 "கூகுள் பே, போன்பே பயன்படுத்துபவர்களுக்கு...நாளை முதல் முக்கிய மாற்றம்!")
)
இந்தியாவின் டிஜிட்டல் பரிவர்த்தனைகளின் முதுகெலும்பாக விளங்கும் UPI சேவையில், அதன் செயல்பாட்டு வேகத்தை அதிகரிக்கும் நோக்கில் இந்திய தேசிய கொடுப்பனவு கழகம் (NPCI) ஒரு முக்கிய மாற்றத்தை அறிவித்துள்ளது. இந்த புதிய விதிமுறைகள், நவம்பர் 3 நாளை முதல் நாடு முழுவதும் அமலுக்கு வருகின்றன. இந்த மாற்றம், கோடிக்கணக்கான யுபிஐ பயனர்களின் பண பரிவர்த்தனை அனுபவத்தை, குறிப்பாக பணத்தை திரும்பப் பெறுவதில் ஒரு புதிய கட்டத்திற்கு எடுத்து செல்ல உள்ளது.
தற்போதைய நடைமுறையின்படி, யுபிஐ அமைப்பில் ஒரு நாளில் 10 செட்டில்மென்ட் சுழற்சிகள் உள்ளன. இந்த சுழற்சிகளில் தான், நாம் செய்யும் வெற்றிகரமான பரிவர்த்தனைகளும் தோல்வியடைந்த அல்லது ரத்து செய்யப்பட்ட பரிவர்த்தனைகளுக்கான தீர்வு நடவடிக்கைகளும் ஒன்றாக செயல்படுத்தப்பட்டு வந்தன. யுபிஐ பரிவர்த்தனைகளின் எண்ணிக்கை ஒவ்வொரு மாதமும் பில்லியன் கணக்கில் அதிகரித்து வருவதால், இரண்டு விதமான பரிவர்த்தனைகளையும் ஒரே நேரத்தில் கையாள்வது, செட்டில்மென்ட் செயல்முறையில் தாமதத்தை ஏற்படுத்தியது. இந்த சிக்கலுக்குத் தீர்வு காணும் வகையில், NPCI தற்போது பரிவர்த்தனைகளை இரண்டாக பிரித்துள்ளது. இதன்படி, அங்கீகரிக்கப்பட்ட பரிவர்த்தனைகளும், சர்ச்சைக்குரிய பரிவர்த்தனைகளும் இனி தனித்தனி சுழற்சிகளில் கையாளப்படும்.
இந்த மாற்றத்தால், யுபிஐ பயனர்களின் தினசரி பரிவர்த்தனைகளில் எந்தவித பாதிப்பும் ஏற்படாது. மாறாக, பண பரிமாற்றங்கள் இன்னும் வேகமாக நடைபெறும். மிகப்பெரிய நன்மை என்னவென்றால், தோல்வியடைந்த பரிவர்த்தனைகளுக்கான பணம் திரும்ப கிடைப்பதில் இருந்த தாமதம் இனி நீங்கும். குறிப்பிட்ட நேர சுழற்சிகளில் இந்த பரிவர்த்தனைகள் கையாளப்படுவதால், உங்கள் பணம் எப்போது வங்கி கணக்கிற்கு திரும்ப வரும் என்பதை எளிதாக கணிக்க முடியும். இது வாடிக்கையாளர்கள் மத்தியில் நம்பிக்கையை அதிகரிக்கும்.
இந்த புதிய முறை, வங்கிகளின் செட்டில்மென்ட் மற்றும் கணக்கு சரிபார்ப்பு செயல்முறைகளில் ஏற்படும் பணிச்சுமையை குறைக்கும். பரிவர்த்தனைகள் தனித்தனியாக பிரிக்கப்படுவதால், கணக்கு வழக்குகளை நிர்வகிப்பது எளிதாகும். ஆகஸ்ட் மாதத்தில் மட்டும் யுபிஐ மூலம் 20 பில்லியனுக்கும் அதிகமான பரிவர்த்தனைகள் நடந்துள்ள நிலையில், இந்த மாற்றம் ஒட்டுமொத்த டிஜிட்டல் கட்டமைப்புக்கும் ஸ்திரத்தன்மையை கொடுக்கும் என எதிர்பார்க்கப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
