Radish For Diabetes Control: இன்றைய அவசர உலகில் நீரிழிவு நோய் மிகப்பெரிய வாழ்க்கை முறை நோயாக உருவெடுத்து வருகின்றது. ஆரோக்கியமற்ற வாழ்க்கை முறை மற்றும் உணவுமுறை காரணமாக உலக மக்கள் பலரை இது தன் பிடியில் சிக்கவைத்துள்ளது. ஒரு முறை ஒருவருக்கு நீரிழிவு நோய் வந்துவிட்டால், அதை முற்றிலுமாக குணப்படுத்த முடியாது. எனினும், வாழ்க்கை முறை மற்றும் உணவில் கட்டுப்பாடுடன் இருந்தால், இதை கண்டிப்பாக கட்டுக்குள் வைக்கலாம்.
நீரிழிவு நோயாளிகள் தங்கள் உணவில் சிறப்பு கவனம் செலுத்த வேண்டும். குறைந்த கிளைசெமிக் குறியீட்டைக் கொண்ட உணவுகளை உணவில் சேர்ப்பது முக்கியம். குறைந்த கிளைசெமிக் உணவுகள் இரத்த சர்க்கரையை கட்டுப்படுத்துவதில் மிகவும் பயனுள்ளதாக இருக்கும். அதிக சர்க்கரை கொண்ட உணவுகள் மற்றும் பானங்களை கண்டிப்பாக தவிர்க்க வேண்டும். மேலும், ஆரோக்கியமான வாழ்க்கை முறையை கடைபிடிக்க வேண்டியது மிக அவசியமாகும்.
இரத்த சர்க்கரை அளவை கட்டுப்படுத்தும் முள்ளங்கி
இரத்த சர்க்கரையை விரைவாகக் கட்டுப்படுத்தும் உணவுகளை உங்கள் டயட்டில் சேர்ப்பது நல்லது. பல காய்கள் மற்றும் பழங்கள் நீரிழிவு நோயாளிகளுக்கு சர்க்கரை அளவை குறைப்பதில் உதவியாக இருக்கும். அதில் முள்ளங்கியும் அடங்கும். முள்ளங்கி நீரிழிவு நோயாளிகளுக்கு ஒரு வரப்பிரசாதமாக பார்க்கப்படுகின்றது. இது நீர்ச்சத்து மிகுந்த காய். சாம்பார், சாலட், கறி, சூப், பராந்தா என பல வகைகளில் இதை உட்கொள்ளலாம்.
வைட்டமின் சி நிறைந்த முள்ளங்கியில், ஆரோக்கியத்திற்கு நன்மை பயக்கும் பாஸ்பரஸ், மாங்கனீசு, பொட்டாசியம் மற்றும் மெக்னீசியம் ஆகியவை உள்ளன. வைட்டமின் சி என்பது ஒரு ஆண்டிஆக்சிடெண்ட் ஆகும். இது உங்கள் உடலில் உள்ள ஃப்ரீ ரேடிக்கல்களை எதிர்த்துப் போராடவும், வயதானதால் ஏற்படும் செல் சேதத்தைத் தடுக்கவும் உதவுகிறது.
முள்ளங்கி நீரிழிவு நோயை எவ்வாறு கட்டுப்படுத்துகிறது?
நீரிழிவு நோயாளிகளுக்கு முள்ளங்கி சாப்பிடுவது நன்மை பயக்கும். இதன் கிளைசெமிக் குறியீடு மிகக் குறைவாக இருப்பதால், இது இரத்த சர்க்கரை அளவைக் கட்டுப்படுத்துவதில் பயனுள்ளதாக அமைகிறது. முள்ளங்கி குறைந்த கலோரி மற்றும் குறைந்த கிளைசெமிக் குறியீட்டு உள்ள காயாக இருப்பதால் இதை சுகர் நோயாளிகள் அதிகம் உட்கொள்ளலாம். இதில் நீர்ச்சத்தும் நார்ச்சத்தும் அதிகமாக உள்ளது. ஆகையால், இது எடை இழப்புக்கும் உதவும். இதை உட்கொள்வதன் மூலம், இரத்தத்தில் உள்ள கொழுப்பின் அளவு கட்டுப்படுத்தப்படுகிறது.
முள்ளங்கியின் நீரிழிவு எதிர்ப்பு பண்புகள் நோய் எதிர்ப்பு சக்தியை பலப்படுத்துகின்றன. அடிபோனெக்டின் என்பது இரத்த சர்க்கரை அளவைக் கட்டுப்படுத்தும் ஒரு ஹார்மோன் ஆகும். முள்ளங்கியில் அடிபோனெக்டினை ஒழுங்குபடுத்தும் மற்றும் குளுக்கோஸ் ஹோமியோஸ்டாசிஸை ஒழுங்குபடுத்துவதில் முக்கிய பங்கு வகிக்கும் உயிரியல் ரீதியாக செயல்படும் சேர்மங்கள் உள்ளன.
முள்ளங்கி ஃப்ரீ ரேடிக்கல்களைக் குறைக்கவும், ஹீமோஸ்டாசிஸைப் பாதிக்கவும், வளர்சிதை மாற்றத்தை அதிகரிக்கவும் உதவுகிறது. இதை உட்கொள்வதால் இரத்த சர்க்கரை கட்டுக்குள் இருக்கும்.
முள்ளங்கியின் பிற ஆரோக்கிய நன்மைகள்:
- முள்ளங்கி சாப்பிடுவது செரிமானத்தை மேம்படுத்துகிறது.
- முள்ளங்கியை உட்கொள்வது சளி மற்றும் இருமலில் இருந்து நிவாரணம் அளிக்கிறது.
- இது இதய நோய் மற்றும் புற்றுநோய் அபாயத்தைக் குறைக்கிறது.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | முதுகுத்தண்டை காலி செய்த ஆன்லைன் கேம் மோகம்... 19 வயது சிறுவன் நடக்க முடியாத நிலை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
