வழக்கமாக பாதிகும் நோய்கள் நம்மை தாக்கி ஆரோக்கியத்தை சீர் கெடுப்பதற்கு முன்னரே தடுப்பு மருந்துகள் மூலம் உடல்நலனை பாதுகாக்கலாம். அந்த வகையில் தடுப்பு மருந்துகள், ஊசி வழியாகவும், சொட்டு மருந்தாகவும் குழந்தைகளுக்கு வழங்கப்படுகின்றன
குணப்படுத்த முடியாதவை என்று கருதப்பட்ட சில நோய்கள், தடுப்பூசிகளின் காரணமாக இப்போது முற்றிலும் அழிக்கப்பட்டுவிட்டன அல்லது சுலபமாக நிர்வகிக்கப்படுகின்றன அதற்கு காரணம் குழந்தைகளுக்கு தடுப்பூசி கொடுப்பதே...
புதிதாகப் பிறந்த குழந்தைகளுக்கு நோய்த்தடுப்பு மருந்துகள் பிறந்த உடனே கொடுக்கப்படுகின்றன. பிசிஜி, போலியோ சொட்டு மருந்து, ஹெபடைடிஸ் பி-1 தடுப்பூசிகள் கொடுக்கப்படுகின்றன
BCG தடுப்பூசி காசநோய் ஏற்படாமல் பாதுகாக்கிறது. DTwp1 தடுப்பூசி, இருமல், டிப்தீரியா மற்றும் டெட்டனஸ் ஆகியவற்றிலிருந்து பாதுகாக்கிறது.
தடுப்பூசி ஹீமோபிலஸ் இன்ஃப்ளூயன்ஸா பாக்டீரியாவால் வரும் நோய்களிலிருந்து பாதுகாக்கிறது. இது, மூளைக்காய்ச்சல் மற்றும் நிமோனியாவின் அபாயத்தைக் குறைக்கிறது.
ரோட்டா வைரஸ் 1 நோய்த்தடுப்பு, வயிற்றுப்போக்கு ஏற்படாமல் பாதுகாக்கும். பிசிவி 1 பல்வேறு நிமோகாக்கல் பாக்டீரியா விகாரங்களிலிருந்து உடலைப் பாதுகாக்கிறது, செப்டிசீமியா மற்றும் மார்பு தொற்று போன்ற நோய்களைத் தடுக்கிறது.
இளம்பிள்ளை வாத நோயை ஒழிக்க வேண்டும் என்பதற்காக, 6 வயது வரைபோலியோ சொட்டு மருந்து வழங்கப்படுகிறது
தடுப்பூசியின் இரண்டாவது டோஸ் கொடுக்க வேண்டும். குழந்தைக்கு ஒரு வயது ஆவதற்கு முன்பு பூஸ்டர் ஷாட்கள் தேவைப்படுகின்றன. DTwP2, IPV 2, Rotavirus 2, Hib 2 மற்றும் PCV 2 ஆகியவற்றை உள்ளடக்கிய இரண்டாவது சுற்று தடுப்பூசிகள் பத்து வாரங்களில் தொடங்கும்.
ஆறு மாதங்களுக்குப் பிறகு, ஹெபடைடிஸ் பி தடுப்பூசியின் கடைசி டோஸ் மற்றும் போலியோ சொட்டு மருந்து வழங்கப்படுகிறது. ஒன்பது மாதங்களில் MMR தடுப்பூசி கொடுக்க வேண்டும்