Ahmedabad Plane Crash What Is Mayday : அகமதாபாத் விமான விபத்து, நாட்டையே உலுக்கியுள்ளது. இந்த நிலையில், விமானம் விபத்துக்குள்ளாவதற்கு முன்னர், அதனை இயக்கிய விமானி MAYDAY அழைப்பு விடுத்ததாக கூறப்படுகிறது. இது குறித்த முழு தகவலை இங்கு பார்ப்போம்.
Ahmedabad Plane Crash What Is Mayday : ஏர் இந்தியா போயிங் 7878 ரக விமானம், அகமதாபாத் விமான நிலையத்தில் இருந்து 242 பயணிகளுடன் லண்டன் செல்ல புறப்பட்டது. ஆனால், விமானம் டேக்-ஆஃப் ஆன 10 நிமிடங்களுக்குள் கோர விபத்து ஏற்பட்டது.
அகமதாபாத்தின் சர்தார் வலாபாய் பட்டேல் விமான நிலயத்தில் இருந்து கிளம்பிய அந்த விமானம் மதியம் 1.18 மணியளவில், அருகில் இருந்த மருத்துவ கல்லூரி மாணவர் விடுதியில் மோதி விபத்துக்குள்ளானது. இந்த விபத்தில், விமானத்தை இயக்கிய 2 பைலட்கள், பிற பயணிகள், விமான ஊழியர்கள் என அனைவரும் சிக்கினர். விபத்து ஏற்படுவதற்கு முன்னர், விமானத்தை ஓட்டிய பைலட் ‘மேடே’ அழைப்பு ஒன்றை விடுத்ததாக கூறப்படுகிறது. அதன் பிறகு, அவரது லைன் அமைதியாகி இருக்கிறது.
மேடே என்றால் என்ன?
இந்த MAYDAY அழைப்பை, 1920களில் உருவாக்கியிருக்கின்றனர். இதனை கண்டுபிடித்தவர், லண்டனில் இருக்கும் க்ரையொடான் விமான நிலையத்தின் ரேடியோ அதிகாரியான ஃப்ரெட்ரிக் ஸ்டான்லி மாக்ஃபோர்ட் என கூறப்படுகிறது. இந்த வார்த்தை, ஃப்ரெஞ்ச் வார்த்தையின் ஒலிப்பு வார்த்தையை வைத்து (phonetic) இந்த வார்த்தையானது கண்டுபிடிக்கப்பட்டுள்ளது. ஃப்ரெஞ்ச் மொழியில் m'aider என்றால், எனக்கு உதவுங்கள் என்று அர்த்தம். இதை வைத்துதான் Mayday என்ற இந்த வார்த்தை உருவாக்கப்பட்டுள்ளது.
1923ஆம் ஆண்டுக்கு பிறகு, இது மோர்ஸ் கோட் போல விமானிகள் மற்றும் கப்பலோட்டிகளால் உயிருக்கு ஆபத்தான காலங்களில் உபயோகப்படுத்தப்படும் வார்த்தையாக இருக்கிறது.
எப்போதெல்லாம் மேடே அழைப்பு விடுக்கப்படும்?
விமான பயணத்தில் Mayday என்பது விமானத்திற்கோ அல்லது பயணிகளுக்கோ ஆபத்தை ஏற்படுத்தும் அவசரகால சூழ்நிலையை அறிவிக்க விமானிகள் பயன்படுத்தும் சர்வதேச அளவிலான ஒரு
சமிக்ஞை. வானொலியில் வாய்மொழியாக விடுக்கப்படும் இந்த துயர அழைப்பின் போது, பெரும்பாலும் 3 முறை மேடே என்று மீண்டும் மீண்டும் சொல்லப்படுகிறது.
உயிருக்கு ஆபத்தான அவசரநிலை குறித்து விமானப் போக்குவரத்து கட்டுப்பாட்டு அறை மற்றும் பிற விமானங்களுக்கும் இந்த ‘மேடே‘ அழைப்பு எச்சரிக்கிறது. விமானம் தீப்பிடித்தாலோ, கடலில் விழுந்து மூழ்கினாலோ அல்லது பிற கடுமையான சூழ்நிலைகளின் போது விமானிகள் மே டே என்ற வார்த்தையை சொல்கிறார்கள்
விமானத்தின் எஞ்சின் பழுதாகும் போது மேடே அழைப்பு விடுக்கப்படும் அதே போல தீ விபத்து ஏற்பட்டாலும் இந்த அழைப்பு விடுக்கப்படும் விமானத்தில் எரிபொருள் தீரும் போதும், மருத்துவ அவசரநிலைகளின் போதும் கூட மே டே பயன்படுத்தப்படும். இப்படிப்பட்ட சூழல்களில் விமானத்தை இயக்கும் விமானிகள் விமான போக்குவரத்து கட்டுப்பாட்டு அறைக்கு ‘Mayday’அழைப்பு விடுப்பார்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)