 "புற்றுநோய் அபாயத்தை தடுக்கும் ஒரே ஒரு பழக்கம்! இரவில் மட்டும் செய்தால் பாேதுமாம்..")
Night Habit Reduce Risk Of Cancer : இணையத்தில், இந்த ஒரு பழக்கம் உங்களுக்கு புற்றுநோய் வருவதற்கான அபாயத்தை குறைப்பதாக ஒரு தகவல் வைரலாகி வருகிறது. அப்படி இரவில் நாம் பின்பற்ற வேண்டிய ஒரே ஒரு பழக்கம் குறித்தும், அதனை எப்படி பின்பற்றலாம் என்பது குறித்தும் இங்கு பார்ப்போம்.
ஒரே ஒரு பழக்கம்..
நம் அனைவருக்குமே இரவில் உறங்க செல்லும் முன்பு மொபைல் பார்க்கும் பழக்கம் இருக்கும். இதில் இருந்து வரும் ப்ளூ லைட் நமது உறக்கத்தை கெடுக்கும் என்று கேள்வி பட்டிருப்போம். நல்ல தூக்கம் வேண்டும் என்று நினைப்பவர்கள், லேப்டாப், செல்போன், மடிக்கணிணி ஆகியவற்றை உபயோகிக்க கூடாது என்பதை சொல்ல கேள்விப்பட்டிருப்போம்.
இங்கும் அப்படி ஒன்றுதான் குறிப்பிடப்பட்டிருக்கிறது. தொலைபேசிகள், தொலைக்காட்சிகள் மற்றும் மடிக்கணினிகளில் இருந்து வரும் ப்ளூ லைட் ரேடியேஷன் உடலின் சர்காடியன் ரிதம் எனப்படும் கடிகாரத்தை சீர்குலைக்குமாம். இதனால், தூக்கத்திற்கு மிக உதவியாக இருக்கும் மெலாடோனின் எனும் பன்பு குறைவதாக கூறப்படுகிறது.
புற்றுநோய் தடுப்பில் மெலடோனின் பங்கு:
மெலாடோனின், தூக்கத்தை சரியாக வரவழைக்க வழிவகை செய்வதோடு, உடலில் கட்டி வளர்ச்சியை அடக்கவும் வழிவகை செய்கிறதாம். இந்த அளவு குறைவது, புற்றுநோய் உடலில் வளர உகந்த சூழலை உருவாக்குமாம்.
சர்க்காடியன் ரிதம் சீர்குலைவு:
உடலில், சர்க்காடியன் ரிதம் சீர்குலைவது, புற்றுநோயின் அபாயத்தை அதிகரிக்கும் என்று கூறப்படுகிறது. இதனால் உடலில் ஏற்படும் நீண்டகால சீர்குலைவு புரோஸ்டேட், மார்பகம் மற்றும் பெருங்குடல் புற்றுநோய் வளர அதிக சதவிகிதம் இருப்பதாக சில ஆய்வுகளில் கண்டுபிடிக்கப்பட்டுள்ளது. குறிப்பாக இரவி ஷிஃப்டில் வேலை பார்ப்பவர்கள் இதனால் அதிகம் பாதிக்கப்படுகின்றனராம்.
இரவு நேர பணியும் புற்றுநோயும்:
சர்வதேச புற்றுநோய் ஆராய்ச்சி நிறுவனம் (IARC), இரவு நேர பணியில் வேலை செய்பவர்களை வைத்து ஆய்வு நடத்தியிருக்கிறது. இதில், இவர்களுக்கு சர்க்காடியன் ரிதம் சீர்குலைவதால் இந்த பிரச்சனை வர அதிக வாய்ப்புள்ளதாக கூறப்பட்டிருக்கிறது.
சர்க்காடியன் ரிதம் உடல் செயல்பாடுகளை ஒழுங்குபடுத்துகிறது:
சர்க்காடியன் ரிதம், உடலின் DNA பராமரிப்பு, ஹார்மோன் செயல்பாடு மற்றும் செல் பிரிவை ஒருங்கிணைக்கும் வேலையையும் பார்க்கிறது. இது சரியாக இயங்கவில்லை என்றால், உடல் அசாதாரண செல்களை கண்டறிந்து அகற்றும் வேலையை செய்யாதாம். இதனால் புற்றுநோய் ஏற்பட வாய்ப்பிருப்பதாக கூறப்படுகிறது.
எப்படி சரி செய்வது?
ஆரோக்கியமான சர்க்காடியன் ரிதத்தை பராமரிக்கவும் புற்றுநோய் அபாயத்தைக் குறைக்கவும், உறங்க செல்வதற்கு முன்பு, குறைந்தது ஒரு மணி நேரத்திற்கு டிஜிட்டல் திரைகளை பார்ப்பதை தவிர்க்கவும். இது மெலடோனின் இயற்கையான உற்பத்தியை உறுதி செய்கிறது என்று கூறப்படுகிறது
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)