உடல் பருமனை குறைக்க வேண்டும் என்ற பேரார்வத்தில், சிலர் கடுமையான டயட் முறையை பின்பற்றுகின்றனர். இது மெட்டபாலிசத்தை பாதித்து உடல் எடையை கூட்டும்.
சிலர் எடையை குறைக்க உணவு உண்ணாமல், பட்டினி கிடப்பார்கள். இதனால் மெட்டபாலிசம் பாதிப்பதோடு, நாம் உண்மையில் அதிகம் சாப்பிடும் நிலைக்கு தள்ளப்படுவோம்.
சிலர் பருமனை குறைக்க சப்ளிமென்ட் மாத்திரைகளை எடுத்துக் கொள்வார்கள். இதன் பக்க விளைவாக சிலருக்கு உடல் எடை அதிகரிக்கலாம்.
அளவிற்கு அதிரமான உடற்பயிற்சியின் காரணமாக, கார்டிசோல் ஹார்மோன் அளவு அதிகரித்து, தசைகளுக்கு பாதிப்பை ஏற்படுத்தும். இது உடல் பருமனுக்கு வழிவகுக்கும்.
போதிய ஆழ்ந்த தூக்கம் இல்லை என்றால், அது நமது ஹார்மோன்கள் அளவை பாதித்து, உடல் எடை அதிகரிக்க வழிவகுக்கும்.
சிலருக்கு உடனே எடை குறைய வேண்டும் என்று எதிர்பார்ப்பு இருக்கும். இது நீண்ட நாள் ஆரோக்கியத்தில் பாதிப்பை ஏற்படுத்தும்.
தீவிர டயட், தீவிர உடற்பயிற்சி இல்லாமல், ஆரோக்கியமான வாழ்க்கை முறையை கடைப்பிடித்தாலே, உடல் எடையை ஆரோக்கியமாக இழக்கலாம்.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.