 "ஹனிமூன் கொலை: நரபலி கொடுக்கப்பட்ட ராஜா ரகுவன்ஷி? வெளியான திடுக்கிடும் பின்னணி")
Meghalaya Honeymoon Murder Case Latest Update : இந்தியாவை உலுக்கி வரும் வழக்காக இருக்கிறது, ‘மேகாலயா ஹனிமூன் கொலை’ வழக்கு. திருமணம் முடித்த சில நாட்களில், மனைவியுடன் மகிழ்ச்சியாக தேனிலவுக்கு சென்றவர், உத்திர பிரதேசம், இந்தூரை சேர்ந்த தொழிலதிபர், ராஜா ரகுவன்ஷி. தேனிலவிற்கு சென்ற சில நாட்களிலேயே, மலை பள்ளத்தாக்கில் சடலமாக கண்டெடுக்கப்பட்டார். கழுத்து அறுபட்ட நிலையில், தலையில் பலத்த காயங்களுடன் இவரது உடல், அழுகிய நிலையில் கண்டெடுக்கப்பட்டது. இவருடன் சென்றிருந்த மனைவியை காணவில்லை. இறுதியில், சினிமாவை மிஞ்சும் அளவிற்கு ஒரு கொலையை அவர் பிளான் செய்திருக்கிறார் என்பது தெரிய வந்தது.
ஹனிமூன் கொலை:
சோனம்-ராஜா சூர்யாவன்ஷிக்கு கடந்த மே 11ஆம் தேதி திருமணம் நடந்திருக்கிறது. திருமணம் முடிந்த கையுடன் இருவரும் மேகாலயாவில் இருக்கும் காசி மலைகளுக்கு தேனிலவு சென்றிருக்கின்றனர். இருவரும் மே 23ஆம் தேதி, ஒரு விடுதியில் செக்-அவுட் செய்திருக்கின்றனர். அதன் பிறகு, இருவரும் எங்கு சென்றனர், எங்கு இருக்கின்றனர் என்பது தெரியவில்லை. 10 நாட்கள் தேடுதல் வேட்டைக்கு பிறகு, ராஜாவின் உடல் கண்டெடுக்கப்பட்டது. அதற்கு சில நாட்களுக்கு பிறகு, அவரது மனைவி சோனம் தான் கடத்தப்பட்டதாக குடும்பத்தாருக்கு தகவல் தெரிவித்திருக்கிறார். பின்னர் தனது காதலர் ராஜ் குஷ்வாலாவுடன் சேர்ந்து கணவரை ஆட்களை வைத்து தீர்த்துக்கட்டியதாக ஒப்புக்கொண்டதாக போலீஸார் கூறுகின்றனர்.
இந்த கொலை வழக்கு, தற்போது இந்திய மக்களிடையே பெரிதும் கவனம் ஈர்த்துள்ளது. இது சம்பந்தமாக, சோனம், சோனம் காதலர் ராஜ், கொலை செய்தவற்காக அவர்கள் நியமித்த 3 பேர் உள்ளிட்டோரை போலீஸார் கைது செய்து இருக்கின்றனர். இந்த வழக்கில், நாளுக்கு நாள் வெவ்வேறு வகையான தடையங்களும் வாக்குமூலங்களும் வெளியாகி வரும் நிலையில், இப்போது ராஜா ரகுவன்ஷி தாயார் கூறியுள்ள ஒரு தகவலும் அதிர்ச்சிக்குரியதாக இருக்கிறது.
சூனியம் காரணமா?
ராஜா ரகுவன்ஷியின் தாயார், தனது மகன் பில்லி சூனியம் போன்ற வித்தைகளை வைத்து கொல்லப்பட்டிருக்கலாம் என்று கூறியிருக்கிறார். அவர், சோனம் தனது மகன் மற்றும் குடும்பத்தார் மீது பில்லி-சூனியத்தை ஏவி விட்டிருக்கலாம் என்று கூறியிருக்கிறார்.
திருமணம் முடிந்த பின்னர், கவுகாத்தியில் இருக்கும் ஒரு கோயிலுக்கு, தனது மகனை சோனம் அழைத்து சென்றதாகவும் அதன் பிறகு ஒரு நெக்லஸை கொடுத்து அதை சோனம் ராஜாவை அணிந்து கொள்ள சொன்னதாகவும் கூறியிருக்கிறார். அந்த நெக்லஸ், பில்லி சூனியத்துடன் தொடர்புடையதாக இருக்கலாம் என்று சந்தேகிக்கிறார். அதே போல, சோனம் ராஜாவை அழைத்து சென்ற கோயிலும் ஏவல், பில்லி, சூனியத்திற்கு பெயர் போன கோயில் என்கிறார்.
மேலும், ராஜா கொல்லப்பட்ட அந்த அனள் பௌர்ணமிக்கு அடுத்த 11ஆம் நாள் என்று கூறியிருக்கும் அவர், அந்த நாளில் சில ஆன்மிக ரீதியான செயல்கள் நடக்கும் என்று தெரிவித்திருக்கிறார். அந்த நாளில் நரபலி கொடுக்க வேண்டும் என்கிற காரணத்திற்காக தனது மகனை சோனம் கொன்றிருக்கலாம் என்று கூறியிருக்கிறார்.
மாங்கள்ய தோஷம்..!
திருமணத்திற்கு முன்னர் ராஜாவுக்கும் சோனமிற்கும் ஜாதகம் பார்த்த போது, சோனமுக்கு மாங்கள்ய தோஷம் இருந்ததாக கூறுகிறார் கொலையான ராஜாவின் தாயார். மேலும், இதற்காக அவரது குடும்பத்தாரை முன்னரே பரிகாரம் செய்ய சொன்னதாகவும், ஆனால் அவர்கள் அதை செய்யவே இல்லை என்றும் குற்றச்சாட்டுகளை அடுக்குகிறார், ராஜாவின் தாயார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)