ஜாக்கிரதை! இந்த பரிவர்த்தனைகளை முடிந்தவரை தவிர்க்கவும்! வருமான வரி நோட்டீஸ் வரலாம்!

இந்தியாவில் வருமான வரி தாக்கல் தொடர்பாக பல்வேறு மாற்றங்கள் சமீபத்தில் மேற்கொள்ளப்பட்டது. 12 லட்சம் வரை ஆண்டு வருமானம் கொண்டவர்களுக்கு வருமான வரிகளில் இருந்து விலக்கு அளிக்கப்பட்டது. தற்போது வருமான வரி தாக்கல் செய்யும் காலம் தொடங்கியுள்ளது, இதனால் பலரும் தங்களது வருமான வரியை தாக்கல் செய்து வருகின்றனர். ஒரு சிலர் தங்களது வருமானத்தை சேமிக்க, வருமானத் தொகையை குறைத்து காட்ட முயற்சித்து வருகின்றனர். இருப்பினும் உங்களது பரிவர்த்தனைகள் மூலம் வருமானவரித்துறை உங்களை கண்டுபிடித்து அதற்கு அபராதங்கள் விதிக்கலாம். எனவே பின்வரும் பத்து பரிவர்த்தனங்களில் கூடுதல் கவனம் இருந்தால் வருமான வரி நோட்டீஸிலிருந்து தப்பிக்கலாம்.

மேலும் படிக்க - முடிவுக்கு வராத இஸ்ரேல்-ஈரான் மோதல்! பஞ்சாயத்து செய்ய வந்த ட்ரம்ப்

வருமான வரி நோடீஸ்-ல் இருந்து தப்பிக்க...

• உங்களது வருமானவரியை தாக்கும்போது குறைந்த தொகையை கணக்கில் காட்டி, ஆனால் உங்களது வங்கி கணக்கில் அதிகமான பரிவர்த்தனை செய்து இருந்தால் உங்களுக்கு வருமான வரி நோட்டீஸ் வரலாம். 
• கிரெடிட் கார்டின் மூலம் உங்களது வருமானத்தை விட அதிகமான அளவில் நீங்கள் செலவு செய்தால், அதற்கான பதிலை வருமான வரி துறையிடம் சொல்ல வேண்டி இருக்கும். இவ்வளவு பணத்தை எதற்காக செலவழித்தீர்கள்? இதனை எப்படி கட்டுனீர்கள்? போன்ற கேள்விகள் உங்களுக்கு கேட்கப்படும். 
• உங்களது வருமான வரி தாக்கல் மற்றும் பார்ம் 26ASல் பெரிய மாற்றங்கள் இருந்தால் உங்களுக்கு வருமான வரி நோட்டீஸ் வரலாம். இதற்கான காரணத்தை நீங்கள் தெளிவாக கூற வேண்டும். 
• நீங்கள் ஒரு சொத்தை அதிக விலைக்கு விற்றாலோ அல்லது வாங்கினாலோ அதற்கான ஆதாரத்தை நீங்கள் வருமான வரியில் தெரிவிக்க வேண்டும். மேலும் அந்த தொகைக்காண வரியை நீங்கள் அரசாங்கத்திற்கு முறையாக செலுத்த வேண்டும். ஒரு ஆண்டில் அதிகமான சொத்தை விற்றாலும், வாங்கினாலும் நீங்கள் வருமான வரி நோடீஸை பெறலாம். 
• பிக்சட் டெபாசிட் கணக்கில் அதிகமான தொகையை வரவு வைத்தாலோ அல்லது உங்களது வங்கியில் சேமிப்பு கணக்கில் அதிகமான தொகையை டெபாசிட் செய்தாலோ உங்களுக்கு வருமான வரி நோட்டீஸ் வரலாம். நீங்கள் அந்த பணத்திற்கான ஆதாரத்தை காட்ட வேண்டி இருக்கும். 
• உங்களுக்கு திடீரென்று ஸ்டாக் மார்க்கெட்டில் இருந்தோ, மியூசல் பண்டில் இருந்தோ அதிகமான வருமானம் வந்தால் நீங்கள் அதற்கான ஆதாரத்தை வருமான வரித்துறைக்கு காட்ட வேண்டி இருக்கும். இல்லையென்றால் நீங்கள் கைது செய்யப்பட வாய்ப்புள்ளது. 
• உங்களுக்கு பிக்சட் டெபாசிட் மூலம் கிடைத்த வட்டியையும், வாடகையும் மூலம் வரும் வருமானத்தையும் வருமானவரி தாக்கலில் இருந்து மறைத்தால் உங்களுக்கு வருமான வரித்துறை நோட்டீஸ் வரலாம். 
• வெளிநாட்டிற்கு பயணம் செய்யும்போது அதிகமான தொகையை செலவழித்து, வருமான வரி கணக்கில் குறைவான தொகையை மட்டும் கணக்கில் காட்டினால் உங்களுக்கு வருமான வரி நோட்டீஸ் வரலாம். 
• உங்களுக்கு வாடகையின் மூலம் அதிகமான வருமானம் வந்தால், அதற்கான TDS தொகையை காட்டாமல் இருந்தால் உங்களுக்கு வருமான வரி துறையின் நோட்டிஸ் வரலாம். 
• இரண்டு லட்ச ரூபாய்க்கு அதிகமாக எந்த ஒரு பொருளையும் பணமாக கொடுத்து வாங்க வேண்டாம். ஒரு வேலை அப்படி நீங்கள் வாங்கினால், அந்த பணத்திற்கான ஆதாரத்தை வருமான வரித்துறையிடம் தெரிவிக்க வேண்டும்.

மேலும் படிக்க - விஜய் பட காட்சியை ரீ-கிரியேட் செய்த அதிபர் ட்ரம்ப்! வைரலாகும் வீடியோ..

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ