 "சாப்பிட்ட பின் வாய் கொப்பளிப்பதால் வரும் பிரச்சனைகள்.. இத்தனை ஆபத்தா?")
)
Problems with gargling after eating: நம்மில் பலருக்கு சாப்பிட்ட பிறகு வாய் கொப்பளிக்கும் பழக்கம் இருக்கும். ஹோட்டல்களிலும் சாப்பிடும் பிறகு கைகளை கழுவும் போது வாய் கொப்புளிப்பது பலரிடமும் வழக்கமாகியுள்ளது. ஆனால், தற்போது பாக்டீரியா, வைரஸ் போன்ற தொற்றுகளால் ஏற்படும் நோய்கள் அதிகரித்து வருகின்றன. உடனடியாக பரவும் இந்தத் தொற்றுகளைத் தடுக்கும் முனைப்பாக கைகளை அடிக்கடி கழுவுங்கள், சுகாதாரம் மேற்கொள் என மருத்துவர்கள் தொடர்ந்து அறிவுறுத்துகின்றனர்.
சுத்தம், சுகாதாரம் குறித்து பேசும் பலரும் கூட பொது இடங்களில் அது குறித்து பெரிதாக கண்டுக்கொள்வதில்லை. பெரும்பாலான திருமண மண்டபங்களில் மேல்நிலைத் தொட்டிகள் அடிக்கடி சுத்தம் செய்யப்படுவதில்லை. நாள்தோறும் பயன்படுத்தப்படாததால், அந்த அமைப்புகளில் நீர் போதிய அளவு சுத்தம் இல்லாமல் காணப்படுகிறது. இதில் பாக்டீரியா, வைரஸ் போன்றவை அதிகமாகக் காணப்படுகிறது.
தோண்டை நோய் ஏற்படும் அபாயம்
நோய் எதிர்ப்பு சக்தி குறைவாக உள்ளவர்கள், குறிப்பாக குழந்தைகள், வயதானவர்கள், கர்ப்பிணிகள் என்பவர்கள் இப்படிப்பட்ட இடங்களில் உள்ள தண்ணீரில் வாய் கொப்புளிக்கும்போது, தொண்டைக்குள் பாக்டீரியா, வைரஸ் கடந்து "Throat Infection" போன்ற தொற்றுகளை உருவாக்கக்கூடும். இது ஏற்படும் அபாயங்களை மருத்துவர்கள் உணர்த்துகின்றனர்.
தண்ணீர் பாட்டிலில்தான் பாதுகாப்பு
விழிப்புணர்வுடன் இருப்பவர்கள், கல்யாண மண்டபத்தில் சாப்பிடும் போது, குடிக்க வைக்கும் தண்ணீர் பாட்டிலை கையோடு எடுத்து அத்தண்ணீரிலேயே முகம், வாய் போன்றவை கழுவிக் கொள்வது சிறந்தது என்று வலியுறுத்துகின்றனர். பொது இடங்களில் உள்ள தொட்டிகள், குழாய்களில் வரும் நீர் சுத்தமாக இருப்பது குறித்து நம்பிக்கை இல்லை. எனவே, நோய் எதிர்ப்பு சக்தி குறைவாக உள்ளவர்கள், கர்ப்பிணிகள், குழந்தைகள், வயதானவர்கள் போன்றோர் பொது இடங்களில் வாய் கொப்புளிப்பதை தவிர்க்க வேண்டும். சுத்தமான தண்ணீரில் மட்டுமே "mouth rinse" செய்வது பாதுகாப்பான நடவடிக்கை என்பது மருத்துவ அறிவுரையாக இருக்கிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
