 "இனி திருப்பதியில் டக்குனு லட்டு வாங்கலாம்... தேவஸ்தானத்தின் புது ஐடியா - என்ன தெரியுமா?")
)
TTD Laddus KIOSK Machines: ஆந்திர பிரதேசத்தில் உள்ள திருமலை திருப்பதி வெங்கடாசலபதி கோவில் புகழ்பெற்ற வைணவ திருத்தலமாகும். வைணவ திருத்தலமான இந்த கோயிலுக்கு நாடு முழுவதும் இருந்து பக்தர்கள் அதிகளவில் வருகை தருவார்கள்.
TTD: தினமும் ஆயிரக்கணக்கானோர் தரிசனம்
வெளிநாட்டு பயணிகளும் திருமலை திருப்பதிக்கு வருகை தருவது உண்டு. தினமும் 50 ஆயிரத்தில் இருந்து ஒரு லட்சம் வரையிலான பக்தர்கள் சாமி தரிசனத்திற்கு வருகை தருகின்றனர். திருவிழா காலங்களில் இந்த எண்ணிக்கை 2 லட்சம் வரை உயரும் என்றும் கூறப்படுகிறது.
TTD: தரிசனமும்... லட்டும்...
திருப்பதியில் பக்தர்கள் சாமி தரிசனம் செய்வதற்கு பல வழிகள் உள்ளன. இலவசமான சர்வ தரிசனம் , 300 ரூபாய் முன்பதிவுடன் சிறப்பு தரிசனம், விஐபி தரிசனம், மலையேறி வரும் பக்தர்களுக்கான திவ்ய தரிசனம், மூத்த குடிமக்கள் மற்றும் மாற்றுத்திறனாளிகளுக்கான தரிசனம், முன்பதிவு செய்யாமல் நேரடியாகவும் தரிசனம் மேற்கொள்ளலாம். மேலும் ஒவ்வொரு பக்தர்களுக்கும் தலா ஒரு லட்டு இலவசமாக கொடுக்கப்படும். கூடுதலாக லட்டு தேவைப்பட்டால் ஒரு லட்டுக்கு ரூ.50 செலுத்த வேண்டும்.
TTD Laddus KIOSK Machines: மூன்று புதிய இயந்திரங்கள்...
இந்நிலையில், லட்டு பிரசாத டோக்கன் வழங்க திருப்பதி மலையில் உள்ள லட்டு கவுண்டரில் இயந்திரம் ஒன்று தற்போது வைக்கப்பட்டுள்ளது. லட்டு KIOSK மெஷின் என்ற பெயரில் லட்டு பிரசாத டோக்கன்களை பக்தர்களுக்கு வழங்க மூன்று இயந்திரங்களை திருப்பதி மலையில் உள்ள லட்டு கவுண்டரில் திருமலை திருப்பதி தேவஸ்தான நிர்வாகம் பொருத்தியுள்ளது.
இந்த இயந்திரத்தில் இரண்டு ஆப்ஷன்கள் இருக்கும். தரிசன டிக்கெட்டுகளை வைத்திருப்பவர்கள் லட்டு வாங்குவதற்கும், தரிசன டிக்கெட் இல்லாதவர்களுக்கும் அல்லது கூடுதல் லட்டு வாங்க நினைப்பவர்களுக்கும் தனித்தனி ஆப்ஷன்கள் உள்ளன.
TTD: முதல் ஆப்ஷன் மூலம் லட்டு வாங்குவது எப்படி?
தரிசன டிக்கெட் இருக்கும் பக்தர்கள் சாமி கும்பிட்டு முடித்த பின் தங்கள் டிக்கெட்டுகளில் அச்சிடப்பட்டுள்ள நம்பரை அந்த இயந்திரத்தில் உள்ளீடு செய்ய வேண்டும். அதனை தொடர்ந்து டிக்கெட்களுக்கு உரிய இலவச லட்டுகளை வாங்குவதற்கு தேவையான ரசீது அந்த இயந்திரத்தில் இருந்து வெளியில் வரும். அந்த ரசீதை லட்டு கவுண்டரில் காண்பித்து பக்தர்கள் தங்களுக்கு உரிய லட்டுக்களை வாங்கிக் கொள்ளலாம்.
TTD: 2வது ஆப்ஷன் மூலம் லட்டு வாங்குவது எப்படி?
தரிசன டிக்கெட் இல்லாமல் ஆதார் எண் அடிப்படையில் லட்டு பிரசாதம் வாங்க விரும்பும் பக்தர்களும், கூடுதல் லட்டு வாங்க நினைப்பவர்களும் அதற்குரிய மற்றொரு ஆப்ஷனை தேர்வு செய்யலாம். அதன்மூலம், தங்களுடைய ஆதார் நம்பரை லட்டு KIOSK இயந்திரத்தில் உள்ளீடு செய்ய வேண்டும்.
TTD Laddus KIOSK Machines: UPI மூலம் பரிவர்த்தனை
அதனைத் தொடர்ந்து ஒரு ஆதார் அட்டைக்கு இரண்டு லட்டுக்கள் என்ற அடிப்படையில் பணம் செலுத்துவதற்கு தேவையான QR-Code இயந்திரத்தில் இருந்து காட்டப்படும். அந்த ரசீதை பக்தர்கள் தங்கள் மொபைல் போன் மூலம் ஸ்கேன் செய்து Google Pay, Phonepe உள்ளிட்ட UPI செயலிகள் மூலம் பண பரிவர்த்தனை செய்ய வேண்டும்.
அதனை தொடர்ந்து ஒரு ஆதார் அட்டைக்கு இரண்டு என்று அடிப்படையில் லட்டு வாங்க தேவையான ரசீது இயந்திரத்தில் இருந்து வரும். அதனை எடுத்து சென்று லட்டு கவுண்டரில் கொடுத்து பக்தர்கள் லட்டு பிரசாதங்களை வாங்கிக் கொள்ளலாம் என தெரிவிக்கப்பட்டுள்ளது.
TTD Laddus KIOSK Machines: எதற்கு இந்த இயந்திரங்கள்?
பயணிகள் லட்டு வாங்குவதற்கு நீண்ட வரிசையில் நிற்பதை தடுக்கும் நோக்கில் தேவஸ்தானம் இந்த புதிய முன்னெடுப்பை எடுத்துள்ளது. பக்தர்கள் பயன்படுத்த எளிமையான இந்த KIOSK இயந்திரங்கள் மூலம் இனி லட்டுவை விரைவாக வாங்கலாம். UPI மூலம் பரிவர்த்தன செய்யும் ஆப்ஷனும் கிடைப்பதன் மூலம் தடையற்ற, பணமில்லா பரிவர்த்தனை உறுதி செய்யப்படுகிறது என தேவஸ்தானம் தெரிவித்துள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
