பாகற்காயில் ஏராளமான ஆரோக்கிய நன்மைகள் நிறைந்துள்ளன என்பதில் மாற்று கருத்து இருக்கவே முடியாது. நார்ச்சத்து, தாதுக்கள், வைட்டமின்கள், ஆன்டி-ஆக்ஸிடன்ட்கள் அதிகம் உள்ளன.
100 கிராம் பாக்ற்காயில் 17 கலோரிகள் மட்டுமே உள்ளன. இதனால் எடை இழக்க நினைப்பவர்களுக்கு வரப்பிரசாதம் ஆனால் அளவிற்கு மிஞ்சினால் அமிர்தமும் நஞ்சு.
நாம் நிறைய பாகற்காயைச் சாப்பிட்டால், நம் உடலில் நிறைய இன்சுலின் சுரக்கும். இது இரத்தத்தில் உள்ள சர்க்கரையின் அளவைக் குறைக்கிறது.
அளவுக்கு அதிகமாக பாகற்காயைச் சாப்பிடுவதால் இதயத்திற்கு அதிக இரத்த ஓட்டம் ஏற்படுகிறது. மார்பில் இரத்தக் கட்டிகள் உருவாகி மாரடைப்பு ஏற்படலாம்.
பாகற்காய் ஜூஸை அதிகமாக குடிப்பதால் மாதவிடாய் உதிரப்போக்கு கணிசமாக அதிகரிக்கிறது.
கர்ப்ப காலத்தில் பாகற்காயை அதிகம் எடுத்துக் கொள்வதால் கருச்சிதைவு ஏற்படுவதற்கும் வாய்ப்பு உள்ளது.
சர்க்கரை நோயால் பாதிக்கப்பட்ட ஒரு சிலர் பாகற்காய் ஜூஸ் குடிப்பதை வழக்கமாகக் கொண்டுள்ளனர். ஆனால் தினசரி பாகற்காய் ஜூஸ் குடிப்பது கல்லீரலை பாதிக்கக்கூடும்.
பாகற்காயில் உள்ள லெக்டின் எனும் புரதம் கல்லீரலில் நொதிகளின் அளவை அதிகரிக்கிறது. இதனால் கல்லீரல் பாதிக்கப்படலாம். கல்லீரல் சார்ந்த பிரச்சனைகள் உள்ளவர்கள் பாகற்காய் ஜூஸை தவிர்த்திடுங்கள்.
நீரிழிவு நோயாகளுக்கு வரப்பிரசாதமாக உள்ள பாகற்காய், இரத்த சர்க்கரையின் அளவு மிகவும் குறைக்கும் திறன் கொண்டது. எனவே இரத்த சர்க்கரை குறைவாக உள்ளவர்கள் பாகற்காய் சாப்பிடுவதை தவிர்க்க வேண்டும்.
பாகற்காயை அதிகம் உட்கொள்வதால், தலை வலி, வாந்தி மற்றும் வயிற்றுப்போக்கு போன்ற பிரச்சனைகள் ஏற்படலாம். சிறுபிள்ளைகளுக்கும் அதிகமாக பாகற்காய் கொடுப்பதையும் தவிர்க்க வேண்டும்.
பாகற்காயை அதிகம் எடுத்துக் கொள்வதால் வயிற்று வலி உண்டாகும் வாய்ப்பு உள்ளது. இதை வாரத்திற்கு இரண்டு அல்லது மூன்று முறை மட்டுமே எடுத்துக் கொள்வது தான் நல்லது.
பாகற்காயில் ஏராளமான நன்மைகள் இருந்தாலும், அளவுக்கு அதிகமாக எடுத்துக் கொள்வது நல்லதல்ல. அளவோடு சாப்பிட்டால் பாகற்காயின் நன்மைகளை முழுவதுமாக பெறலாம்.