Cancer symptoms | புற்றுநோயின் எச்சரிக்கை அறிகுறி: புற்றுநோயின் அறிகுறிகள் எப்போதும் தெளிவாக இருக்கவே இருக்காது. அதேநேரத்தில் கடுமையாகவும் இருக்காது. சில சமயங்களில் பொதுவான செரிமான பிரச்சனைகளாகவும் தோன்றும். ஆனால், இரவு உணவின் போது இந்த அறிகுறிகளில் ஏதேனும் ஒன்றை நீங்கள் உணர்ந்தால், அதைப் புறக்கணிக்காதீர்கள்.
சாப்பிடும் போது புற்றுநோய் அதன் இருப்புக்கான அறிகுறிகளைக் காட்டும். உண்மையில், பல வகையான புற்றுநோய்கள் ஆரம்ப கட்டங்களில் எந்த கடுமையான அறிகுறிகளையும் ஏற்படுத்தாது. மேலும் அவை பரவும் வரை கண்டறியப்படாமல் போகலாம். ஆனால், சில அறிகுறிகள் மூலம், சரியான நேரத்தில் புற்றுநோயைக் கண்டறிய முடியும்.
விழுங்குவதில் சிரமம்
சாப்பிடும்போது தொண்டையில் உணவு சிக்கிக்கொண்டாலோ அல்லது விழுங்கும்போது வலி ஏற்பட்டாலோ, அது புற்றுநோயின் அறிகுறியாக இருக்கலாம். இது டிஸ்ஃபேஜியா என்று அழைக்கப்படுகிறது. இந்தப் பிரச்சனையில் வலி படிப்படியாக அதிகரித்து, காலப்போக்கில் மேலும் கடுமையானதாக மாறக்கூடும். இந்த அறிகுறி வாய், தொண்டை அல்லது உணவுக்குழாய் புற்றுநோயுடன் தொடர்புடையது.
அடிக்கடி அஜீரணம்
அஜீரணம் ஏற்படும்போது, அது பொதுவாக ஒரு பெரிய கவலையாக இருக்காது, ஆனால் நெஞ்செரிச்சல், வீக்கம் மற்றும் அடிக்கடி ஏப்பம் ஏற்படுவது தொடர்ந்து வலியுடன் இருந்தால், அது உணவுக்குழாய் புற்றுநோயின் அறிகுறியாக இருக்கலாம்.
வயிறு உப்புசம்
இரண்டு கடி சாப்பிட்ட பிறகு வயிறு நிரம்பியதாக உணர ஆரம்பித்தால், இதுவும் ஒரு எச்சரிக்கை அறிகுறியாகும். இது பொதுவாக வீக்கம் அல்லது வயிற்றுப் புண்கள் காரணமாக இருக்கலாம், ஆனால் இது சில நேரங்களில் கருப்பை புற்றுநோய், வயிற்று புற்றுநோய் அல்லது கணைய புற்றுநோயின் அறிகுறியாக இருக்கலாம்.
வாந்தி மற்றும் குமட்டல்
சாப்பிட்ட பிறகு குமட்டல் மற்றும் வாந்தி ஏற்பட்டால், அது பொதுவாக கெட்டுப்போன உணவு சாப்பிட்டால் இப்படி வரும். ஆனால், இரைப்பை அழற்சி காரணமாகவும் இப்படி ஏற்பட வாய்ப்பு இருக்கிறது. அதனால், இந்த அறிகுறிகள் கணையப் புற்றுநோய், வயிற்றுப் புற்றுநோய் அல்லது மூளைக் கட்டியின் அறிகுறியாகவும் இருக்கலாம்.
குடல் பழக்கத்தில் மாற்றம்
வயிற்றுப்போக்கு, மலச்சிக்கல் அல்லது மலத்தின் நிறத்தில் மாற்றம் போன்ற குடல் பழக்கவழக்கங்களில் ஏற்படும் மாற்றங்கள், குறிப்பாக சாப்பிட்ட பிறகு ஏற்பட்டால், கணைய புற்றுநோய் அல்லது வயிற்று புற்றுநோய் காரணமாக இருக்கலாம். இந்த மாற்றங்களில் ஏதேனும் ஒன்றை நீங்கள் சந்தித்தால், உடனடியாக உங்கள் மருத்துவரை சந்தித்து ஆலோசனை பெற்றுக் கொள்ளுங்கள்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | மாரடைப்பு வராமல் இருக்க .... நீங்கள் கடைபிடிக்க வேண்டிய 9 விஷயங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
