உடலில் இரத்த சர்க்கரை அளவு அதிகரிப்பதால் நீரிழிவு நோய் ஏற்படுகின்றது. இதன் காரணமாக நோய் எதிர்ப்பு சக்தி குறைவதுடன் இன்னும் பல நோய்கள் ஏற்படும் அபாயமும் அதிகரிக்கின்றது.
சில இலைகளை கொண்டு இயற்கையான வகையில் நீரிழிவு நோயை கட்டுக்குள் வைத்திருக்கலாம்.
முருங்கை இலைகளில் அழற்சி எதிர்ப்பு பண்புகளும், ஆன்டிஆக்ஸிடன்ட்களும் நிறைந்துள்ளன. இவை இரத்த சர்க்கரை அளவைக் குறைப்பதில் பயனுள்ளதாக இருக்கும்.
கறிவேப்பிலையில் உள்ள ஆண்டி-ஆக்சிடெண்ட், அழற்சி எதிர்ப்பு மற்றும் பாக்டீரியா எதிர்ப்பு பண்புகள் இரத்த சர்க்கரை அளவைக் குறைக்க உதவுகின்றன.
கொய்யா இலைகளில் நார்ச்சத்து நிறைந்துள்ளது. தினசரி உணவில் இதை சேர்த்துக் கொண்டால் டைப் 2 நீரிழிவு நோய் உருவாகும் அபாயத்தைக் குறைக்கலாம்.
வெந்தய இலைகளில் நீரிழிவு எதிர்ப்பு குணங்கள் உள்ளன. இது இன்சுலின் உணர்திறனை அதிகரிக்கிறது, உடலில் குளுக்கோஸ் உறிஞ்சப்படுவதையும் குறைக்கிறது.
பல வித ஆரோக்கிய நன்மைகளைக் கொண்டுள்ள துளசி, நீரிழிவு நோயை கட்டுப்படுத்தவும், வராமல் காக்கவும் உதவுகிறது.
இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.