இரவில் தூங்கும் முன் இலவங்கப்பட்டை பால் குடிப்பதால் பல சிறந்த ஆரோக்கிய நன்மைகளை பெறலாம். பாலில் கால்சியம், வைட்டமின் டி மற்றும் புரதம் நிறைந்துள்ளது, இது எலும்புகளை வலுப்படுத்தவும் தசைகளை சரிசெய்யவும் உதவுகிறது. இது டிரிப்டோபான் மற்றும் மெலடோனின் போன்ற இயற்கை சேர்மங்களைக் கொண்டுள்ளது. இது மனதை அமைதிப்படுத்தவும், ஆழ்ந்த தூக்கத்தை பெறவும் உதவுகிறது.
இரவு உணவிற்கு பின், படுக்கைக்கு செல்லும் முன் குடிக்க சிறந்த பானமாக அமைகிறது. இலவங்கப்பட்டை ஆயிரக்கணக்கான ஆண்டுகளாக அதன் மருத்துவ குணங்களுக்காக மிகவும் அறியப்படும் ஒரு மசாலா. இலவங்கப்பட்டையில் ஆன்டிஆக்ஸிடன்ட்கள் நிறைந்துள்ளன.
இரவில் இலவங்கப்பட்டை பால் குடிப்பதால் கிடைக்கும் நன்மைகள்
தூக்கமின்மை
இலவங்கப்பட்டை பாலில் உடலுக்கு குளிர்ச்சியை கொடுக்கும் பண்புகள் உள்ளன, இது உடலையும் மனதையும் அமைதிப்படுத்தவும் தூக்கத்தின் தரத்தை மேம்படுத்தவும் உதவுகிறது. இலவங்கப்பட்டை மெலடோனின் மற்றும் செரோடோனின் அளவை அதிகரிக்கிறது, இவை உங்களுக்கு நல்ல தூக்கத்தை பெற உதவும் ஹார்மோன்கள்.
எலும்பு ஆரோக்கியம்
பால் உடலுக்கு தேவையான கால்சியத்தை வழங்குகிறது. அதே நேரத்தில் இலவங்கப்பட்டை கால்சியம் சத்தை உறிஞ்சும் திறனை அதிகரிக்கிறது. எனவே இது எலும்புகளை வலுவாக வைத்திருக்க உதவுகிறது. இலவங்கப்பட்டை அதன் அழற்சி எதிர்ப்பு பண்புகளால் மூட்டு வலியைக் குறைக்க உதவுகிறது. இலவங்கப்பட்டையில் காணப்படும் "சின்னமால்டிஹைட்" என்ற கலவை மூட்டு வலிக்கு பங்களிக்கும் ஒரு காரணியான ஆக்ஸிஜனேற்ற அழுத்தத்தை குறைக்கும்.
உடல் பருமன் மற்றும் தொப்பை கொழுப்பு
இலவங்கப்பட்டை பால் சிறந்த வெயிட் லாஸ் பானமாக இருக்கும். இலவங்கப்பட்டை வளர்சிதை மாற்றத்தை தூண்டி, செரிமானத்தை மேம்படுத்தி, உடல் எடை குறைய பெரிதும் உதவுகிறது. தினமும் இரவில் தூங்கும் முன் பாலில் இலவங்கப்பட்டை பொடியை கலந்து குடித்து வந்தால், தொப்பை கொழுப்பு கரைந்து உடல் பருமன் சீராக குறையத் தொடங்கும்.
நோய் எதிர்ப்பு சக்தி
பால் மற்றும் இலவங்கப்பட்டை கலவையில் ஆன்டி-ஆக்ஸிடன்ட் மற்றும் பாக்டீரியா எதிர்ப்பு பண்புகள் நிறைந்துள்ளன. இது நோய் எதிர்ப்பு சக்தியை வலுப்படுத்தவும், நோய்த்தொற்றுகளை எதிர்த்து போராடவும் உதவுகிறது.
செரிமான ஆரோக்கியம்
இலவங்கப்பட்டை பால் வீக்கம், அஜீரண பிரச்சனைகளை தீர்க்க உதவுகிறது. இதன் மூலம் குடல் ஆரோக்கியம் மேம்படுத்தப்படுகிறது. இலவங்கப்பட்டை வயிற்று வலி, வயிற்றுப்போக்கு, அஜீரணம், வாய்வு மற்றும் எரிச்சல் போன்ற குடல் சார்ந்த பிரச்சனைகள் தீர்க்க உதவும்.
இரத்த சர்க்கரை
இலவங்கப்பட்டை இரத்த சர்க்கரை அளவை கட்டுப்படுத்த உதவுகிறது. இது நீரிழிவு நோயாளிகளுக்கு பயனுள்ளதாக இருக்கும். இலவங்கப்பட்டை உங்கள் இன்சுலின் உணர்திறனை அதிகரிக்கலாம். மேலும் இன்சுலினை உயிரணுக்களுக்குள் சர்க்கரையை எடுத்துச் செல்வதில் மிகவும் திறமையானதாக்குகிறது.
இதய ஆரோக்கியம்
இலவங்கப்பட்டை பால் கெட்ட கொழுப்பை அதாவது கெட்ட கொலஸ்ட்ராலை (LDL) குறைக்க உதவுகிறது மற்றும் இரத்த ஓட்டத்தை மேம்படுத்துகிறது. அந்த வகையில் இதய ஆரோக்கியத்தை மேம்படுத்துகிறது.
இலவங்கபட்டை பால் தயாரிக்கும் முறை
இலவங்கபட்டை பால் தயாரிக்க,1 கிளாஸ் பால் மற்றும் 1 தேக்கரண்டி இலவங்கப்பட்டை தூள் எடுத்துக்கொள்ளவும். இலவங்கப்பட்டை தூளை பாலுடன் கலந்து சூடாக்கவும். இது நன்கு கொதித்ததும் ஆறவைத்து உட்கொள்ளவும். இது உங்கள் எடை இழப்பில் பெரிய அளவில் உதவும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | கல்லீரலில் சேரும் நச்சுக்களை நீக்கும் ஆற்றல் கொண்ட... சில சூப்பர் பானங்கள்
மேலும் படிக்க | மாரடைப்பு வராமல் தடுக்கும்... சில எளிய உடற்பயிற்சிகள்... கண்டிப்பா செய்யுங்க
மேலும் படிக்க | உடல் எடையைக் குறைக்க எதற்காக உணவை விட...கலோரிகளை குறைக்கச் சொல்கின்றனர் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
