 "நீட் தேர்வு முடிவுகள் 2025: டாப் 100-ல் இடம் பெற்ற தமிழக மாணவர்கள்! எத்தனை பேர் தெரியுமா?")
NEET UG Results 2025 TN Candidates Top 100 : நீட் இளநிலை தேர்வு முடிவுகள் வெளியாகி இருக்கிறது. இதில், முதல் இடத்தை மகேஷ் குமார் என்பவர் பிடித்திருக்கிறார். தமிழக மாணவர்கள் இதில் எத்தனை பேர் முதல் 100 இடங்களை பெற்றிருக்கிறார்கள் என்பதை இங்கு பார்ப்போம்.
முதல் 5 இடங்களை பெற்றவர்கள்:
நீட் இளநிலை நுழைவுத்தேர்வு முடிவுகளை, தேசிய தேர்வுகள் முகமை அறிவித்திருக்கிறது. இதன்படி, ராஜஸ்தானை சேர்ந்த மகேஷ் குமார் என்கிற மாணவர் முதலிடம் பெற்றிருக்கிறார். இவர், ஒட்டுமொத்த அளவில் 99.9999547 பர்சண்டைலை பெற்றிருக்கிறார். இரண்டாவது இடத்தை மத்திய பிரதேசத்தை சேர்ந்த உட்கார்ஷ் அவாதியா என்கிற மாணவர் பெற்றுள்ளார்.
நீட் தேர்வை எழுதுவதற்கு நாடு முழுவதும் சுமார் 22,76,069 பேர் விண்ணப்பித்திருந்தனர். இந்த நிலையில், இந்த தேர்வை, 22,09,318 மட்டும் எழுதினர். இதில், சுமார் 12,36,531 பேர் தேர்ச்சி பெற்றிருக்கின்றனர். மகாராஷ்டிராவை சேர்ந்த கிர்ஷாங் ஜோஷி 3ஆவது இடத்தையும் மற்றும் மிரினாள் கிஷோர் ஜா என்பவர் நான்காவது இடத்தையும் பெற்றிருக்கிறார். ஐந்தாவது இடத்தில் டெல்லியை சேர்ந்த அவிகா அகர்வால் என்கிற மாணவி இருக்கிறார்.
தமிழ்நாட்டை சேர்ந்த எத்தனை பேர் டாப்?
நீட் தேர்வு முடிவுகள் வெளியாகியிருக்கும் நிலையில், இதில் முதல் 100 இடங்களை பெற்றிருப்பவர்களின் பெயர் பட்டியலும் வெளியாகியிருக்கிறது. இதில், தமிழ்நாட்டை சேர்ந்த மாணவர்கள் 6 பேர் இடம் பெற்றிருக்கின்றனர். இதில், முதல் ஆளாக 27ஆவது இடத்தை பெற்ற சூர்ய நாராயணன் என்பவர் இருக்கிறார். இவரை தொடர்ந்து, அபினீத் நாகராஜ் எனப்வர் 50வது இடத்தையும், புகழேந்தி ஜிஎஸ் என்பவர் 61வது இடத்தையும், ஹ்ருத்திக் விஜய ராஜா கே.எஸ் என்பவர் 63வது இடத்தையும், ராகேஷ் ஏஜே என்பவர் 78வது இடத்தையும், பிரஜன் ஸ்ரீவரி என்கிற மாணவர் 88வது இடத்தையும் பெற்றுள்ளார்.
அதிக தேர்ச்சிகளை பெற்ற மாநிலம்:
இந்திய அளவில் நடத்தப்பட்ட நீட் நுழைவுத்தேர்வில், அதிக தேர்ச்சி பெற்ற மாநிலமாக உத்திர பிரதேசம் இருக்கிறது. இங்கு 1.70 லட்சம் பேர் தேர்ச்சி பெற்றுள்ளனர். அடுத்ததாக மகாராஷ்டிராவில் 1.25 லட்சம் பேரும், ராஜஸ்தானில் 1.19 லட்சம் பேரும் தேர்ச்சி பெற்றிருக்கின்றனர். கடந்த ஆண்டு, 23.33 லட்சம் பேர் நீட் நுழைவுத்தேர்வை எழுதி இருந்தனர். ஆனால் இந்த ஆண்டு அதை விட குறைவானோர்தான் நீட் தேர்வை எழுதியதாக கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)