நேர்த்தியான உடல் வாகிற்கும் , கம்பீரமான தோற்றத்திற்கும் இன்றியமையாதது முதுகெலும்பு.
கணினியின் முன்பே அமர்ந்து பணிபுரிந்து வருபவர்கள், முதுகு வலி மற்றும் முதுகெலும்பு சார்ந்த பிரச்சனைகளை எதிர்க்கொள்கின்றனர்.
நீண்ட நேரம் உட்கார்ந்திருக்கும் போது, தசைகளுக்கு ஓய்வு கிடைப்பதில்லை. ஓய்வு கிடைக்காத தசைகள், அதன் பாரத்தை முதுகெலும்பில் இறக்கி வைக்கும்.
உடலை நீரற்ற நிலையில் வைத்திருந்தால் தண்ணீர் எல்லா உறுப்புகளுக்கும் சீராக சென்று அடையாது. தசைகளுக்கு போதிய நீர் கிடைக்காவிட்டால், அது முதுகெலும்பை பாதிக்கிறது.
அலைபேசி பயன்பாட்டை பொருத்தவரையில், நாம் எவ்வளவு குனித்து அலை பேசியை பயன்படுத்துகிறோமோ, அந்த அளவுக்கு நமது கழுத்து நம் உடலின் எடையை தாங்கும்.
நாம் 40 டிகிரி தலையை குனிந்து அலைபேசி பயன்படுத்தினால், நம் கழுத்தின் மீது 40 பவுண்ட் சுமை ஏறும். அதனால், தலையின் கோணத்தை 0 டிகிரியாக வைத்து, தலையை நிமிர்த்தி அலைபேசியை பயன்படுவது சிறந்த முறை.
முதுகெலும்பை வலுப்படுத்த விரும்பினால், உடற்பயிற்சி செய்வதோடு, வாழ்க்கை முறையையும், உணவு பழக்க வழக்கத்தையும் மாற்றிக் கொள்ள வேண்டியது மிகவும் முக்கியம்.
கீரை மற்றும் முட்டைக்கோஸ், புரோக்கோலி போன்ற பச்சை இலைக் காய்கறிகள் அனைத்து உடல் மூட்டுகளுக்கான சிறந்த மருந்து உடலின் முதுகெலும்பை வலுப்படுத்துவதில் முக்கிய பங்கு வகிக்கிறது.
கடல் உணவுகளில் குறிப்பாக சால்மன் மீன்களில் உள்ள மெலிந்த புரதம் முதுகெலும்பு ஆரோக்கியத்தை வலுப்படுத்தக்கூடியது.
மீன் உணவுகளில் ஒமேகா 3 கொழுப்பு அமிலங்கள் உள்ளன. இது எலும்பு அடர்த்தியை அதிகரிக்கப்பதோடு திசுக்களின் ஆரோக்கியத்தையும் மேம்படுத்தும்.
உணவில் பாதாம் பருப்பு, வாதுமை பருப்பு போன்ற நட்ஸ் வகைகளை சாப்பிட்டு வர முதுகெலும்பு வலுப்பெறும். பாதாமில் கால்சியம் மற்றும் வைட்டமின்-ஈ நிறைந்துள்ளது.