 "பிபி - சுகர் இரண்டும் கட்டுக்குள் இருக்க... இந்த 5 விஷயங்களை கடைபிடிங்க போதும்")
இன்றைய காலகட்டத்தில், துரிதகதியான வாழ்க்கை முறையில், வாழ்க்கை முறை சார்ந்த நோய்களான, நீரழிவு நோய் அல்லது சர்க்கரை நோய் மற்றும் உயர் ரத்த அழுத்தம் என்னும் ஹை பிபி ஆகியவை பெரும்பாலானோருக்கு இருக்கும் பொதுவான உடல் நல பிரச்சனைகளாக மாறிவிட்டன என்பதை மறுக்க இயலாது. இதனால் தான் இளம் வயதிலேயே மாரடைப்பினால் இறக்கும் சம்பவங்களும் அதிகரித்துள்ளன.
நீரிழிவு நோய் மற்றும் உயர் ரத்த அழுத்தம் இரண்டும், இதய நோய், பக்கவாதம் சிறுநீரக நோய்கள் உள்ளிட்ட பல தீவிர நோய்களின் அபாயத்தை அதிகரிக்கின்றன. எனினும், இதனை கட்டுக்குள் வைத்திருந்தால் பல உடல் நல பிரச்சனைகளை தவிர்க்கலாம். இதற்கு சில எளிய ஆரோக்கியமான பழக்கங்களை கடைபிடித்தாலே போதும். சர்க்கரை நோய், உயர் ரத்த அழுத்தம் இரண்டும் கட்டுக்குள் இருக்கும்.
சர்க்கரை நோய் உயர் ரத்த அழுத்தம் இரண்டுக்கும் மருந்தாகும் 5 ஆரோக்கியமான பழக்கங்கள்
நார்ச்சத்து மற்றும் புரதம் மட்டுமல்லாது அனைத்து ஊட்டச்சத்துக்களும் நிறைந்த சமச்சீர் உணவு
புயல் ரத்த அழுத்தம் மற்றும் சர்க்கரை நோயை கட்டுப்படுத்த, உணவில் சர்க்கரை மற்றும் உப்பின் அளவை குறைக்க வேண்டும். அதோடு நார் சத்து மற்றும் புரதம் நிறைந்த உணவுகள் மட்டும் அல்லாது, அனைத்து ஊட்டச்சத்துக்களும் நிறைந்த சமச்சீர் உணவு தேவை. இதற்கு உணவில் காய்கறிகளுடன், முழு தானியங்கள், பருப்பு வகைகள் பழங்கள் ஆகியவற்றை தவறாமல் சாப்பிட வேண்டும். குளிர்பானங்கள் குடிப்பதை தவிர்த்து, அதற்கு பதிலாக மூலிகை தேநீர் எடுத்துக் கொள்ள வேண்டும். துரித உணவுகள் மற்றும் பதப்படுத்தப்பட்ட உணவுகளையும் தவிர்ப்பது நல்லது.
உடல் பருமனை கட்டுப்படுத்துதல்
உடல் எடையை கட்டுக்குள் வைத்திருப்பதன் மூலம், உயர் ரத்த அழுத்தம், ரத்த சர்க்கரை அளவு இரண்டையும் கட்டுக்குள் வைத்திருக்கலாம். ஏனெனில் உடல் எடை இந்த இரண்டு வாழ்க்கை முறை சார்ந்த நோய்களுக்கு முக்கிய காரணமாக இருக்கிறது என்பதை மறுக்க இயலாது. ஏனெனில் உடல் பருமன் மற்றும் தொப்பை கொழுப்பு இன்சுலின் எதிர்ப்பை உயர்வ தழுத்தத்தையும் ஏற்படுத்துகிறது. இதற்கு குறைவான கலோரி கொண்ட உணவுகளையும், அதிக நார்ச்சத்து அதிக புரதம் உள்ள உணவுகளையும் அதிகம் எடுத்துக் கொள்ள வேண்டும்.
வாரத்திற்கு ஐந்து நாட்கள் ஆவது உடற்பயிற்சி அல்லது நடை பயிற்சி மேற்கொள்ளுதல்
தினமும் 30 முதல் 40 நிமிடங்கள் வரை சுறுசுறுப்பாக நடப்பது, யோகா பயிற்சி செய்வது, சைக்கிள் ஓட்டுவது ஆகியவை, நேரடி வினோய் இரத்த அழுத்தம் இரண்டையும் கட்டுப்படுத்தும். தினமும் முடியவில்லை என்றாலும், வாரத்திற்கு ஐந்து நாட்களாவது உடற்பயிற்சி அல்லது நடை பயிற்சி மேற்கொள்ள வேண்டும். உடற்பயிற்சி இன்சுலின் உணர்திறனை மேம்படுத்துவதால் ரத்த சர்க்கரை அளவு கட்டுக்குள் இருக்கும். அதோடு உடற்பயிற்சி மூலம் அதிக கொழுப்பு கரைக்கப்பட்டு, உடலில் ரத்த ஓட்டம் மேம்படுவதால், உயர் ரத்த அழுத்தமும் கட்டுக்குள் இருக்கும்.
மன அழுத்தத்தை கட்டுக்குள் வைக்க வேண்டியது அவசியம்
உயர் ரத்த அழுத்தம் மற்றும் நீரழிவு நோய்க்கான முக்கிய காரணிகளில் ஒன்று மன அழுத்தம். நீண்ட கால அழுத்தம், உடல் ஆரோக்கியத்தை பல வகையில் பாதிக்கும். எனவே அதனை கட்டுக்குள் வைத்திருப்பது அவசியம். தினமும் 10 15 நிமிட தியானம், நினைவாற்றல் பயிற்சி, ஏழு முதல் எட்டு மணி நேர ஆழ்ந்த தூக்கம் ஆகியவை மன அழுத்தத்தை கட்டுக்குள் வைத்திருக்க உதவும்.
சர்க்கரை அளவு மற்றும் ரத்த அழுத்த அளவை வழக்கமான பரிசோதனை மூலம் கண்காணித்தல்
நீரழிவு மற்றும் ஹை பிபி பிரச்சனை இருப்பவர்கள், அதனை தொடர்ந்து கண்காணிப்பது அவசியம். ஒரு குறிப்பிட்ட கால இடைவெளியில், ரத்த அழுத்தம் மற்றும் இரத்த சர்க்கரை அளவை கண்காணிப்பதன் மூலம் பல பிரச்சனைகளை தவிர்க்கலாம். மருத்துவரின் ஆலோசனைப்படி மருந்துகளை எடுத்துக் கொள்வதோடு, இதயம் கல்லீரல், சிறுநீரகம் ஆகியவற்றின் செயல்பாடுகளையும் அவ்வப்போது கண்காணித்து வந்தால், பிரச்சினைகளை ஆரம்பகட்டங்களிலேயே கண்டறிந்து, எளிதில் நிவாரணம் பெறலாம்.
(பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)