Odisha Train Accident: ஒடிசா ரயில் விபத்தில் இதுவரை 233 பேர் பலி, 900 பேர் காயம்!

Coromandel Express Accident: ஹவுராவில் இருந்து சென்னை நோக்கிச் சென்று கொண்டிருந்த ரயில், பெங்களூருவில் இருந்து கொல்கத்தா நோக்கிச் சென்று கொண்டிருந்த மற்றொரு ரயிலின் தடம் புரண்ட பெட்டிகள் மீது மோதியது.  

Written by - RK Spark | Last Updated : Jun 3, 2023, 09:36 AM IST
  • ரயில் மோதியதில் 200க்கும் மேற்பட்டோர் உயிரிழந்தனர்.
  • தற்போது வரை 900 பேர் காயமடைந்தனர்.
  • ரூபாய் 10 லட்சம் இழப்பீடு அறிவிக்கப்பட்டுள்ளது.
Odisha Train Accident: ஒடிசா ரயில் விபத்தில் இதுவரை 233 பேர் பலி, 900 பேர் காயம்! title=

ஒடிசாவின் பாலசோரில் வெள்ளிக்கிழமை மாலை மற்றொரு ரயிலின் தடம் புரண்ட பெட்டிகள் மீது பயணிகள் ரயில் மோதியதில் 200க்கும் மேற்பட்டோர் உயிரிழந்தனர் மற்றும் 900 பேர் காயமடைந்தனர். மூன்றாவது சரக்கு ரயிலும் விபத்தில் சிக்கியதாக ஒடிசா தலைமைச் செயலாளர் பிகே ஜெனா தெரிவித்துள்ளார். ரயில் விபத்து குறித்து விசாரணை நடத்த உயர்மட்டக் குழு அமைக்கப்படும் என்று ரயில்வே அமைச்சர் அஸ்வினி வைஷ்ணவ் தெரிவித்தார்.  சமீப காலங்களில் இந்தியாவில் நடந்த மிக மோசமான விபத்துகளில் ஒன்றான இந்த விபத்து, பெங்களூரு-ஹவுரா சூப்பர்ஃபாஸ்ட் எக்ஸ்பிரஸ், ஷாலிமார்-சென்னை சென்ட்ரல் கோரமண்டல் எக்ஸ்பிரஸ் மற்றும் சரக்கு ரயில் ஆகியவற்றை உள்ளடக்கியது.

மேலும் படிக்க | ஒடிசா ரயில் விபத்தில் சிக்கி தப்பித்தவரின் நேரடி வாக்குமூலம்... சம்பவ இடத்தில் நடந்தது என்ன?

சமீபத்திய அறிக்கையை மேற்கோள் காட்டி, ஒடிசா தலைமைச் செயலாளர், கொல்கத்தாவிற்கு தெற்கே 250 கிமீ மற்றும் புவனேஸ்வருக்கு 170 கிமீ வடக்கே உள்ள பாலசோர் மாவட்டத்தில் வெள்ளிக்கிழமை இரவு 7 மணியளவில் நடந்த விபத்தில் சுமார் 900 பேர் காயமடைந்தனர். இறப்பு எண்ணிக்கை 233 ஆக உள்ளது, அதே நேரத்தில் மீட்புப் பணிகள் நடைபெற்று வருகின்றன, அருகிலுள்ள மாவட்டங்களில் உள்ள அனைத்து மருத்துவமனைகளும் தயார் நிலையில் வைக்கப்பட்டுள்ளன. மூன்று NDRF பிரிவுகள், 4 ஒடிசா பேரிடர் விரைவு நடவடிக்கைப் பிரிவுகள், 15 க்கும் மேற்பட்ட தீயணைப்பு மீட்புக் குழுக்கள், 30 மருத்துவர்கள், 200 காவல்துறை பணியாளர்கள் மற்றும் 60 ஆம்புலன்ஸ்கள் சம்பவ இடத்திற்கு அனுப்பி வைக்கப்பட்டுள்ளன என்று ஒடிசா தலைமைச் செயலாளர் பிரதீப் தெரிவித்தார்.  இந்த பயங்கர ரயில் விபத்தை கண்டித்து முதல்வர் நவீன் பட்நாயக் ஒருநாள் அரசு துக்கம் அறிவித்துள்ளார்.

விபத்து நடந்த இடத்தை ரயில்வே அமைச்சர் இன்று காலை பார்வையிட்டார். "உடனடியாக சீரமைப்புப் பணிகள் நடைபெறும். பணியாளர்களும் உபகரணங்களும் சீரமைப்புப் பணிகளுக்குத் தயாராக உள்ளன, ஆனால் எங்களின் முதல் முன்னுரிமை காயம்பட்டவர்களைக் காப்பாற்றுவதும், மருத்துவ உதவி செய்வதும் ஆகும். விரிவான விசாரணைக்குப் பிறகே விவரம் தெரியவரும். சுதந்திரமான விசாரணை நடத்தப்படும்," என்றார். விபத்தில் இறந்தவர்களுக்கு ரூபாய் 10 லட்சமும், பலத்த காயம் அடைந்தவர்களுக்கு ரூபாய் 2 லட்சமும், சிறு காயம் அடைந்தவர்களுக்கு ரூபாய் 50,000 ம் இழப்பீடு வழங்கப்படும் என்றும் திரு வைஷ்ணவ் அறிவித்துள்ளார்.  பிரதமர் நரேந்திர மோடியும் இந்த விபத்து குறித்து தனது துயரத்தை வெளிப்படுத்தினார், மேலும் இறந்தவர்களின் குடும்பத்திற்கு ரூபாய் 2 லட்சமும், காயமடைந்தவர்களுக்கு ரூபாய்50,000 ஐ பிரதமரின் தேசிய நிவாரண நிதியில் இருந்து (PMNRF) அறிவித்தார்.  மேற்கு வங்க முதல்வர் மம்தா பானர்ஜி, தலைமைச் செயலாளர் மற்றும் பிற மூத்த அதிகாரிகளுடன் நேரில் தொடர்ந்து நிலைமையை கண்காணித்து வருவதாக ட்வீட் செய்துள்ளார்.  தென்கிழக்கு ரயில்வேயின் காரக்பூர் பிரிவில் ஹவுரா-சென்னை மெயின் லைனில் நடந்த இந்த விபத்து காரணமாக இதுவரை 18 நீண்ட தூர ரயில்கள் ரத்து செய்யப்பட்டுள்ளன.

ஒடிசா ரயில் விபத்து எதிரொலியாக இதுவரை 43 ரயில்கள் ரத்து செய்யப்பட்டுள்ளது. விபத்துக்குப் பிறகு 38 ரயில்கள் திருப்பி விடப்பட்டுள்ளதாக ரயில்வே நிர்வாகம் தரப்பில் தெரிவிக்கப்பட்டுள்ளது. நேற்று முதல் இன்று வரை தமிழகத்தில் இருந்து 7 ரயில்கள் ரத்து செய்யப்பட்டுள்ளது. சென்ட்ரல் ரயில் நிலையத்திலிருந்து காலை 7 மணிக்கு புறப்பட வேண்டிய கோரமண்டல் ரயில் ரத்தால் பயணிகள் கடும் அவதிக்குள்ளாகியுள்ளனர்.  

மேலும் படிக்க | கோரமண்டல் ரயில் விபத்து... சென்னை வந்துகொண்டிருந்தபோது விபரீதம் - 132 படுகாயம்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ

Trending News