பெண்களுக்கு ரூ.2 லட்சம் வரை கடன் உதவி! ஆன்லைனில் எப்படி அப்ளை செய்வது?

இந்தியாவில் பின்தங்கிய வகுப்பை சேர்ந்த பெண் தொழில்முனைவோரை ஊக்குவித்து, அவர்களின் சமூக மற்றும் பொருளாதார நிலையை மேம்படுத்தும் நோக்கில், மத்திய அரசு "புதிய ஸ்வர்ணிமா" (New Swarnima Scheme for Women) என்ற சிறப்பு கடன் திட்டத்தை அறிமுகப்படுத்தியுள்ளது. தேசிய பிற்படுத்தப்பட்ட வகுப்பினர் நிதி மற்றும் மேம்பாட்டுக் கழகத்தின் கீழ் செயல்படுத்தப்படும் இந்த திட்டம், பெண்கள் சுயமாக தொழில் தொடங்கி, தன்னம்பிக்கையுடன் தங்கள் வாழ்க்கையை நடத்துவதற்கு ஒரு வரப்பிரசாதமாக அமைந்துள்ளது. பின்தங்கிய வகுப்பை சேர்ந்த பெண்களிடையே சுயதொழில் தொடங்கும் ஆர்வத்தை வளர்ப்பதும், அவர்களுக்கு குறைந்த வட்டியில் நிதியுதவி அளிப்பதன் மூலம் அவர்களின் வருமானத்தை உயர்த்துவதும், அதன் வழி நிதி சுதந்திரத்தை உறுதி செய்வதுமே இந்த திட்டத்தின் மைய நோக்கமாகும்.

மேலும் படிக்க | நில உரிமையாளர்களுக்கு முக்கிய செய்தி! இந்த விஷயத்தில் கூடுதல் கவனம் தேவை!

புதிய ஸ்வர்ணிமா 'ஸ்வர்ணிமா' திட்டத்தின் சிறப்பு அம்சங்கள்

• சுயதொழில் தொடங்க விரும்பும் தகுதியான ஒவ்வொரு பெண்ணுக்கும் ரூ.2,00,000 வரை காலக் கடன் வழங்கப்படும்.
• இந்த திட்டத்தின் கீழ் வழங்கப்படும் கடனுக்கு ஆண்டுக்கு வெறும் 5% வட்டி மட்டுமே வசூலிக்கப்படும். இது மற்ற வங்கி கடன்களுடன் ஒப்பிடும்போது மிகவும் குறைவு.
• ரூ.2 லட்சம் வரையிலான திட்டங்களுக்கு பயனாளிகள் தங்கள் தரப்பிலிருந்து எந்தவொரு முதலீட்டையும் செய்ய தேவையில்லை என்பது இந்த திட்டத்தின் மிகப்பெரிய சிறப்பம்சமாகும்.
• கடன் பெற்ற தொகையை, வழங்கப்பட்ட நாளிலிருந்து 4 மாதங்களுக்குள் தொழில் தொடங்குவதற்காக பயன்படுத்த வேண்டும்.
• மொத்த திட்ட தொகையில் 95% NBCFDC மூலமாகவும், மீதமுள்ள 5% மாநில அரசின் சேனலைசிங் ஏஜென்சி (SCA) மூலமாகவும் வழங்கப்படும்.

தகுதி வரம்புகள்

விண்ணப்பதாரர், மத்திய அல்லது மாநில அரசால் அங்கீகரிக்கப்பட்ட பிற்படுத்தப்பட்ட வகுப்பை சேர்ந்த பெண்ணாக இருக்க வேண்டும். மேலும் விண்ணப்பதாரரின் வயது 18 முதல் 55க்குள் இருக்க வேண்டும்.   விண்ணப்பிக்கும் பெண்ணின் குடும்ப ஆண்டு வருமானம் ரூ.3 லட்சத்திற்கு மிகாமல் இருக்க வேண்டும்.   விவசாயம், கைவினை பொருட்கள், சிறு வணிகம், போக்குவரத்து மற்றும் சேவைத்துறை போன்ற பல்வேறு தொழில்களுக்கு இந்த கடன் வழங்கப்படும்.

விண்ணப்பிக்க தேவையான ஆவணங்கள்

• ஆதார் அட்டை மற்றும் ரேஷன் கார்டு
• சாதிச் சான்றிதழ்
• வருமானச் சான்றிதழ்
• தொழில் செய்வதற்கான திட்ட அறிக்கை
• பாஸ்போர்ட் அளவு புகைப்படம்

விண்ணப்பிப்பது எப்படி?

இந்த திட்டத்தின் கீழ் பெறப்பட்ட கடனை, 8 ஆண்டுகள் வரை திருப்பி செலுத்த அவகாசம் அளிக்கப்படுகிறது. கடனை காலாண்டு தவணைகளில் செலுத்த வேண்டும். இதில், கடனைத் திருப்பி செலுத்த தொடங்குவதற்கான 6 மாத கால அவகாசமும் அடங்கும். இந்த திட்டத்தில் பயன்பெற விரும்பும் பெண்கள், தங்கள் பகுதியில் உள்ள மாநில சேனலைசிங் ஏஜென்சி அலுவலகத்தை அணுக வேண்டும். அங்கே, இந்த திட்டத்திற்கான விண்ணப்ப படிவத்தைப் பெற்று, தேவையான விவரங்களை பூர்த்தி செய்து, ஆவணங்களுடன் சமர்ப்பிக்க வேண்டும். உங்கள் பகுதிக்கு அருகிலுள்ள SCA அலுவலகத்தை தெரிந்துகொள்ள, https://nsfdc.nic.in/channel-patrners/scas என்ற இணையதளத்தை பார்வையிடலாம். மேலும் விவரங்களுக்கு 18001023399 என்ற இலவச எண்ணையும் தொடர்பு கொள்ளலாம்.

மேலும் படிக்க | கலைஞர் மகளிர் உரிமைத் தொகை : யாருக்கு ரூ.1000 கட்டாயம் கிடைக்கும்? விதிமுறை சொல்வது என்ன?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ