Tirumala Tirupathi Devasthanam News In Tamil: 65 வயதிற்கு மேற்பட்ட முதியவர்களுக்கு புதிய சிறப்பு சலுகை குறித்து மகிழ்ச்சியான தகவல் வெளியாகி இருக்கிறது. யாருக்கு இலவச சலுகை வழங்கப்படும்? எதற்காக மூத்த குடிமக்களுக்கு சிறப்பு இலவச சலுகை வழங்கப்படுகிறது? அனைத்து விவரங்களையும் இங்கு தெரிந்துக்கொள்ளலாம்.
திருப்பதி ஏழுமலையான் கோவிலில் 65 வயதிற்கும் மேற்பட்ட மூத்த குடிமக்கள் அமைதியாகவும், மிகுந்த கவனத்துடனும் சுவாமி தரிசனம் செய்வதற்கு வசதியாக திருமலை திருப்பதி தேவஸ்தானம் சிறப்பு இலவச தரிசனத்திற்கு ஏற்பாடு செய்துள்ளது.
இந்த இலவச தரிசனத்திற்காக மூத்த குடிமக்கள் தினமும் காலை 10 மணி மற்றும் மாலை 3:00 மணி என இரண்டு நேரங்களை தேவஸ்தானம் ஒதுக்கி இருக்கிறது. 65 வயதிற்கு மேற்பட்ட பக்தர்களுக்கு மட்டுமே இந்த வசதியை பெற முடியும்.
திருமலை திருப்பதி தேவஸ்தானம் தரப்பில் செய்யப்பட்டு உள்ள சிறப்பு சலுகை மூலமாக மூத்த குடிமக்கள் 30 நிமிடத்திற்குள் சுவாமி தரிசனம் செய்ய முடியும்.
மேலும் மூத்த குடிமக்கள் சுவாமி தரிசனம் செய்யும்போது மற்ற அனைத்து வரிசைகளும் நிறுத்தப்படும். இதனால் மூத்த குடிமக்கள் அமைதியாகவும் தொந்தரவு இல்லாமலும் திருப்பதி பெருமாளின் தரிசனத்தை பெற முடியும்.
அதேபோல மூத்த குடிமக்கள் கவுண்டரை அடைவதற்கு பார்க்கிங் பகுதியிலிருந்து பேட்டரி மூலம் இயக்கப்படும் கார் சேவை வழங்கப்படுகிறது.
இந்த தரிசனத்திற்கு தகுதி பெற ஒருவர் புகைப்பட அடையாளத்துடன் வயது சான்றிதழை எஸ்-1 என்ற கவுண்டரில் சமர்ப்பிக்க வேண்டும்.
இந்த தரிசனத்தில் பங்கேற்க விரும்பும் மூத்த குடிமக்கள் பக்தர்கள், தங்களுடைய புகைப்படம் மற்றும் அடையாள சான்றுடன் தட்சிண மடத் தெருவில் உள்ள திருமலை நம்பி கோவிலுக்கு அருகில் உள்ள நுழைவு வாயிலில் பதிவு செய்ய வேண்டும்.
தரிசனத்தின் போது மூத்த குடிமக்களுக்கு சாம்பார் சாதம், தயிர் சாதம் மற்றும் சூடான பால் இலவசமாக வழங்கப்படும். மேலும் மூத்த குடிமக்களுக்கு இரண்டு லட்டுகள் வழங்கப்படும்.
மூத்த குடிமக்களுக்கான சிறப்பு இலவச சலுகை குறித்து மேலும் விவரங்கள் தெரிந்துக்கொள்ள 08772277777 என்ற எண்ணில் தொடர்பு கொள்ளலாம் என தேவஸ்தானம் சார்பில் தெரிவிக்கப்பட்டு உள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
