சுரைக்காய் (Bottle gourd) என்பது பலருக்கு பிடிக்காத ஒரு காய்கறி. ஆனால், சுரைக்காய் சாப்பிடுவதால் ஒன்றல்ல, இரண்டல்ல பல வகைகளில் ஆரோக்கிய நன்மைகள் கிடைக்கும்.
உடல் எடையைக் குறைப்பதிலும் சுரைக்காய் மிகவும் பயனுள்ளதாக இருக்கிறது. சுரைக்காயில் வைட்டமின்-சி, சோடியம், நார்ச்சத்து மற்றும் இரும்புச்சத்து நிறைந்துள்ளது.
சுரைக்காய் சாப்பிடுவதால் எலும்புகள் வலுவடைகின்றன, ஏனெனில் அதில் கால்சியம், மெக்னீசியம் மற்றும் துத்தநாகம் போன்ற ஊட்டச்சத்துக்கள் காணப்படுகின்றன.
சுரைக்காய் சாப்பிடுவது மாரடைப்பு அபாயத்தையும் குறைக்கிறது.உடலில் கெட்ட கொலஸ்ட்ரால் மற்றும் நல்ல கொலஸ்ட்ரால் அளவு சீராகும். அதுமட்டுமின்றி, ரத்த அழுத்தத்தைக் கட்டுப்படுத்தவும் உதவுகிறது.
கூந்தல் வலுப்பெற தினமும் ஒரு டம்ளர் சுரைக்காய் சாறு குடித்து வந்தால், முடி வளர்ச்சி அதிகரிக்கும். நரை முடி பிரச்சனை நீங்கும். இளமையிலேயே ஏற்படும் நரை முடி பிரச்சனையில் இருந்தும் விடுபடலாம்.
நம்மில் பலர் மன அழுத்தத்தில் வாழ்கிறார்கள். இதன் காரணமாக பல நோய்களுக்கு அவர்கள் இலக்காகும் சூழல் உருவாகிறது. சுரைக்காய் சாப்பிடுவது மன அழுத்தத்தை குறைக்கிறது.
சுரைக்காயில் 92% நீர் மற்றும் 8 சதவிகிதம் நார்ச்சத்து கொண்டது. சர்க்கரை மற்றும் குளுக்கோஸின் அளவு மிக குறைவு என்பதால் இது நீரிழிவு நோயாளிகளுக்கு சிறந்தது.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள். ZEE NEWS இதற்கு பொறுப்பேற்காது.