுத்த முடியும் என்றாலும், சில இயற்கை வைத்தியங்களும் உதவியாக இருக்கும். 

Add Zee News as a Preferred Source

பல வித இயற்கையான வழிகள் மூலம் நீரிழிவு நோயை கட்டுப்படுத்தலாம். இவற்றில் ஒன்று வெங்காயம். இது உணவின் சுவையை அதிகரிப்பது மட்டுமல்லாமல் நீரிழிவு நோயாளிகளுக்கும் நன்மை பயக்கும். நீரிழிவு நோயாளிகளுக்கு வெங்காயம் பல வழிகளில் நிவாரணம் அளிக்கின்றது. 

இரத்த சர்க்கரை கட்டுப்பாடு

வெங்காயத்தில் குர்செடின் எனப்படும் ஆண்டிஆக்சிடெண்ட் எதிர்ப்பொருள் உள்ளது. இது இரத்த சர்க்கரை அளவைக் குறைக்க உதவுகிறது. இது இன்சுலின் உணர்திறனை மேம்படுத்துகிறது. இதனால் உடல் குளுக்கோஸை சிறப்பாகப் பயன்படுத்த அனுமதிக்கிறது. டைப்-2 நீரிழிவு நோயாளிகளுக்கு வெங்காயத்தை தொடர்ந்து பச்சையாக உட்கொள்வது ஃபாஸ்டிங் இரத்த சர்க்கரை அளவை குறைக்கும்.

குறைந்த கிளைசெமிக் குறியீடு

வெங்காயத்தில் மிகக் குறைந்த கிளைசெமிக் குறியீடு (GI) உள்ளது. அதாவது இது இரத்த சர்க்கரை அளவை விரைவாக அதிகரிக்காது. இதை உணவில் சேர்ப்பதன் மூலம், நோயாளிகள் தங்கள் சர்க்கரை அளவை சீராக வைத்திருக்க முடியும். குறிப்பாக வெங்காயத்தை சாலட் வடிவில் பச்சையாக சாப்பிடுவது நன்மை பயக்கும்.

வீக்கத்தைக் குறைக்க உதவுகிறது

நீரிழிவு நோய் பெரும்பாலும் உடலில் வீக்கத்தை ஏற்படுத்துகிறது. இது நிலைமையை சிக்கலாக்கும். வெங்காயத்தில் உள்ள சல்பர் சேர்மங்கள் மற்றும் அழற்சி எதிர்ப்பு பண்புகள் வீக்கத்தைக் குறைக்க உதவுகின்றன. இது இதய ஆரோக்கியத்திற்கும் நல்லது. இது நீரிழிவு நோயாளிகளுக்கு ஒரு பெரிய கவலையாக உள்ளது.

கொழுப்பு மற்றும் எடை கட்டுப்பாடு

வெங்காயத்தில் நார்ச்சத்து உள்ளது. இது கொழுப்பைக் குறைத்து செரிமானத்தை மேம்படுத்த உதவுகிறது. நீரிழிவு நோயாளிகளுக்கு எடை மேலாண்மை முக்கியமானது. வெங்காயம் குறைந்த கலோரி உணவாக இருப்பதால் இது எடையை குறைக்க மிகவும் உதவியாக இருக்கும்.

சுகர் நோயாளிகள் வெங்காயத்தை எப்படி பயன்படுத்துவது?

வெங்காயத்தை பச்சையாகவோ, வேகவைத்தோ, வதக்கியோ அல்லது கறி, சாலட் ஆகிய வடிவங்களிலோ சாப்பிடலாம். தினமும் உங்கள் சாலட்டில் ஒரு சிறிய வெங்காயத்தைச் சேர்ப்பதே தினசரி டயட்டில் இதை சேர்ப்பதற்கான எளிதான மற்றும் மிகவும் பயனுள்ள வழியாக கருதப்படுகின்றது. இருப்பினும், அதிக அளவில் இதை உட்கொள்வதற்கு முன் உங்கள் மருத்துவரை அணுகவும். குறிப்பாக ஏதாவது உடல் பிரச்சனைக்கான மருந்துகளை எடுத்துக்கொள்ளும் நபர்கள் கண்டிப்பாக மருத்துவரின் ஆலோசனையை பெறுவது நல்லது.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!