கொரோனா வைரஸ் பாதிப்பு எதிரொலியாக இ-விசா சேவையை தற்காலிகமாக இந்தியா நிறுத்தி வைத்துள்ளது!!
சீனாவில் கொரோனா வைரஸ் காய்ச்சலால் தற்போது வரை 300 பேர் உயிரிழந்துள்ளனர். மேலும், 14 ஆயிரத்து 500 பேருக்கு நோய் தாக்கம் கண்டறியப்பட்டுள்ளது. கொரோனோ வைரஸ், இந்தியாவில் பரவாமல் தடுக்க, மத்திய மாநில அரசுகள் முன்னெச்சரிக்கை நடவடிக்கைகளை மேற்கொண்டுள்ளன. இந்தநிலையில், சீனர்கள் மற்றும், சீனாவில் இருந்து வரும் வெளிநாட்டினருக்கும் இ-விசா வசதியை நிறுத்திவைத்து மத்திய அரசு உத்தரவிட்டுள்ளது. மேலும், கொரோனா வைரஸ் தாக்கத்தை கட்டுப்படுத்த இந்த நடவடிக்கையை மேற்கொண்டதாக தெரிவிக்கப்பட்டுள்ளது.
இந்தியா, அமெரிக்கா மற்றும் இங்கிலாந்து உள்ளிட்ட 25 நாடுகளுக்கு பரவியுள்ள கொடூரமான கொரோனா வைரஸ் பரவலை கட்டுப்படுத்துவதை கருத்தில் கொண்டு சீனாவை சேர்ந்தவர்கள், சீனப் பயணிகள் மற்றும் அங்கிருந்து இந்தியா வர விரும்பும் வெளிநாட்டினருக்கான இ-விசா வசதியை இந்தியா இன்று தற்காலிகமாக நிறுத்தியது.
"தற்போதைய சில நிகழ்வுகள் காரணமாக, இ-விசாக்களில் இந்தியாவுக்கான பயணம் தற்காலிகமாக தற்காலிகமாக நிறுத்தி வைக்கப்பட்டுள்ளது, "என்று பெய்ஜிங்கில் உள்ள இந்திய தூதரகம் அறிவித்துள்ளது. இதனால் சீனாவிலிருந்து வரக்கூடிய அந்த நாட்டு பயணிகள் மற்றும், அந்த நாட்டிலிருந்து இந்தியா வர விரும்பும் வெளிநாட்டு பயணிகளுக்கு இ-விசா கொடுக்கப்படாது.
Holders of already issued E-visas may note that these are no longer valid.
All those who have a compelling reason to visit India may contact the Embassy of India in Beijing or the Indian consulates in Shanghai or Guangzhou,and the Indian Visa Application Centres in these cities.— India in China (@EOIBeijing) February 2, 2020
"சீன பாஸ்போர்ட்டை வைத்திருப்பவர்கள் மற்றும் மக்கள் சீனக் குடியரசில் வசிக்கும் பிற நாடுகளின் விண்ணப்பதாரர்களுக்கு இந்த அறிவிப்பு பொருந்தும். ஏற்கனவே வழங்கப்பட்ட இ-விசாக்களை வைத்திருப்பவர்கள் இவை இனி செல்லுபடியாகாது என்பதைக் கவனத்தில் கொள்ள வேண்டும், "என்று அந்த அறிவிப்பில் தெரிவிக்கப்பட்டுள்ளது.
"இந்தியாவுக்கு வருகை தந்தேயாக வேண்டிய கட்டாய காரணம் இருந்தால், அவர்கள் அனைவரும் பெய்ஜிங்கில் உள்ள இந்திய தூதரகம் அல்லது ஷாங்காய் அல்லது குவாங்சோவில் உள்ள இந்திய தூதரகங்கள் மற்றும் இந்த நகரங்களில் உள்ள இந்திய விசா விண்ணப்ப மையங்களை தொடர்பு கொள்ளலாம்" என்று அந்த அறிவிப்பில் கூறப்பட்டுள்ளது.
