செரிமான பிரச்சனைகள் ஏற்படாமல் இருக்க உணவுப் பழக்க வழக்கங்களில் கவனம் செலுத்த வேண்டும். அதையும் மீறி சில சமயங்களில், வாயு, அமிலத்தன்மை மலச்சிக்கல் உள்ளிட்ட பிரச்சனைகள் ஏற்படலாம். குடும்ப விழாக்கள், திருமணங்கள், பண்டிகை காலங்கள் போன்றவற்றில், அதிகம் சாப்பிடுவதன் காரணமாக அசிடிட்டி, வயிற்று உப்பிசம், வாயு உள்ளிட்ட பிரச்சனைகள் ஏற்படலாம்.
நீண்ட கால உடல்நல பிரச்சனைகளை ஏற்படுத்தும் அஜீரணம்
அஜீரணம், வாயு, புளித்த ஏப்பம், மலச்சிக்கல் உள்ளிட்ட பிரச்சனைகள் நீடித்தால் பலவகையான நீண்டகால உடல்நல பிரச்சனைகள் ஏற்பட வாய்ப்பு உள்ளது. எனவே அதனை அலட்சியம் செய்யாமல் இருப்பது நல்லது. செரிமானம் சரியாக இல்லை என்றால், உடல் பலவீனம், சோர்வு, ஊட்டச்சத்து பற்றாக்குறை போன்றவை ஏற்பட வாய்ப்பு உள்ளது. உணவை ஆற்றலாக மாற்றும் செரிமான அமைப்பு சரியாக வேலை செய்யவில்லை என்றால், உணவு சரியாக ஜீரணம் ஆகாமல், உடல் அதிலிருந்து ஊட்டச்சத்துக்களை முழுமையாக கிரகித்துக் கொள்ள முடியாமல் போவதே, இதற்குக் காரணம்.
செரிமான பிரச்சனைகளுக்கான வீட்டு வைத்தியம்
செரிமான பிரச்சனைகள் ஏற்பட்டால் தொடர்ந்து மருந்து சாப்பிடும் வழக்கம் பலருக்கு உள்ளது. அதற்கு பதிலாக, சமையலறையில் நாம் அன்றாடம் பயன்படுத்தும் சில மசாலாக்கள் மூலம் தீர்வுகளை காண்பதால், பக்க விளைவுகளில் (Health Tips) இருந்து தப்பிக்கலாம்.
செரிமான பிரச்சனைகளுக்கு குட் பை சொல்ல உதவும் சில மசாலாக்கள்
சீரகம்
அகத்தை சீர் செய்யும் சீரகம், செரிமான பிரச்சனைகளுக்கு சிறந்த தீர்வை தரும். சீரகத்தை வறுத்து பொடி செய்து வைத்துக் கொண்டு, தேவைப்படும் போது, ஒரு கிளாஸ் கொதிக்கும் நீரில் கலந்து, சிறிது ஆரிய உடன் அருந்தலாம். இல்லை என்றால் ஒரு ஸ்பூன் சீரகத்தை ஒரு கிளாஸ் தண்ணீரில் கொதிக்க வைத்து, வடிகட்டி வெதுவெதுப்பாக அருந்தலாம்.
சோம்பு என்னும் பெருஞ்சீரகம்
சோம்பு செரிமான பிரச்சனைகளுக்கு தீர்வைத் தரும் அருமருந்து. சாப்பிட்டபின் ஒரு ஸ்பூன் பெருஞ்சீரகத்தை வாயில் போட்டு மெல்வது பலனளிக்கும். பெருஞ்சீரகத்தில் உள்ள என்சைம்ங்கள், செரிமானத்திற்கு தேவையான நொதிகளை தூண்டி, உணவை நன்றாக உடல் ஜீரணிக்க உதவுகிறது.
ஓமம்
ஓமம், அஜீரண பிரச்சனைகளுக்கு குட்பை சொல்ல உதவும் சிறந்த மசாலா. ஓமத்தை மென்று சாப்பிடுவது பலன் தரும். அல்லது ஓமத்தை சிறிதளவு வறுத்து பொடி செய்து வைத்துக் கொண்டு, தேவைப்படும்போது உப்பு கலந்து சாப்பிடலாம். அல்லது ஓமம் சேர்த்து கொதிக்க வைத்த நீரை குடிக்கலாம்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | வெள்ளை எள் யாரெல்லாம் சாப்பிடக்கூடாது தெரியுமா? அவசியம் தெரிந்து கொள்ளுங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
