நுரையீரலை பாதிக்கும் காசநோய் என்பது மைக்கோபாக்டீரியம் ட்யூபர்குளோசிஸ் என்ற பாக்டீரியாவால் ஏற்படும் ஒரு தொற்று நோயாகும். தாமதமாக சிகிச்சையளிக்கப்பட்டால், உயிருக்கே ஆபத்தை ஏற்படுத்துவதோடு, உடலின் மற்ற உறுப்புகளையும் பாதிக்கும் அபாயம் உள்ளது. உலக காசநோய் தினம் ஒவ்வொரு ஆண்டும் மார்ச் 24 அன்று அனுசரிக்கப்படுகிறது. 1882 ஆம் ஆண்டு இதே நாளில் டாக்டர் ராபர்ட் கோச் என்பவரால் தொடங்கப்பட்டது.
காசநோயை குணப்படுத்த, முறையான சிகிச்சை மற்றும் வாழ்க்கை முறை மேம்பாடுகள் தேவை. இந்த நோயைக் கட்டுப்படுத்த, அதன் பாக்டீரியா பரவாமல் இருக்க, தூய்மை குறித்து விழிப்புணர்வுடன் இருக்க வேண்டும். காச நோயைத் தடுப்பதற்கான முக்கிய வழிமுறைகள் குறித்து மருத்துவர்கள் கூறும் ஆலோசனைகளை, இந்த கட்டுரையில் அறிந்து கொள்வோம்
நிபுணர்கள் தரும் ஆலோசனைகள்
மருத்துவர் பரிந்துரைத்தப்படி, காசநோய்க்கான மருந்து எடுத்துக் கொள்லுதல், சரியான கவனிப்பு மூலம் காசநோயை தீர்க்கலாம். இந்த நோயின் அறிகுறிகளை புறக்கணிக்கக்கூடாது, உடனடியாக பரிசோதனை செய்ய வேண்டும். காசநோயால் பாதிக்கப்பட்ட சில நோயாளிகள் அறிகுறிகள் மறைந்தவுடன் மருந்துகளை உட்கொள்வதை நிறுத்துகிறார்கள். ஆனால் முழுமையடையாத சிகிச்சையானது காசநோய் மீண்டும் ஏற்பட காரணமாகிறது. காசநோய் ஒரு தொற்று நோய் என்பதை நினைவில் கொள்ளுங்கள், ஆனால் இது முற்றிலும் குணப்படுத்தக்கூடிய நோயாகும், எனவே சிகிச்சையில் கவனக்குறைவாக (Health Tips) இருப்பதைத் தவிர்க்கவும்.
மருந்துகளை உட்கொள்வதில் அலட்சியம் வேண்டாம்
காசநோய் சிகிச்சை பொதுவாக 6 முதல் 9 மாதங்கள் வரை நீடிக்கும், இந்த நேரத்தில் மருந்துகளை தவறாமல் உட்கொள்ள வேண்டும். பல நோயாளிகள் சிறிது நிவாரணம் பெறும்போது மருந்துகளை உட்கொள்வதை நிறுத்துகிறார்கள், இது காசநோய் மீண்டு வருவதற்கு வழிவகுக்கும்.
ஆரோக்கியமான உணவுமுறை மிகவும் முக்கியம்
காசநோயை எதிர்த்துப் போராட, உடலுக்கு நல்ல நோய் எதிர்ப்பு சக்தி தேவை. எனவே, புரதங்கள், வைட்டமின்கள் மற்றும் தாதுக்கள் நிறைந்தவற்றை உங்கள் உணவில் சேர்த்துக் கொள்ளுங்கள். பால், தயிர், முட்டை, பச்சைக் காய்கறிகள், உலர் பழங்கள், பருப்பு வகைகள் மற்றும் புதிய பழங்களை உண்ணுங்கள்.
மன அழுத்தத்திலிருந்து விலகி நிதானமாக இருக்கவும்
காசநோய்க்கு சிகிச்சையளிக்க, உடலுக்கு போதுமான ஓய்வு கொடுக்க வேண்டும். நோயாளி நன்றாக தூங்க வேண்டும். அதிக உடல் உழைப்பை தவிர்க்க வேண்டும். இது தவிர, மன அழுத்தத்தைக் குறைக்க தியானம், யோகா மற்றும் லேசான உடற்பயிற்சிகளையும் செய்யுங்கள். இதனால் நோய் எதிர்ப்பு சக்தி அதிகரிக்கிறது.
தூய்மையை பராமரிக்க வேண்டும்
TB என்பது இருமல் அல்லது தும்மல் மூலம் பரவக்கூடிய ஒரு தொற்று நோயாகும். எனவே, நோய்வாய்ப்பட்ட ஒருவர் எப்போதும் கைக்குட்டை அல்லது முகமூடியால் வாயை மூடிக்கொள்ள வேண்டும். கைகளை கழுவுவதை வழக்கமாக்கிக் கொள்ளுங்கள். உங்களைச் சுற்றியுள்ள பகுதியை சுத்தமாக வைத்திருங்கள். நீங்கள் ஒரு காசநோயாளியுடன் தொடர்பு கொண்டால், உடனடியாக மருத்துவரிடம் பரிசோதிக்கவும்.
புகைபிடித்தல், மது அருந்துதல் ஆகியவற்றிலிருந்து விலகி இருக்கவும்
புகைபிடித்தல் மற்றும் மது அருந்துதல் நுரையீரலுக்கு தீங்கு விளைவிக்கும். இதனால், காசநோயாளிகளின் நிலை மோசமடையக்கூடும். எனவே, நீங்கள் காசநோயிலிருந்து முழுமையாக மீள விரும்பினால், புகைபிடித்தல் மற்றும் மது அருந்துவதை உடனடியாக நிறுத்துங்கள். குணமடைந்த பின்னரும் கூட முடிந்தவரை குறைவாக குடிக்க வேண்டும்.
மற்றவர்களுக்கு தொற்று பரவ அனுமதிக்கக் கூடாது
உங்களுக்கு காசநோய் இருந்தால், மற்றவர்களுக்கு தொற்று ஏற்படாமல் இருக்க தேவையான முன்னெச்சரிக்கை நடவடிக்கைகளை எடுக்கவும். நீங்கள் இருமல் அல்லது தும்மும்போது உங்கள் வாயை மூடிக்கொள்ளவும், பயன்படுத்திய டிஷ்யூக்களை முறையாக அப்புறப்படுத்தவும், உங்கள் வீட்டில் சரியான காற்றோட்டத்தை பராமரிக்கவும். வீட்டிலேயே இருக்க முயற்சி செய்யுங்கள். குறிப்பாக சிறு குழந்தைகள் மற்றும் முதியவர்களுடன் தொடர்பைக் குறைக்கவும்.
வழக்கமான சோதனைகளை மேற்கொள்வது அவசியம்
உங்கள் காசநோய் சிகிச்சையைத் தொடரும்போது, உங்கள் மருத்துவருடன் தொடர்ந்து தொடர்பு கொண்டு, அவ்வப்போது உங்களைப் பரிசோதித்துக்கொள்ளவும். அவர்கள் பரிந்துரைத்த மருந்து ஏதேனும் உங்களுக்கு பொருந்தவில்லை என்றால் அல்லது ஏதேனும் பக்க விளைவுகளை எதிர்கொண்டால், உங்கள் மருத்துவரிடம் ஆலோசனை செய்யுங்கள்.
மேலும் படிக்க | சுகர் லெவலை கட்டுக்குள் வைக்க உதவும் சிம்பிளான உணவுகள்
மேலும் படிக்க | மந்தமான மூளையும் புத்துணர்ச்சி பெறும்... நினைவாற்றலை பெருக்கும் சில அற்புத மூலிகைகள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
