புகைப்பிடிக்கும்போது சிகரெட்டிலுள்ள தொண்ணூறு சதவிகித நிக்கோட்டின், புகைபிடிப்பவரது சுவாசத்தின் மூலம் நுரையீரல் உள்ளே செல்லும்.
புகைப்பழக்கத்தை விட்டால் கூட, நிக்கோட்டின் நுரையீரலை விட்டு அகலாமல் நுரையீரலை பெரிதும் பாதிக்கும்.
நுரையீரலில் சேர்ந்துள்ள நச்சுகளை வெளியேற்ற, சில உணவு முறைகள் மற்றும் உடற்பயிற்சியை பின்பற்றவேண்டும்.
வெல்லம் நுரையீரலில் சிக்கியிருக்கும் கார்பன் துகள்களை அகற்றி மூச்சுக்குழாய் அழற்சி, மூச்சுத்திணறல், ஆஸ்துமாவிற்கு தீர்வாக அமைகிறது.
ஆன்டி ஆக்ஸிடன்கள், துத்த நாகம், வைட்டமின் சி, நிறைந்த துளசி சுவாச மண்டலத்தை வலுப்படுத்தி, மூச்சுக்குழாய் அழற்சி, ஆஸ்துமா, இருமல் மற்றும் சளித் தொல்லைகளை போக்கவும் உதவுகிறது.
தண்ணீரை அதிக அளவில் அருந்துவதன் மூலம், நிக்கோட்டின் மட்டுமன்றி, நுரையீரலில் சேரும் அழுக்குகள் அனைத்தும் சிறுநீரகம் மற்றும் கல்லீரலுக்குத் தள்ளப்பட்டு உடலிலிருந்து வெளியேற்றப்படும்.
அதிமதுரத்தில் உள்ள கிளைசிரைசின், டானின்கள் நுரையீரல் திறனை அதிகரிக்க உதவுவதோடு, நோய்த்தொற்றுகளை எதிர்த்துப் போராடவும் உதவுகிறது.
அமிழ்தவள்ளி அல்லது சீந்தில் நுரையீரலில் உள்ள நச்சுக்களை நீக்கி வைரஸ் நோய்களில் இருந்து பாதுகாக்க உதவுகிறது.
அழற்சி எதிர்ப்பு பண்பு, ஜிஞ்சரோல்ஸ் மற்றும் ஷோகல்ஸ் போன்ற பண்புகள் கொண்ட சுக்கு நுரையீரலில் உள்ள நச்சுக்களை நீக்கும் திறன் கொண்டது.
ஆன்டி - செப்டிக் பண்புகள் உள்ள மஞ்சள் பாலை தினமும் உட்கொள்வதன் மூலம் நுரையீரல் வலுவடைகிறது.
தினமும், மூன்று முதல் பத்து முறை மூச்சுப்பயிற்சி செய்வது நல்லது. மூச்சுப்பயிற்சி செய்வதால் மூச்சுக்குழாய் வலுப்பெறும். மூச்சுப்பயிற்சி போன்று தினமும் பலூன் ஊதுவது நல்லது.