Benefits of Bottle Gourd Juice: இந்த காலத்தில் மக்கள் உடல் ஆரோக்கியத்தில் அதிக கவனம் எடுத்துக்கொள்ள தொடங்கிவிட்டனர். எதை எப்போது சாப்பிட வேண்டும், எதை சாப்பிடக் கூடாது என அனைத்து விவரங்களையும் தெரிந்துகொள்ள முயற்சி எடுக்கின்றனர். பெரும்பாலும் மக்களுக்கு நாளின் தொடக்கத்தில் எதை சாப்பிடுவது உடல் ஆரோக்கியத்திற்கு நல்லதாக இருக்கும் என்ற கேள்வி இருக்கின்றது.
மருத்துவர்கள் நாளின் தொடக்கத்தில் ஆரோக்கியமான மற்றும் சத்தான உணவை உண்ண பரிந்துரைக்கின்றனர். காலையில் உட்கொள்ளக்கூடிய ஆரோக்கியமான உணவுகளில் சுரைக்காய் சாறும் ஒன்று. இது மிகவும் புத்துணர்ச்சியூட்டும் பானங்களில் ஒன்றாகும். இதை அதிகாலையில் வெறும் வயிற்றில் உட்கொள்ள பரிந்துரைக்கப்படுகிறது.
சுரைக்காய் சாறு உடலில் உள்ள நச்சை நீக்குவதோடு, செரிமானம் மற்றும் நீரிழப்பு பிரச்சனைகளையும் நீக்குகிறது. மேலும், அமிலத்தன்மை மற்றும் வீக்கம் போன்ற வயிற்றுப் பிரச்சினைகளைக் கட்டுப்படுத்தவும் சுரைக்காய் உதவியாக இருக்கும். சுரைக்காயின் குளிர்ச்சியூட்டும் பண்புகள் காரணமாக, கோடையில் இதைக் குடிப்பது மிகவும் நன்மை பயக்கும். அதிகாலையில் சுரைக்காய் சாறு குடிப்பதால் ஏற்படும் நன்மைகளைப் பற்றி இந்த பதிவில் காணலாம்.
இதய ஆரோக்கியம்
ஊட்டச்சத்து நிறைந்த சுரைக்காயில் அதிக அளவு பொட்டாசியம் உள்ளது. இது இதய ஆரோக்கியத்தை மேம்படுத்த உதவுகிறது. சுரைக்காய் சாறு இரத்த அழுத்தத்தைக் கட்டுப்படுத்த உதவுகிறது. இது நமது இதயத்தை ஆரோக்கியமாக வைத்திருக்கிறது.
சிறுநீர் பாதை ஆரோக்கியம்
சிறுநீர் பாதையை ஆரோக்கியமாக வைத்திருப்பதற்கும் சுரைக்காய் சாறு உதவியாக இருக்கும். இது உங்கள் சிறுநீர் பாதையின் ஆரோக்கியத்தை மேம்படுத்துகிறது, இது UTI தொற்றுகள் போன்ற பிரச்சனைகளைத் தடுக்க உதவுகிறது.
செரிமான ஆரோக்கியம்
சுரைக்காயில் அதிக அளவு நார்ச்சத்து உள்ளது. இது செரிமானத்திற்கு மிகவும் நன்மை பயக்கும் என்று கருதப்படுகிறது. இதை தினமும் குடிப்பதன் மூலம், மலச்சிக்கல் போன்ற பிரச்சனைகளைத் தடுக்கலாம். இது வயிற்றை எளிதில் சுத்தம் செய்து செரிமான அமைப்பை மேம்படுத்துகிறது.
நச்சு நீக்கம்
சுரைக்காய் சாறு உடலின் நச்சுகளை நீக்க உதவுகிறது. இது உடலில் இருந்து நச்சுகளை வெளியேற்றுவதில் முக்கிய பங்கு வகிக்கிறது. சுரைக்காய் சாறு சிறுநீரக செயல்பாட்டை அதிகரிப்பதோடு கல்லீரல் செயல்பாட்டையும் மேம்படுத்துகின்றது.
நீரேற்றம்
சுரைக்காயில் அதிக அளவு தண்ணீர் காணப்படுகிறது. ஆகையால், இதை தினமும் குடிப்பதன் மூலம் நீரிழப்பு பிரச்சனையைத் தவிர்க்கலாம். இது உடலுக்கு தேவையான நீர்ச்சத்தை தக்க வைக்க உதவுகிறது.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
