Weight Loss Tips: வெறும் 3 நிமிடங்கள் இதை செய்தால் போதும்... வளர்சிதை மாற்றம் 350 மடங்கு அதிகரிக்கும்

இன்றைய காலகட்டத்தில் பெரும்பாலானோருக்கு உடல் பருமன் பிரச்சனை உள்ளது. உடல் எடையைக் குறைக்க, தங்களுக்கு தெரிந்த பல முறைகளைக் கடைப்பிடிக்கின்றனர். இதற்காக, சிலர் டயட் முறையை பின்பற்றுகின்றனர். சிலர் ஜிம்மில் மணிக்கணக்கில் வியர்வை சிந்தி பயிற்சி செய்கின்றனர். இருப்பினும், தனக்கு தெரிந்த அனைத்து முறைகளையும் பின்பற்றிய பிறகும் கூட, எடை குறையவில்லை அல்லது உடலில் உள்ள கொழுப்பு குறையவில்லை என்று பலர் சலித்துக் கொள்வதையும் பார்க்க முடிகிறது.

உணவை ஆற்றலாக மாற்றும் செயல்முறை

நீங்களும் இந்த நபர்களில் ஒருவராக இருந்தால் இந்த செய்தி உங்களுக்கு பயனுள்ளதாக இருக்கும். உடல் எடை குறையாமல் இருப்பதற்கு, மந்தமான வளர்சிதை மாற்றம் இதற்குப் பின்னால் ஒரு காரணமாக இருக்கலாம் என்கின்றனர் நிபுணர்கள். வளர்சிதை மாற்றம் என்பது நமது உடல் உணவை ஆற்றலாக மாற்றும் செயல்முறையாகும். அது மந்தமாக இருந்தால், உடலில் அதிக கொழுப்பு சேர்ந்து, கலோரிகள் குறைவாக எரிக்கப்படுகின்றன. இதுபோன்ற சூழ்நிலையில், வளர்சிதை மாற்றத்தை எவ்வாறு அதிகரிப்பது என்பதை நிபுணர்களிடம் அறிவுரையை இந்த பதிவில் அறிந்து கொள்ளலாம்.

வளர்சிதை மாற்றத்தை துரிதப்படுத்த நிபுணர்கள் கூறும் டிப்ஸ்

இயற்கை மருத்துவரும் ஆராய்ச்சியாளருமான ஜானின் பவுரிங் தனது யூடியூப் சேனலில் இது குறித்து ஒரு வீடியோவைப் பகிர்ந்துள்ளார். இந்த வீடியோவில், ஒரே ஒரு எளிய விஷயத்தை பின்பற்றுவதன் மூலம் உங்கள் வளர்சிதை மாற்றத்தை 350 மடங்கு வரை அதிகரிக்க முடியும் என்று மருத்துவர் கூறுகிறார்.

இதற்காக, மருத்துவர்கள் 'குளிர் நீரில் மூழ்குதல்' அதாவது குளிர்ந்த நீரில் மூழ்குவதை பரிந்துரைக்கின்றனர். ஒரு ஆராய்ச்சியின் படி, தினமும் வெறும் 3 நிமிடங்கள் குளிர்ந்த நீரில் குளிப்பதால் வளர்சிதை மாற்றம் 350 மடங்கு வரை அதிகரிக்கும் என்று ஜனைன் போவரிங் கூறுகிறார்.

குளிர்ந்த நீரில் மூழ்கியிருப்பது எந்த வகையில் மெட்டபாலிஸத்தை தூண்டும்?

உண்மையில், நாம் குளிர்ந்த நீரில் குளிக்கும்போது, உடல் அதன் வெப்பநிலையை பராமரிக்க கடினமாக உழைக்க வேண்டும். இந்த செயல்பாட்டில் ஆற்றல் நுகர்வு அதிகரிக்கிறது மற்றும் கலோரிகள் எரிக்கப்படுகின்றன. இது தவிர, குளிர்ந்த நீரின் அதிர்ச்சி பழுப்பு கொழுப்பை செயல்படுத்துகிறது. இது வளர்சிதை மாற்றத்தை இன்னும் வேகப்படுத்துகிறது.

தண்ணீர் எவ்வளவு குளிர்ச்சியாக இருக்க வேண்டும்?

நீரின் வெப்பநிலையை சுமார் 14°C (57°F) ஆக வைத்திருப்பது சரியானது. ஆரம்பத்தில் 1 நிமிடத்தில் தொடங்கி படிப்படியாக நேரத்தை 3 நிமிடங்களாக அதிகரிக்கவும் என டாக்டர் ஜனைனின் கூறுகிறார்

மனதில் கொள்ள வேண்டிய சில விஷயங்கள்

1. இதய நோய், குறைந்த இரத்த அழுத்தம் அல்லது ஏதேனும் கடுமையான உடல்நலக் குறைபாடு இருந்தால், இதைச் செய்வதற்கு முன் மருத்துவரை அணுகி ஆலோசிக்ககவும்.

2. நீண்ட நேரம் மிகவும் குளிர்ந்த நீரில் இருக்க வேண்டாம்.

3. எப்போதும் இதனை பாதுகாப்பான சூழலில் ஒருவரின் முன்னிலையிலும் செய்யுங்கள்.

பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.