 "28 கேரள பயணிகள் மாயம்... அச்சத்தில் உறவினர்கள் - நிலச்சரிவால் சீர்குலைந்த உத்தரகாண்ட்")
Uttarakhand Landslide: உத்தரகாண்டில் நேற்று பல்வேறு இடங்களில் மேக வெடிப்பு காரணமாக நிலச்சரிவு மற்றும் வெள்ளப்பெருககு ஏற்பட்டு கடும் பாதிப்பு ஏற்பட்டது.
உத்தரகாஷியில் தரலி கிராமத்தில் மேக வெடிப்பால் நேற்று மதியம் ஏற்பட்ட திடீர் வெள்ளப்பெருக்கில் இதுவரை 4 பேர் உயிரிழந்திருப்பதாக தகவல்கள் வெளியாகி உள்ளன. மேலும், 60க்கும் மேற்பட்டோர் மாயமாகியிருப்பதாகவும் கூறப்பட்டது. தற்போது 5வது நபரின் உடலும் கண்டெடுக்கப்பட்டிருப்பதாக தகவல்கள் வெளியாகின. நிலச்சரிவு ஏற்பட்டபோது வெள்ளப்பெருக்கு கிராமத்தையே அடித்து நொறுக்கும் வீடியோக்கள் நேற்று சமூக வலைதளங்களில் வெளியாகி அதிர்ச்சி அளித்தனர்.
இந்தச் சூழலில், கேரளாவை பூர்வீகமாக கொண்ட 28 சுற்றுலா பயணிகள் உத்தரகாண்டில் மாயமாகியிருப்பதாக அவர்களின் குடும்பத்தினர் தற்போது தகவல் தெரிவித்துள்ளனர். இந்த 28 பேரில் 20 பேர் கேரளாவில் இருந்து மகாராஷ்டிராவுக்கு குடிபெயர்ந்தவர்கள் ஆவர். மற்ற 8 பேரும் கேரளாவின் வெவ்வேறு பகுதிகளைச் சேர்ந்தவர்கள் என்றும் தெரிவிக்கப்பட்டுள்ளது. இது தற்போது மயமாகி உள்ள ஒரு தம்பதியின் உறவினர் ஊடகத்திடம் அளித்த தகவல் ஆகும். காணாமல் போன அந்த தம்பதியின் மகன் சம்பவம் நடப்பதற்கு ஒரு நாள் முன் அவர்களிடம் பேசியிருப்பதாக உறவினர் தகவல் தெரிவித்தார்.
மேலும், அந்த உறவினர் கூறுகையில், "உத்தரகாஷியில் இருந்து கங்கோத்ரிக்கு சம்பவம் நடந்த அன்று (நேற்று) காலை 8.30 மணிக்கு புறப்பட இருப்பதாக அவர்கள் கூறினார்கள். அந்த பகுதியில்தான் நிலச்சரிவும் ஏற்பட்டியிருக்கிறது. அவர்கள் அங்கு புறப்பட்டதற்கு பின்னர் அவர்களிடம் தொடர்புகொள்ளவே முடியவில்லை" என்றார்.
மேலும், அவர் ஹரிதுவாரில் உள்ள சுற்றுலா ஏஜென்சி மூலமாக உத்தரகாண்டில் 10 நாள்கள் சுற்றுலா சென்றிருக்கிறார்கள். அந்த ஏஜென்சியும் அந்த சுற்றுலா பயணிகள் எங்கிருக்கிறார்கள் என்ற தகவலை அளிக்கவில்லை என உறவினர் கூறினார். மேலும், அவர்களின் மொபைல் இந்நேரத்திற்கு சார்ஜ் இல்லாமல் கூட போயிருக்கும். அந்த பகுதியில் தற்போது மொபைல் நெட்வோர்க்கும் கிடைக்க வாய்ப்பில்லை என்றும் அந்த உறவினர் கவலை தெரிவித்தார்.
நேற்று ஏற்பட்ட திடீர் வெளப்பெருக்கு மற்றும் நிலச்சரிவு காரணமாக இடிபாடுகளால் பாதி அளவிலான தரலி கிராமமே மண்ணில் புதைத்துவிட்டதாக அதிகாரிகள் தெரிவிக்கின்றனர். கங்கோத்ரி செல்பவர்கள் பலரும் தரலி கிராமத்தில் தங்கிச் செல்லும் வழக்கம் உண்டு. அங்கு பல ஹோட்டல்கள் மற்றும் தங்குமிட வசதிகள் உள்ளன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)