சிரித்து பேசிக்கொண்டே உயிரை விட்ட 20 வயது இளம் பெண்! நெஞ்சை நொறுக்கும் வைரல் வீடியோ..

Video Of 20 Year Old Student Collapsing On Stage Dies : 20 வயதான இந்த கல்லூரி மாணவி, மேடையில் பேசி அனைவரையும் சிரிக்க வத்ததும், அதற்கு சில விநாடிகளிலேயே மயங்கி விழுந்து உயிரை விட்டதும் இந்த வீடியோ காட்சியில் பதிவாகி இருக்கிறது.

உயிரிழந்த கல்லூரி மாணவி:

மகாராஷ்டிராவில் இருக்கும் ஒரு பிரபல கல்லூரியில்தான் இந்த 20 வயது மாணவி படித்து வந்தார். அந்த கல்லூரியில், சமீபத்தில் farewell விழா நடந்தது. இதில், மேடையேறி பேசிய அந்த பெண், மராத்தியில் பேசுகிறார். இவரது பேச்சைக்கேட்ட மாணவிகளும், அருகிலிருந்த ஆசிரியர்களும் சிரிக்கின்றனர். அந்த மாணவியும் சிரித்துக்கொண்டே தனது பேச்சை தொடர்கிறார். பாதியிலேயே அவரது பேச்சில் தடுமாற்றம் ஏற்படுகிறது, பின்பு அப்படியே கீழே சரிந்து விழுந்துவிட்டார்.

Maharashtra’s Dharashiv: Farewell Turns Fatal

20 y/o Varsha Kharat collapsed and died while giving a farewell speech on stage. Despite past heart surgery at age 8, she had been living a normal life for 12 years. Doctors suspect a sudden heart attack. https://t.co/cSFKDHQxnV pic.twitter.com/YCQHCkqSLU

—ں (@Delhiite_) April 6, 2025

விழுந்த இந்த மாணவிக்கு உதவி செய்வதற்காக அருகில் இருந்த அனைவரும் ஓடி வருவது வரை, இது குறித்து வைரலாகும் வீடியோவில் காட்சிகளாக பதிவாகியிருக்கிறது. 

மாரடைப்பு:

நன்றாக சிரித்து பேசிக்கொண்டிருந்த மாணவி, இப்படி மேடை மீதே மயங்கி விழுந்ததை தொடர்ந்து சுற்றியிருந்த மாணவ-மாணவிகளும், ஆசிரியர்களும் அதிர்ச்சியடைந்தனர். இதைத்தொடர்ந்து, அந்த மாணவியை அருகில் இருந்த மருத்துவமனைக்கு அழைத்து சென்றிருக்கின்றனர். அங்கு, அந்த மாணவி உயிரிழந்து விட்டதாக மருத்துவர்கள் கூறியிருக்கின்றனர்.

இந்த மாணவிக்கு, 8 வயதாக இருந்த போது இருதய அறுவை சிகிச்சை செய்யப்பட்டிருக்கிறது. இந்த சிகிச்சைக்கு பிறகு, அவர் 12 வருடங்கள் நலமுடன் இருந்திருக்கிறார், சகஜமான வாழ்க்கையைத்தான் வாழ்ந்திருக்கிறார். ஆனால், திடீரென எதிர்பாராத விதமாக ஏற்பட்ட மாரடைப்பு காரணமாக, இந்த மாணவி உயிரிழந்திருக்கலாம் என்று கூறப்படுகிறது.

காரணம் என்ன?

இந்த மாணவிக்கு ஏற்கனவே இருதய பிரச்சனை இருந்ததால், அதன் விளைவாக அவர் தற்போது உயிரிழந்திருக்க கூடும் என சிலர் தெரிவிக்கின்றனர். இந்த மாணவிக்கு, காங்கினிட்டல் ஹார்ட் டிஃபெக்ட் எனும் பிரச்சனை பிறவியில் இருந்தே இருந்திருக்கலாம் என்றும், இதன் விளைவாக அவருக்கு 8 வயதில் இதய அறுவை சிகிச்சை செய்யப்பட்டிருக்கலாம் என்றும் கூறப்படுகிறது. மேலும், இந்த பிரச்சனையின் விளைவு, இப்போது மரணத்தில் முடிந்திருக்கலாம் என்றும் மருத்துவர்கள் சந்தேகிக்கின்றனர்.

மேடையில் பேசும் போது, பலருக்கு பதற்றம் அதிகரிக்கலாம், இதனால் மன அழுத்தம் தரக்கூடிய சில சூழல்கள் உருவாகலாம். இதனால், இதயத்துடிப்பு அதிகரித்து, இந்த மாரடைப்புக்கு வழிவகுத்திருக்கலாம் என கூறப்படுகிறது.

அதிகரிக்கும் மரணங்கள்..

நாளுக்கு நாள், காரணமே தெரியாமல் பல எதிர்பாராத உயிரிழப்புகள் நிகழ்ந்து வருகிறது. மறைந்த கன்னட நடிகர் புனித் ராஜ்குமாரில் ஆரம்பித்து, அதன் பிறகு இளமை காலத்தில் இருக்கும் பலர் இறக்கும் செய்திகளை நாள் தோறும் கேட்டு வருகிறோம். பள்ளிக்கு சென்ற 8 வயது சிறுமி மாரடைப்பால் உயிரிழப்பதும், நடனமாடிக்கொண்டிருந்த சிறுவன் மயங்கி விழுந்து இறந்து போவதும் பலரை அதிர்ச்சிக்குள்ளாக்கியது. சமீபத்தில் கூட, ஒருவர் கிரிக்கெட் விளையாடிக்கொண்டிருந்த போது உயிரிழந்ததும் பெரிய விஷயமாக பார்க்கப்படுகிறது. அதே போலத்தான் தற்போது ஒரு கல்லூரி மாணவியும் உயிரிழந்து இருக்கிறார்.

மேலும் படிக்க | மனைவியுடன் நடனமாடிக்கொண்டே உயிரை விட்ட கணவன்! வைரலாகும் வீடியோ..

மேலும் படிக்க | டான்ஸ் ஆடும் போது உயிரிழந்த 23 வயது பெண்!! பயமுறுத்தும் வைரல் வீடியோ..

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ