பாடாய் படுத்தும் கழுத்து வலி! தீர்க்க ஒரே வழி..காலையில் 10 நிமிடம் ‘இதை’ பண்ணுங்க..

10 Minutes Yoga Asanas Neck Pain : நம்மில் பலருக்கு இந்த கழுத்து வலி பிரச்சனை மட்டும் தீர்க்கப்படாத ஒன்றாக இருக்கும். அவற்றை சில பயிற்சிகள் மூலம் தீர்க்கலாம். அதற்கு நீங்கள் செய்ய வேண்டியது என்ன தெரியுமா?

10 Minutes Yoga Asanas Neck Pain : இன்றைய காலக்கட்டத்தில், அனைவருக்கும் உடல் பருமன், தலைவலி, முதுகுவலி, கழுத்து வலி உள்ளிட்ட பிரச்சனைகள் இளமை காலத்திலேயே அதிகமாவது வழக்கமாகி விட்டது. தொடர்ந்து லேப்டாப் அல்லது போனை பார்ப்பதாலோ, ஒரே வேலையை தொடர்ந்து செய்வதாலோ இந்த பிரச்சனை வரலாம். இப்படி தொடர்ந்து வரும் கழுத்து வலியால் பலர் பாதிப்படைகின்றனர். இதை தீர்க்க ஒரு வழி இருக்கிறது. அது என்ன தெரியுமா?

Add Zee News as a Preferred Source

ஒரே வழி!

கழுத்து வலியை, யோகாசனங்கள் மூலம் நீக்கலாம் என்று மருத்துவர்கள் கூறுகின்றனர். அனைவர் கழுத்திலும் ஆழமற்ற, வளைவு ஒன்று உள்ளது. இது கழுத்து தசைகளால் ஆதரவு பெறுவதாக இருக்கின்றது. இதில் பிரச்சனை ஏற்படும் போது கழுத்து வலி ஏற்படலாம். இதை தீர்க்க தினமும் காலையில் 10 நிமிடங்கள் அதிகம் அழுத்தம் தராத யோகாசங்களை செய்யலாம் என்கின்றனர் மருத்துவர்கள். இது, நமது கழுத்து தசைகளை சாந்தப்படுத்துவதோடு, கழுத்து வலியையும் போக்கலாம். 

கிரீவ சஞ்சாலனா:

இதனை ஆங்கிலத்தில் Neck Rolls என்று குறிப்பிடுவர். இதனை, உட்கார்ந்துகொண்டோ, நின்று கொண்டோ செய்யலாம். முதுகெலும்பை நேராக வைத்து உட்காருங்கள். கழுத்தை வட்ட வடிவில், மெதுவாக சுழற்ற வேண்டும். கடிகார திசையிலும் பின்பு கடிகாரத்தின் ஆப்போசிட் திசையிலும் சுழற்ற வேண்டும். 

மர்ஜர்யாசனம்:

இந்த ஆசனத்தை ஆங்கிலத்தில் Cat-cow pose என்று கூறுவர். இதை செய்ய முதலில் நான்கு கால்களால் நிற்க வேண்டும். மூச்சை உள்ளிழுக்கும் போது முதுகை எழுப்ப வேண்டும். மூச்சை வெளிவிடும் போது முதுகை தாழ்த்த வேண்டும். இது உங்கள் முதுகு மற்றும் கழுத்து பகுதிகளில் இருக்கும் அழுத்தத்தை குறைக்கலாம். 

பாலாசனம்:

இந்த ஆசனத்தை ஆங்கிலத்தில் Child's Pose என்று குறிப்பிடுவர். இதை செய்ய, தரையில் மண்டியிட்டு, குதிகால் மேல் உட்கார்ந்து, உங்கள் நெற்றியை தரையில் தாழ்த்திக் கொண்டு உங்கள் கைகளை முன்னோக்கி நீட்டவும். இது உங்களது முதுகை நீட்டுவதுடன், தோள்பட்டை மற்றும் கழுத்தில் இருக்கும் அழுத்தத்தை குறைக்கிறது. 

பார்ஸ்வ பாலசனம்:

நான்கு கால்களிலிருந்தும், உங்கள் வலது கையை இடது தோள்பட்டையின் கீழ் கைகளை நீட்டி, உங்கள் தலையை விரிப்பில் சாய்த்து, மறுபுறம் பிடித்துக் கொண்டு மீண்டும் செய்யவும். இது உங்கள் பின்புறம், மேல் முதுகு மற்றும் கழுத்து தசைகளை விரிவாக்குகிறது. 

சேது பந்தசனா:

முழங்கால்களை வளைத்து, கால்களை இடுப்பு அளவிற்கு அகலமாக விரித்து உங்கள் முதுகில் படுத்துக் கொள்ளுங்கள். உங்கள் கழுத்து மற்றும் தலையை தரையில் தளர்வாக வைத்திருக்கும் போது உங்கள் இடுப்பை மேல்நோக்கி உயர்த்தவும். இதனை ஆங்கிலத்தில் Bridge Pose என்று கூறுகின்றனர்.

ஷவாசனா:

உங்கள் முதுகில் சாய்ந்து படுத்து, கைகளை பக்கவாட்டில் நீட்டி, உள்ளங்கைகளை மேலே நீட்டிக் கொள்ளுங்கள். கண்களை மூடிக்கொண்டு சாதாரணமாக சுவாசிக்கவும். இது கழுத்து தசைகள் உட்பட முழு உடல் தளர்வை கொடுக்கிறது.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!